काठमाडौँ: सरकारले नेपाल र संयुक्तराज्य अमेरिकाबीच पर्यटक प्रवेशाज्ञामा देखिएको शुल्कको असामनजस्यता हटाउने निर्णय गरेको छ।
सराकारको यहि पुस ६ र ९ गते बसेको मन्त्रिपरिषद्को बैठकले नेपाल र अमेरिकाबीच पारस्पारिकतासम्बन्धी प्रस्तावलाई समेत सरकारले स्वीकृत गर्दै यो निर्णय गरेको हो।
नयाँ व्यवस्थाअनुसार पर्यटक प्रवेशाज्ञा लिँदा बुझाउनुपर्ने दस्तुरमा सन् २०१९ जनवरी १ देखि पर्यटक प्रवेशाज्ञामा पाँच वर्षे (१८० दिन प्रति वर्ष) बहुप्रवेशी प्रवेशाज्ञा लिँदा अमेरिकी र नेपाली पर्यटक दुवैले अमेरिकी डलर १६० दस्तुर तिर्नुपर्नेछ ।
हाल अमेरिकी नागरिकले अमेरिकी डलर १६० र नेपाली नगारिकले अमेरिकी डलर १०० दस्तुर तिर्ने व्यवस्था छ । नेपाली नागरिकले अध्ययन प्रवेशाज्ञा आवेदन गर्दा अमेरिकी दूतावासले लिने गरेको अतिरिक्त शुल्क अमेरिकी डलर २०० हटाउने सम्बन्धमा आवश्यक समन्वय गर्न परराष्ट्र मन्त्रालयलाई निर्देशन दिइएको सरकारका प्रवक्ता तथा सञ्चार तथा सूचना प्रविधिमन्त्री गोकुलप्रसाद बाँस्कोटाले जानकारी दिए।
