काठमाडौं: सरकारले कतारका लागि नेपाली राजदूत रमेश कोइरालालाई फिर्ता बोलाएको छ ।
वैशाख ५ र १० गतेको मन्त्रिपरिषद बैठकको निर्णय सार्वजनिक गर्दै सरकारका प्रवक्ता सञ्चार तथा सूचना प्रविधिमन्त्री गोकुलप्रसाद बाँस्कोटाले राजदूत कोइरालालाई फिर्ता बोलाउने निर्णय गरेको जानकारी दिए ।
पत्रकारले सोधेको प्रश्नमा, सरकारले आवश्यकता महसुसस गरी राजदूत कोइरालालाई फिर्ता बोलाइएको मन्त्री बाँस्कोटाले बताए ।
अहिलेसम्मको कार्यकालका लागि राजदूत कोइरालाई धन्यवादसमेत दिए ।
कोइरालालाई २ वर्षअघि पुष्पकमल दाहाल प्रचण्ड नेतृत्वले राजदूत बनाएको थियो ।
वर्तमान सरकारले यसअघि इजरायलका लागि नेपाली राजदूत निरन्जन कुमार थापालाई कार्तिक २५ गते फिर्ता बोलाएको थियो ।
राप्रपाका नेता समेत रहेका थापालाई प्रचण्ड नेतृत्वको सरकारले राजदूत बनाएको थियो ।
Facebook Comments Box
