Author: पहिलोक्लिक

काठमाडौँ: मनसुन वर्षाको प्रभाव देशभरि नै रहेकाले अझै तीन दिनसम्म देशका अधिकांश भेगमा बदली र वर्षाको सम्भावना रहेको छ । मौसम पूर्वानुमान महाशाखाले तीन दिनको मौसम पूर्वानुमानबारे आज विज्ञप्ति जारी गर्दै देशभरि नै बदली रही अधिकांश स्थानमा हल्कादेखि मध्यम तथा केही स्थानमा भारी वर्षाको सम्भावना रहेको जनाएको हो । आज दिउँसो देशभरि नै बदली रही देशको अधिकांश स्थानमा हल्कादेखि मध्यम खालको वर्षाको सम्भावना छ भने रातिको समयमा देशभर बदली रही अधिकांश स्थानमा हल्कादेखि मध्यम खालको वर्षा हुनेछ । केही स्थानमा भारी वर्षाको पनि सम्भावना रहेको छ । भोलि (शनिबार) पनि दिउँसोको समयमा देशभर बदली रही देशको मध्य र पश्चिमी भेगका…

इस्लामाबाद: पाकिस्तानका पूर्व प्रधानमन्त्री नवाज शरीफ शुक्रवार बेलायतबाट स्वदेश फर्किएका छन् । उनी अवुधाबी विमानस्थल हुँदै लाहोरतर्फ जाँदैछन् । उनी लाहोर ओर्लिएपछि भ्रष्टाचार निरोधी संस्था नेशनल एकाउन्टेबिलिटी ब्यूरो (न्याब) ले उनको गिरफ्तारीका लागि १० हजार भन्दा धेरै सिपाही तैनाथ गरेर राखेको छ । शरीफलाई भ्रष्टाचारको मामिलामा १० वर्षको जेल सजाय सुनाइएको छ । नवाजसँगै उनकी छोरी मरियम पनि पाकिस्तान फर्किँदैछिन् । उनलाई पनि भ्रष्टाचारको मामिलामा ७ वर्षको जेल सजाय तोकिएको छ । न्याबले बिहीबार मात्रै नवाज र मरियमलाई एयरपोर्टबाटै सीधा रावलपिन्डीको अदियाला जेल लैजाने जनाएको थियो । लण्डनबाट अबुधाबी तर्फ जानुअघि नवाजले एक भिडियो म्यासेज जारी गर्दै भनेका थिए, ‘जो…

दमौली, तनहुँ: प्रमुख निर्वाचन आयुक्त डा अयोधीप्रसाद यादवले हरेक तहको निर्वाचनका लागि मिति घोषणा गर्ने अधिकार निर्वाचन आयोेगलाई दिइनुपर्ने बताएका छन् । जिल्ला निर्वाचन कार्यालय तनहुँको नवनिर्मित भवनको आज दमौलीमा उद्घाटन गर्दै प्रमुख निर्वाचन आयुक्त डा यादवले निर्वाचनको मिति कानूनमा उल्लेख गरी सो अधिकार आयोगलाई दिइनुपर्छ भने । अझै पनि त्यो अधिकार मन्त्रिपरिषद्ले आफँैसँग राखेको भन्दै उनले आयोगले खुलेर काम गर्न नपाएको बताए । त्यस्तो अधिकार सरकारले नै राख्दा आयोगले समयमै निर्वाचन गर्न पाएको छैन भने । आगामी दिनमा १२० दिनमा होइन, ६० दिनमै निर्वाचन गर्ने क्षमता आयोगसँग रहेको दाबी उनले भने । अहिले पनि आयोगले संगठनात्मक संरचना तयार पार्ने,…

जाजरकोट: पाँच महिनादेखि तलबभत्ता नपाएको भन्दै काम गर्न छोडेका जाजरकोट अस्पतालका स्वास्थ्यकर्मीले आन्दोलन स्थगित गरेर काममा फर्किएका छन् । लामो समयदेखि रोकिएको तलब अर्थमन्त्रालयले स्वीकृत गरेपछि आन्दोलनरत अस्पतालका चिकित्सकसहितका स्वास्थ्यकर्मी काममा फर्किएका हुन् । जिल्ला अस्पतालका प्रमुख डा राजेन्द्र लामाले तलब निकासा हुने निश्चित भएकाले आन्दोलनका सबै कार्यक्रम स्थगित गरी काममा फर्किएको बताए । भेरी नगरपालिकाले अर्थमन्त्रालयबाट तलब निकासा दिन स्वीकृति दिएको जानकारी गराएपछि आन्दोलन फिर्ता लिन आग्रह भएको हो । नगरपालिकाले तलब र भत्ता गरी रु एक करोड ३२ लाख माग गरेकामा हाललाई रु ९५ लाख स्वीकृति भएको नगरप्रमुख घर्तीले बताए । अस्पतालका स्वास्थ्यकर्मीको आन्दोलनका कारण सयाँै बिरामीले सास्ती…

काठमाडौँ: देशभर लगभग ४३ दशमलब २८ प्रतिशत खेतमा धान रोपाई भएको छ । कृषि, भुमि ब्यबस्थापन तथा सहकारी मन्त्रालयका अनुसार हालसम्म ६ लाख ७१ हजार ९१४ हेक्टर जमिनमा रोपाई भएको जनाएको छ । नेपालमा १५ लाख ५२ हजार ४६९ हेक्टर जमिनमा धन खेति हुनेगरेको छ । समयमा देशभर मनसून सुरु भएकोले रोपाई सन्तोषजनक भएको मन्त्रालयका सह प्रबक्ता शंकर सापकोटाले बताए । उनले भने- देशभर रोपाई राम्रै संगै चलिरहेको छ । किसानहरु रोपाईमा ब्यस्त भएका छन् । यो वर्ष गतवर्षको भन्दा राम्रो रोपाई हुने अनुमान गरिएको छ । यो वर्ष ९५ प्रतिशत भन्दा बढी धानखेती हुने जमिनमा रोपाई हुने मन्त्रालयले अपेक्षा…

काठमाडौँ: मेगा बैंक नेपाल लिमिटेडको ७ औं वार्षिक साधारण सभा अहिले राजधानीको राष्ट्रिय सभा गृहमा सुरु हुदैछ। सभा बिहान ११ बजेबाट सुरु हुँदैछ । सभाले आज कूल चुक्ता पुंजीको १०.७५ प्रतिशत लाभांश ( ९९ करोड ८६ लाख रुपैयाँ) दिने प्रस्ताव पारित गर्दैछ यस्तै, बैंकले आजै संचालक समितिलाई ११ अर्व ५० करोड बराबरको आधिकारिक पुंजी वृद्धिको लागि अधिकार दिनेबारे पनि प्रस्ताव पारित हुनेछ । सभाले आर्थिक वर्ष २०७३/७४ को लेखा परीक्षण पास गर्ने कार्यक्रम रहेको छ ।यस्तै मेगा बैंकका लेखा परीक्षक र पूर्व टुरिजम विकास बैंकका लेखा परीक्षक तलव मान स्वीकृत गर्नेछ । यसरी नै सभाले आज प्रमोटर र साधारण सेयर…

बाजुरा: यहाँ आज बिहान ८ः५८ बजे ४ दशमलव १ रिक्टरको भूकम्प गएको छ । भूकम्पमापन केन्द्रका भूकम्पविद् चिन्तन तिम्सेनाले जिल्लाको उत्तरी भेगमा रहेको बूढीनन्दा नगरपालिकाको कोल्टीदेखि पूर्वमा केन्द्रविन्दु बनाएर उक्त भूकम्प गएको जानकारी दिँदै सबैलाई सतर्क रहन आग्रह गरे । भूकम्प गएपछि सदरमुकामका बांसिन्दाले होहल्ला मच्चाएका थिए ।

काठमाडौं: अनशनरत डा गोविन्द केसीको समर्थनमा त्रिभुवन विश्वविद्यालय (त्रिवि) शिक्षण अस्पतालका आवासीय चिकित्सकहरु शुक्रबारबाट हडतालमा उत्रेका छन् । केसी हाल जुम्ला अस्पतालमा १४ दिनदेखि आमरण अनशनमा बसिरहेका छन् । सरकारले बुधबार उनलाई काठमाडौं ल्याउने प्रयास गरे पनि त्यो असफल भएको थियो । यहीबीच, त्रिवि शिक्षण अस्पतालमा कार्यरत आवासीय चिकित्सकहरुको संस्था नेसनल रेजिडेन्ट डक्टर्स एसोसिएसन (एनआरडीए) ले आजबाट आकस्मिकबाहेकका सबै सेवा ठप्प परेका हुन् । एनआरडीएले बिहीबार एक विज्ञप्ति जारी गर्दै सरकारी रवैयाले आकस्मिकबाहेकका सबै सेवा ठप्प पार्ने कठोर बाटो रोजेको जनाएको छ । ‘१३ दिनसम्म पनि अनशनप्रति सरकार मौन रहनुले हामीलाई स्तब्ध बनाएको छ’, एनआरडीएद्वारा जारी विज्ञप्तिमा भनिएको छ, ‘कालोपट्टी…

काठमाडौँ: सिन्धुपाल्चोक थाङकपाल गाउँपालिका ४ सल्लेडाँडास्थित मेलम्ची मानेखर्क सडकमा हिजो राती बोलेरो दुर्घटना हुँदा ५ जनाको मृत्यु भएको छ भने ८ जना गम्भिर घाइते भएका छन् । तितेपानीबाट मानेखर्क जाँदै गरेको लु १ ख ९९९ नम्बरको बोलेरो ४ सय मिटर तल खस्दा ५ जनाको मृत्य भएको जिल्ला प्रहरी कार्यालय सिन्धुपाल्चोकको एसपी मोहन पोखरेले जनाएका छन् । मृत्यु हुनेहरुमा सिन्धुपाल्चोककै नानी तामाङ, जयरानी तामाङ, भीमबहादुर तामाङ, होम तामाङ र सुनमाया तामाङ रहेको प्रहरीले जनाएका छन् । घाईते हुनेहरुमा चालक रामबहादुर लामा, अश्मि श्रेष्ठ, मनमाया तामाङ, खुशि तामाङ, सुस्मिता वाईबा, शिर्षानी वाईवा , जिमी तामाङ र भिमजुनी तामाङ रहेका छन । दुर्घटनामा…

भक्तपुर: चाँगुनारायण नगरपालिका–७ मझुवामा बिहीबार बिहान आएको पहिराले टहरा पुरेर मृत्यु भएको लामा परिवारलाई तत्काल रु एक लाख राहत दिइने भएको छ । जिल्ला विपद् व्यवस्थापन समितिको बैठकले प्रकोपपीडित उद्धार र राहतसम्बन्धी मापदण्ड (छैटौँ संशोधन) २०७४ बमोजिम लामा परिवारलाई रु एक लाख राहत दिने निर्णय गरेको हो । टहरा पुरिँदा एकै परिवारका ७० वर्षीय हीरा लामा, ६५ वर्षीया पानमाया र साढे दुई वर्षीया सम्पदा गरी तीन जनाको मृत्यु भएको थियो । समितिको बैठकले डुबानका कारण विस्थापितलाई खाद्यान्न, स्वच्छ खानेपानी, लत्ताकपडालगायत राहत तथा पुनःस्थापनाका लागि सम्बन्धित स्थानीय तहको संयोजनमा अन्य सरोकारा भएका निकाय तथा संघसंस्थाको समन्वयमा एकद्वार प्रणालीबाट व्यवस्थापन गर्ने निर्णयसमेत…