मनसुनपछिको वर्षाले ३१ को मृत्यु, १७ बेपत्ता, ४०० विस्थापित

काठमाडौँ:मनसुन बिदा भएयताको वर्षाका कारण आएको बाढी तथा गएको पहिरोमा परी अहिलेसम्म ३१ जनाको मृत्यु भएको छ भने १७ जना हराइरहेका छन्।

गृह मन्त्रालयको विपद् व्यवस्थापन महाशाखाले बुधबार बिहान दिएको विवरणअनुसार बाढी तथा पहिरोमा परी ४३ जना घाइते भएका छन् भने ४०० परिवार विस्थपित भएका छन्।

बाढी पहिरोमा मृत्यु भएका ३१ मध्ये २२ जना प्रदेश १ का मात्रै रहेको विपद् महाशाखाले जनाएको छ।