Author: पहिलोक्लिक

काठमाडौँ: नेपाली कांग्रेसको पदाधिकारी र पूर्वपदाधिकारीको आकस्मिक बैठक जारी छ। पार्टी सभापति शेरबहादुर देउवा निवास बूढानीलकन्ठमा केहीबेरअघि बैठक सुरु भएको हो। बैठकले जेनजी आन्दोलन र समाजिक सञ्जाल बन्दका विषयमा पार्टीको आधिकारिक धारणा तय गर्नेछ। महामन्त्रीद्वय गगनकुमार थापा र विश्वप्रकाश शर्माले सोमबार बिहानै सभापति देउवालाई भेटेर सामाजिक सञ्जाल बन्द र जेनजीको प्रदर्शनबारे सरकारको ध्यानाकर्षण गराउन भनेका थिए।

काठमाडौँ: सरकारका प्रवक्तासमेत रहेका सञ्चार तथा सूचना प्रविधि मन्त्री पृथ्वीसुब्बा गुरूङले जेनजीका नाममा अराजकतावादी र प्रतिगमनकारीको घुसपैठ भएको टिप्पणी गरेका छन्। सोमबार अपराह्न सेतोपाटीसँग संक्षिप्त कुराकानी गर्दै मन्त्री गुरूङले एजेन्डाभन्दा बाहिर गएर संवेदनशील क्षेत्रमा प्रदर्शन र आगजनी हुन पुगेको बताए। ‘जेनजीको माग भ्रष्टाचारको छानबिन र सामाजिक सञ्जाल पुन: सञ्चालन थियो, तर संसद भवन र सिंहदरबारजस्ता प्रमुख सरकारी केन्द्रमा आगजनी र आक्रमण गरियो,’ उनले भने, ‘त्यसपछि दु:खद घटना हुन पुग्यो।’ उनले प्रदर्शनमा धेरै जनाको मृत्यु हुनु दु:खद भएको बताए। ‘सत्ता कब्जा गर्ने नियतले यो प्रदर्शनमा प्रतिगामी र अराजकतावादीको घुसपैठ भयो,’ उनले भने, ‘थप कुरा गृहमन्त्रीजीले पनि भन्नुहोला, आज साँझ मन्त्रिपरिषद बैठक…

काठमाडौँ: काठमाडौंको नयाँबानेश्वरमा प्रदर्शन क्रममा घाइते भएर ट्रमा सेन्टर लगिएका थप दुई जनाको मृत्यु भएको छ। त्यस्तै, टिचिङ अस्पतालमा उपचाररत एक जना घाइतेको पनि मृत्यु भएको छ। योसँगै ट्रमा सेन्टरमा मात्र मृत्यु हुनेको संख्या ६ पुगेको उक्त अस्पतालका एक डाक्टरले जानकारी दिए। ‘अहिलेसम्म ६ जनाको मृत्यु भइसकेको छ। घाइतेहरू कति छन् कस्तो अवस्थामा छन्, केही निर्क्यौल गर्न सकिएको छैन,’ उनले भने, ‘अस्पतालभित्र पनि कोलाहलको स्थिति छ।’ योसँगै जेनजी आन्दोलनपछि ज्यान गुमाउनेको संख्या १० पुगेको छ। ट्रमा सेन्टरमा ६ जना, सिभिल अस्पतालमा २ जना, टिचिङ र केएमसी अस्पतालमा एक-एक जनाको मृत्यु भइसकेको छ।

काठमाडौं प्रशासनले कर्फ्यु आदेश जारी हुने स्थानहरू थप गरेको छ। जेनजीको आन्दोलबाट बानेश्वर क्षेत्र तनावग्रस्त बनेपछि प्रशासनले यसअघि त्यस क्षेत्र आसपास मात्रै कर्फ्यु आदेश जारी भएको थियो। आन्दोलन थप उग्र बन्दै गएपछि प्रशासनल सि‌ंहदरबार क्षेत्र, राष्ट्रपति कार्यालय शीतलनिवास, उपराष्ट्रपति कार्यालय, नारायणहिटी क्षेत्रमा पनि कर्फ्यु आदेश जारी गरेको हो।

काठमाडौं । जेनजीको प्रदर्शनमा बानेश्वर क्षेत्रमा कर्फ्यू जारी भएपछि सेना परिचालन भएको छ । प्रदर्शनकारीले निषेधित क्षेत्र तोड्दै संसद भवन छिरेपछि कर्फ्यू लगाइएको थियो । त्यसपछि सेना परिचालन गरिएको हो । जेनजीहरुको प्रदर्शनमा संसद भवनभित्र समेत प्रदर्शनकारी छिरेका थिए । सरकारले समाजिक सञ्जालमाथि लगाएको प्रतिबन्ध, देशमा व्याप्त भ्रष्टाचार, बेथिति, नेता र उनीहरुको छोराछोरीहरुको बिलासी जीवनशैलीमा प्रश्न गर्दै जेनजीहरुले सोमबार प्रदर्शन सुरु गरेका हुन् ।

उपभोग्य वस्तुको सहज आपूर्तिको व्यवस्था गरिंदै काठमाडौँ: सरकारले चाडपर्वको समयमा गुणस्तरीय उपभोग्य वस्तुको सहज र सुलभ आपूर्ति व्यवस्था गर्ने भएको छ। मूख्यसचिव एकनारायण अर्यालको अध्यक्षतामा आइतबार सिंहदरबारमा बसेको केन्द्रीय अनुगमन तथा मूल्याङ्कन समितिको ७१औं बैठकले सार्वजनिक यातायातको प्रभावकारी व्यवस्थापन, विपद् प्रभावित राजमार्गको पूर्ववत सञ्चालन, मौसमी रोग डेङ्गु, हैजा, लम्पी स्किनलगायतको प्रकोप नियन्त्रणलाई प्रभावकारी बनाउने निर्णय गरेको हो। राज्यको उपस्थिति जनताले प्रत्यक्ष महसुस हुने र तत्काल नतिजा देखिने गरी सबै तहका सरकारी निकायबाट नागरिकलाई सेवा प्रवाहको उचित प्रबन्ध गर्ने निर्णय बैठकले गरेको छ । उक्त बैठकमा मुख्यसचिव अर्यालले राज्यको उपस्थिति देखिने गरी बजार अनुगमन तथा यातायात सञ्चालनलाई सहज बनाउने गरी गम्भीरताका…

काठमाडौं । जेन जीको प्रदर्शन अशान्तपूर्ण भएपछि तत्कालै सबैलाई फर्किन आह्वान गरिएको छ । जेनजी नेपाल नामको फेसबुक पेजबाट सो आह्वान गरिएको हो । यसअघि आन्दोलनको बारेमा पोस्ट गर्दै आएको पेजमा लेखिएको सूचनामा भनिएको छ, ‘कृपया तत्कालै सुरक्षित तरिकाले निस्किनुहोला । धेरै स्वार्थ प्रेरित समूहहरुले भिडलाई उत्तेजित बनाइरहेका छन् । चाँडोभन्दा चाँडो त्यहाँबाट हट्नुस् । हाम्रो आजको दिन सफल भइसकेको छ । आज सबै जना सुरक्षित तरिकाले घर जानुस् ।’

काठमाडौं । प्रधानमन्त्री केपी शर्मा ओलीले सामाजिक सञ्जाल विरोधी आफू नभएको बताएका छन् । एमालेको दोस्रो विधान सभामा राखेको धारणालाई आज सोमबार प्रधानमन्त्री ओलीले टिकटकमा पोष्ट गर्दै बेथितिको विरोधी भएको टिप्पणी गरेका छन् । जेनजी पुस्ताले देशको कानुन बुझ्ने उनले बताए । ‘आमरुपमा जेन्जी पुस्ताले बुझ्छ । देशको कानुनलाई मान्छ । त्यसकारण जेन्जी पुस्तालाई जसले भड्काउन खोजेका छन् । त्यो बेकारको कुरा हो’, प्रधानमन्त्री ओलीले भनेका छन्, ‘हामी सामाजिक सञ्जालका विरोधी होइनौं । तर, बेथितिका विरोधी हौं । हेप्न खोज्नेहरुको विरोधी हौं ।’

काठमाडौँ । भ्रष्टाचार र सामाजिक सञ्जालमाथि सरकारले लगाएको प्रतिबन्धविरुद्ध प्रदर्शनमा उत्रिएका जेनजीले नयाँ बानेश्वरस्थित संसद् भवनमा ढुंगामुढा गरिरहेका छन् । प्रहरीले प्रदशर्नकारीलाई तितरबितर पार्न अश्रुग्याँस प्रहार गरिरहेका छन् । प्रहरीले कयौँ राउन्ड अश्रुग्याँस प्रहार गर्दा पनि प्रदर्शनकारीहरु पछाडि हटेका छैनन् । जिल्ला प्रशासन कार्यालयले काठमाडौँका निश्चित स्थानमा कर्फ्यु आदेश जारी गरेको छ । दिउँसो १२ः३० बजेदेखि राति १० बजेसम्मका लागि कर्फ्यु आदेश जारी भएको हो । जिल्ला प्रशासन कार्यालयले जारी गरेको सूचना अनुसार नयाँ बानेश्वर चोकदेखि पश्चिम एभरेस्ट होटल हुँदै बिजुली बजारसम्म, बानेश्वर चोकदेखि पूर्वतर्फ मिन भवन, शान्तिनगर हुँदै तीनकुने चोकसम्म, बानेश्वरदेखि उत्तर आइप्लेक्स मल हुँदै रत्नराज्य माध्यमिक विद्यालयसम्म र…

काठमाडौँ । जेनजीको प्रदर्शन नियन्त्रण बाहिर पुगेपछि स्थानीय प्रशासनले बानेश्वर क्षेत्रमा कर्फ्यु आदेश जारी गरेको छ । जिल्ला प्रशासन कार्यालय काठमाडौँले सोमबार मध्याह्न साढे १२ बजेदेखि लागू हुनेगरी राति १० बजेसम्मका लागि कर्फ्यु आदेश जारी गरेको हो। प्रदर्शनकारीहरु निशेधित क्षेत्र तोड्दै संसद भवनभित्रसमेत घुसेसँगै स्थितिलाई नियन्त्रणमा लिन प्रशासनले कर्फ्यु आदेश जारी गरेको काठमाडौँका प्रमुख जिल्ला अधिकारी छवि रिजालले जानकारी दिए ।