काठमाडौं: सोमबार साझ मन्त्रिपरिषद् बैठक बस्ने भएको छ । प्रधानमन्त्री केपी शर्मा ओलीले साँझ ५ बजेका लागि मन्त्रिपरिषद् बैठक बोलाएको प्रधानमन्त्री ओलीका सञ्चार विज्ञ रामशरण बजगाईँले जानकारी दिनुभयो ।
उनका अनुसार आजको मन्त्रिपरिषद् बैठक नियमित बैठक हो। नियमित मन्त्रिपरिषद्को बैठक प्रत्येक साताको प्राय सोमबार र विहिबार बस्दै आएको छ ।
स्रोतका अनुसार आज बस्ने बैठकले केही नेपाल विद्युत प्राधिकरणको कार्यकारी प्रमुख र सरकारको प्रवक्ता समेत तोक्न सक्ने आंकलन गरिएको छ ।
प्राधिकरणका कार्यकारी निर्देशक कुलमान घिसिङको चार वर्षे कार्यकाल आइतबार सकिएको छ । त्यस्तै सरकारको प्रवक्ताको जिम्मेवारी समेत पाएका अर्थ तथा सञ्चार मन्त्री डा. युवराज खतिवडाले भदौ २० गते राजीनामा दिएसँगै सो पद पनि खाली छ ।
Facebook Comments Box
