काठमाडौं: नेपाली चलचित्रका सम्पादक अनिल गौतमको सडक दुर्घटनामा मृत्यु भएको छ ।
गए राति १०ः ५५ बजे बानेश्वरबाट कौसलटारस्थित निवास फर्कने क्रममा तीनकुनेस्थित मुन्नी भैरव नजिक उनी चढेको बा २९ प १४७९ नम्बरको मोटरसाइकललाई प्रदेश ३–०१–००३ क ४५६३ नम्बरको टिपरले ठक्कर दिदा उनको मृत्य भएको हो ।
दुर्घटनापछि बानेश्वरको सिभिल अस्पताल पुर्याइएको गौतमको उपचारको क्रममा निधन भएको ट्राफिक प्रहरी महाशाखाले जनाएको छ ।
टिपर चालक अहिले प्रहरीको नियन्त्रणमा रहेका छन् । चलचित्र बिकाश कम्पनीलगायत बिभिन्न ठाउँमा रहेर थुप्रै नेपाली चलचित्रको सम्पादन गरेका गौतम पछिल्लो समय प्राइम टेलिभिजनसँग आवद्ध रहेका थिए ।
Facebook Comments Box
