काठमाडौँ: साताको पहिलो कारोवारको दिन आइतबार दोहोरो अंकले घटेको पूँजी बजारमा आज सामान्य सुधार आएको छ । सेयर बजार परिसूचक (नेप्से) ६ दशमलब १६ अंकले बढेर एक हजार २२० दशमलब ५२ अंकमा पुगेर बजार बन्द भएको छ ।
आइतबार नेप्से १३ दशमलब ०१ अंकले घटेको थियो । आजको कारोवारमा नेप्से बढे पनि कारोवार रकममा गिरावट आएको छ ।
अन्य र जीवन बीमा समूह बाहेक सबै समूहको परिसूचक वृद्धि भएको छ ।
सबै भन्दा बढी होटल समूहको परिसूचक ४८ दशमलब ४३ अंक र निर्जीवन बीमा ३० दशमलब ५ अंकले बढेको छ भने बाणिज्य बैंक ७ दशमलब ६१ अंक, विकास बैंक ११ दशमलब ८७ अंक र उत्पादन मूलक समूहको परिसूचक १३ दशमलब ५६ अंकले बढेको छ ।
त्यसैगरि, जलबिधुत एक अंक, बित्त एक दशमलब ९२ अंक र लघुवित्त ९ दशमलब ०२ अंकले बढेको छ ।
यधपी, जीवन बीमा समूहको परिसूचक ४ दशमलब ७१ अंक र अन्य समूहको परिसूचक ३ दशमलब ९५ अंकले घटेको छ ।
नेपाल स्टक एक्सचेन्जमा १६३ कम्पनीहरुको कारोवार भएको छ । जस अनुसार ४ हजार ४६ कारोबारबाट ३७ करोड १६ लाख ५६ हजार ९२३ रुपैयाँ बराबरका १४ लाख ५१ हजार ५७२ कित्ता सेयरहरु खरिद बिक्री भएको नेपाल स्टक एक्सचेन्ज लिमिटेडले जनाएको छ ।
आइतबार नेप्सेमा १६० कम्पनीहरुको ४ हजार ७४५ कारोबारबाट ४० करोड ७५ लाख १ हजार ४८१ रुपैयाँ बराबरका १३ लाख ३७ हजार ५२६ कित्ता सेयरहरु खरिद बिक्री भएका थिए ।
