Author: पहिलोक्लिक

काठमाडौँ: नेपाली कांग्रेस सभापति शेरबहादुर देउवा पाँचौँ पटक प्रधानमन्त्री बनेका छन् । उनले मंगलबार साँझ राष्ट्रपति विद्यादेवी भण्डारीसमक्ष पद तथा गोपनियताको शपथ लिएका छन् । राष्ट्रपति कार्यालयले संविधानको धारा उल्लेख नगरी ‘श्री सर्वोच्च अदालत, संवैधानिक इजलासको मिति २०७८/३/२८ को फैसला बमोजिम’ देउवालाई प्रधानमन्त्री नियुक्त गरेको भन्ने विज्ञप्ति जारी गरेपछि असन्तुष्टि जनाएका देउवाले उक्त विज्ञप्ति सच्चिएपछि मात्र शपथ लिएका हुन् । समारोहका उद्घोषकले सर्वोच्च अदालतको फैसला र संविधानको धारा ७६ (५) अनुसार देउवा प्रधानमन्त्री भएको जानकारी गराएका छन् । शपथग्रहण समारोकमा निवर्तमान केपी शर्मा ओली भने सहभागी भएका थिएनन् । राष्ट्रपति कार्यालयले नवनियुक्त प्रधानमन्त्री देउवाको शपथ ग्रहण मङ्गलबार साँझ ६…

काठमाडौं: केपी शर्मा ओली सरकारको उपप्रधान तथा अर्थ मन्त्रालयको जिम्मेवारी सम्हालेका विष्णुप्रसाद पौडेलले आज बिदाइ भेट गरेका छन् । उनले आफ्नो कार्यकाल सफल पार्न सहयोग गरेको भन्दै सबैलाई धन्यवाद दिए । उनी अर्थ मन्त्रालय, गृह मन्त्रालय, उर्जा, जलस्रोत तथा सिँचाइ मन्त्रालय र उद्योग, वाणिज्य तथा आपूर्ति मन्त्रालयमा आयोजित छुट्टा-छुट्टै विदाइ कार्यक्रममा सहभागी भए । पौडेलले जिम्मेवारीमा रहँदा सबैको साथ र सहयोगमा मुलुक र जनताका पक्षमा कैयौं दुरगामी काम गर्न सकेको बताए । उनले अब आउने मन्त्रीहरुलाई समेत उत्तिकै साथ र सहयोग गर्न कर्मचारीलाई आग्रह गरेको पौडेलको सचिवालयले जनाएको छ ।

काठमाडौं: नबिल बैंकले नेशनल एकेडेमी अफ मेडिकल साइन्स (वीर अस्पताल) लागि अत्याधुनिक अक्सिजन प्लान्ट हस्तान्तरण गरेको छ । आफ्नो ३७ औं वार्षिकोत्सवको अवसरमा नबिलले उक्त प्लान्ट अस्पताललाई हस्तान्तरण गरेको हो। उक्त प्लान्ट स्थापनाकालागि बैंक र अस्पतालबीच गत जेठ ५ गते समझदारी पत्रमा हस्ताक्षर भएको थियो । समझदारी अनुसार नबिल बैंकले ५० क्युबिक लिटर प्रतिघण्टा क्षमताको अक्सिजन प्लान्ट स्थापना गर्न लाग्ने सम्पूर्ण खर्च सहयोग गरेको छ भने अस्पतालले आवश्यक स्थान उपलब्ध गराएको बैंकले जनाएको छ । कोभिड १९ को महामारी विश्वभर फैलिरहेको अवस्थामा अक्सिजन प्लान्टले तेस्रो चरणको जोखिमको प्रतिकार्य र विरामीहरुको जीवन रक्षा हुने अक्सिजन आपूर्तिमा सहयोग पुग्ने विश्वास बैंकले…

काठमाडौँ: राष्ट्रपति विद्यादेवी भण्डारीले कांग्रेस सभापति शेरबहादुर देउवालाई प्रधानमन्त्री पदमा नियुक्त गरेकी छन् । नियुक्तिमा राष्ट्रपति कार्यालयले संविधानको धारा उल्लेख नगरी अर्को छली काम गरेको छ । राष्ट्रपतिले देउवालाई प्रधानमन्त्री पदमा नियुक्त गरेको राष्ट्रपति कार्यालयका सहायक प्रवक्ता केशवप्रसाद घिमिरेले जारी गरेको विज्ञप्तिमा जनाइएको छ तर संविधानको कुन धारा अन्तर्गत नियुक्त गरिएको भन्ने खुलाइएको छैन । विज्ञप्तिमा देउवालाई ‘सर्वोच्च अदालत, संवैधानिक इजलासको असार २८ गतेको फैसला बमोजिम’ प्रधानमन्त्री पदमा नियुक्त गरेको उल्लेख गरिएको छ । विज्ञप्तिमा भनिएको छ, ‘सम्माननीय राष्ट्रपति श्रीमती विद्यादेवी भण्डारीज्यूबाट श्री सर्वोच्च अदालत, संवैधानिक इजलासको मिति २०७८/३/२८ को फैसला बमोजिम प्रतिनिधिसभाका सदस्य एवम् नेपाली कांग्रेस संसदीय दलका नेता…

काठमाडौँ: नेकपा माओवादी केन्द्रले जनार्दन शर्मा प्रभाकर र पम्फा भुसाललाई मन्त्री बनाउने भएको छ । नवनियुक्त प्रधानमन्त्री शेरबहादुर देउवासँगको छलफलपछि माओवादी केन्द्रले पहिलो चरणमा शर्मा र भुसाललाई मन्त्री बनाउन लागेको हो । माओवादी केन्द्रका अध्यक्ष पुष्पकमल दाहाल प्रचण्डले दुई नेताको नाम दिएको स्रोत बताएको छ । माओवादीबाट सिफारिस भएका मन्त्रीलाई आजै सपथ ग्रहण गराइने भएको छ । शर्मालाई अर्थ र भुसाललाई उर्जा मन्त्रीका लागि सिफारिस गरिएको स्रोतले बतायो ।

काठमाडौँ: प्रधानमन्त्री केपी शर्मा ओलीले कोरोनाविरुद्धको दुई करोड बढी डोज खोपको खरिद प्रकृया टुंगो लागेको बताएका छन्। मंगलबार राष्ट्रको नाममा विदाइ सम्बोधन गर्दै प्रधानमन्त्री ओलीले दुई करोड बढी डोज खोपको खरिद प्रकृया टुंगो लागेको भन्दै केही महिनामै सबै नेपालीले खोप पाउने आधार तयार भएको बताए। ‘हामी खोपको उत्पादन होइनौं तर छोटो समयमै नागरिकलाई खोपको व्यवस्था गरेका छौं। २०२१ भित्र ठूलो जनसंख्यालाई खोप लगाइसक्ने छौं। केही बाँकी रहला र त्यसलाई पनि लगाउँदै जाने छौं,’ ओलीले भने। उनले जोनसन एण्ड जोनसनको ५० लाख, मोर्डेनाको ४० लाख, फाइजरको ४० लाख र कोभिसिल्ड ऐस्ट्रेजेनेकाको २० लाख गरी १ करोड ५० लाख डोज खोप…

काठमाडौँ: नेपालमा पछिल्लो २४ घण्टामा २ हजार ३९८ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका विभिन्‍न प्रयोगशालामा गरिएको ७ हजार ५८ जनाको पीसीआर परीक्षणबाट १ हजार ६३९ र ३ हजार ९५४ जनामा गरिएको एन्टिजेन परीक्षणमा ७५९ जना गरी जम्मा २ हजार ३९८ जनामा संक्रमण पुष्टि भएको हो । पछिल्लो २४ घण्टामा थप १२ जना कोरोना संक्रमितको मृत्यु भएको छ । सोही अवधिमा देशभरका विभिन्न अस्पतालबाट थप २ हजार ७८ जना कोरोना संक्रमित निको भएर विभिन्न अस्पतालबाट डिस्चार्ज भएको मन्त्रालयको तथ्यांकमा उल्लेख छ ।

काठमाडौं: प्रधानमन्त्री केपी शर्मा ओलीको विदाई र शेरबहादुर देउवाको नियुक्तिपछि सेयर बजारमा हरियाली छाएको छ। दोहोरो अंकले बढेको बजारमा कारोबार रकम भने आधा घटेको छ। सूचक १६ अंकले बढेर २८७१ बिन्दुमा पुग्दा कारोबार रकम साढे पाँच अर्ब रुपैयाँमा सीमित भएको छ। २२३ कम्पनीका ८८ लाख ३३ हजार कित्ता सेयर पाँच अर्ब ४० करोड रुपैयाँमा किनबेच भएका छन्। सोमबार एक करोड ५२ लाख कित्ता सेयर ९ अर्ब ३० करोड रुपैयाँमा किनबेच भएका थिए। सेन्ट्रल फाइनान्स, समृद्धि फाइनान्स, मञ्जुश्री फाइनान्स, प्रोग्रेसिभ फाइनान्स र आइसीएफसी फाइनान्सको सेयर मूल्य समान ६/६ प्रतिशतले बढेको छ। सिइडिबी हाइड्रोपावर, इन्फिनिटी लघुवित्त, र नेपाल लाइफको सेयर मूल्य…

काठमाडौं: नेपाली कांग्रेसका सभापति शेरबहादुर देउवालाई राष्ट्रपति विद्यादेवी भण्डारीले प्रधानमन्त्री नियुक्त गरेकी छन्। राष्ट्रपतिका प्रेस सल्लाहकार टीका ढकालले नियुक्त गरेको र केही बेरमा विज्ञप्ति आउन लागेका जानकारी दिए। राष्ट्रपतिको कार्यालयले देउवाको सपथको तयारी गरिरहेको छ। सर्वोच्च अदालतले सोमबार देउवालाई प्रधानमन्त्री नियुक्त गर्दै राष्ट्रपति कार्यालयलाई परमादेश दिएको थियो। प्रतिनिधिसभा विघटन बदर गर्दै संवैधानिक इजलासले मंगलबार ५ बजेभित्र देउवालाई प्रधानमन्त्रीमा नियुक्त गर्न आदेश दिएको थियो। राष्ट्रपतिले देउवालाई प्रधानमन्त्री नियुक्त गरेसँगै केपी शर्मा ओली पदमुक्त भएका छन्। ओलीले आजै प्रधानमन्त्री निवास बालुवटार छाड्ने तयारी गरिरहेका छन्।

काठमाडौँ: दक्षिण कोरियामा नेपालीलगायत सम्पूर्ण स्वदेशी तथा वेदेशी मजदुरको न्यूनतम तलब बढेको छ । सोमबार बसेको ज्याला निर्धारण समितिको बैठकले हाल पाइरहेको तलबमा पाँच प्रतिशतले वृद्धि गरी प्रतिघण्टा नौ हजार १६० कोरियन वन कायम गरेको हो । सन् २०२२ देखि लागू हुने यो तलबअनुसार हालको प्रतिघण्टाको ज्याला आठ हजार ७२० कोरियन वनबाट ४४० वन वृद्धि भएको हो । यसअनुरुप हप्तामा पाँच दिन र दैनिक आठ घण्टा मात्र काम गर्दा पनि मासिक १९ लाख १४ हजार ४४० वन हुनेछ । यो रकम झण्डै नेपाली रु दुई लाख बराबर हो । न्यूनतम ज्याला निर्धारण समितिमा नौ सदस्य रहेका थिए । समितिमा…