काठमाडौँ: सरकारले राष्ट्रिय जीवनका भिन्न क्षेत्रमा रहेका संबैधानिक व्यक्तित्वहरुको मर्यादाक्रम निर्धारण गरेको छ ।
नेपालि सेनाका प्रधानसेनापति अर्थात चार तारे जर्नेल पनि भनिने महारथीको मर्यादाक्रम ९ नौं तहमा कायम गरिएको छ। प्रधानसेनापति र काठमाडौँ महानगरपालिकाका मेयरको मर्यादाक्रम बराबर कायम गरिएको छ।
९ नम्बर मर्यादाक्रममा नेपाल सरकारका सहायक मन्त्री, प्रदेश सरकारका मन्त्री, प्रतिनिधिसभाका सदस्य, राष्ट्रिय सभाका सदस्य, प्रदेश सरकारका राज्यमन्त्री, प्रदेश सभाका उप-सभामुख, प्रदेश सभाका भिन्न समितिका सभापति, काठमाडौँ महानागरपालिकाका प्रमुख, संबिधानसभाका सदस्य, पूर्व सांसद, नेपाल सरकारका मुख्य सचिव र प्रधानसेनापति हुने छन् भनेर उल्लेख गरिएको छ।
मन्त्रिपरिषद् पुस १९ र २३ गतेको बैठकले यस अघिको खण्ड ६७, संख्या ५५, मिति २०७४/१०/२६ गतेको नेपाल राजपत्रमा प्रकाशित मर्यादाक्रम सम्बन्धि गृह मन्त्रालयको सूचना खारेज गरेको समेत जनाएको छ।
