काठमाडौँ: पूँजी बजारको गिरावट सोमबार पनि जारी रह्यो । शेयर बजार परिसूचक नेप्से आज १३ दशमलब ०३ अंकले घटेर एक हजार एक सय ९२ दशमलब ७५ अंकमा झरेको छ । शेयर कारोवारमा अनलाइन प्रणाली लागू भएपनि समस्या आउँदा र निरन्तर नेप्से ओरालो लाग्दा लगानीकर्ता निराश भएका छन् ।
आइतबार नेप्से १७ दशमलब ३१ अंकले घटेको थियो ।
यस्तै ‘क’ वर्गका कम्पनीको कारोवार मापन गर्ने सेन्सेटिभ परिसूचक २ दशमलव ६६ अंकले घटेर २५३ दशमलव ४२ अंकमा पुगेको छ ।
आजको कारोवारमा बित्त बाहेक सबै समूहको परिसूचकमा भारी गिरावट आएको छ । निर्जीवन बीमा समूहको परिसूचक १०१ दशमलब ६१ अंक, जीवन बीमा ९१ दशमलब ९१ अंक र बाणिज्य बैंक समूह १० अंकले घटेको छ ।
त्यसैगरी, होटल ११ दशमलब २१ अंक, जलबिधुत १८ दशमलब ७४ अंक र लघुवित्त २२ दशमलब ९८ अंकले घटेको छ ।
यधपी बित्त समूहको परिसूचक शुन्य दशमलब ४२ अंकले बढेको छ ।
आज कूल १३१ कम्पनीको ४ लाख ४३ हजार ३५५ कित्ता शेयर १३ करोड ३७ लाख ७९ हजार ७९६ मूल्यमा खरीद बिक्री भएको हो ।
आइतबार कूल १२५ कम्पनीको ३ लाख १४ हजार २९७ कित्ता शेयर ९ करोड ९४ लाख ५१ हजार ०४ मूल्यमा खरीद बिक्री भएका थिए ।
