काठमाडौं । काठमाडौंको काष्ठमण्डप नजिकै बिहान करिब साढे ४ बजेदेखि लागेको आगो साढे ४ घण्टापछि नियन्त्रणमा आएको छ ।
जिल्ला प्रहरी परिसर, काठमाडौंकी डीएसपी पूर्णिमा चन्दका अनुसार काठमाडौं महानगरपालिका–२२ भिमसेनस्थानस्थित मोहन शाहको २ तले घरको कपडाको गोदामबाट आगलागी सुरु भएको थियो ।
उक्त आगलागी बिहान ९ बजेर १० मिनेटमा नियन्त्रणमा आएको चन्दले बताइन् । उनका अनुसार, अहिले क्षतिको विवरण संकलन हुँदैछ ।
आगलागी भएका तीनवटा घर र मन्दिर आगोको चपेटामा परेका छन् ।
नेपाली सेना र काठमाडौं–भक्तपुरमा उपलब्ध अन्य ९ वटा दमकल र तीन वटा पानी ट्यांकीबाट आगो नियन्त्रण गरिएको डीएसपी चन्दले बताइन् ।
आगलागीको कारण अहिलेसम्म एकिन हुन सकेको छैन ।
Facebook Comments Box
