काठमाडौँ: बैंक तथा वित्तीय संस्थाले घर बनाउने र गाडी चढ्ने सपनालाई साकार पार्दै आइरहेका छन् । बैंकहरुले यही असार १ गतेदेखि लागु हुने गरी गाडी र घर कर्जाका नयाँ ब्याजदरहरु सार्वजनिक गरेका छन्।
बढ्दो सहरीकरण र आधुनिकीकरण पछ्याउने धेरै जसोलाई एउटा राम्रो घर र गाडी होस भन्ने चाहना हुन्छ । तर आफ्नो कमाइ लगाउन खानमै खर्च हुने भएकाले धेरै बचत गर्न नसक्ने अवस्था हुन्छ ।
बैङ्कहरूको आधारदरलाई जोडेर उनीहरूले निर्धारण गरेको ब्याजदरका आधारमा कुन बैङ्क घर र गाडी कर्जा दिन सहज र सस्ता छन् भन्ने सहजै अनुमान लगाउन सकिन्छ ।
यदि तपाईं पनि बैङ्कबाट ऋण लिएर घर बनाउने अथवा गाडी किन्ने सोच्नुभएको छ भने बैङ्कहरूले लिने ब्याजदरमा ख्यालगर्नु पर्छ ।
राष्ट्रिय वाणिज्य बैङ्क :घर कर्जा
राष्ट्रिय वाणिज्य बैङ्कले घर कर्जा ३ प्रतिशत देखि ५.६७ प्रतिशतसम्मको ब्याजदरमा उपलब्ध गराउँछ । यसमा बेस रेट जोडिन्छ । बेस रेट जोड्दा ५ वर्षसम्मका लागि लिइने घरकर्जामा ९.०५ प्रतिशतसम्मको ब्याजदर कायम गरिएको छ । यदि १० वर्षको लागि कर्जा लिएको छ भने त्यसको लागि १०.०४ प्रतिशतसम्म पर्न जान्छ । १५ वर्षका लागि लिइएको हो भने ११.०४ प्रतिशतसम्मको ब्याजदरमा कर्जा उपलब्ध हुनेछ । यो व्यवस्था यही असार १ गतेबाट लागू भएको हो ।
गाडी कर्जा :
गाडी कर्जा भने ९.३७ प्रतिशतसम्म पाइन्छ । यो आधारदरसहितको ब्याजदर हो ।
नेपाल बैङ्क : घर कर्जा
यही असार १ गतेबाटै लागू हुने गरी नेपाल बैङ्कले पनि ब्याजदर सार्वजनिक गरेको छ । यसको आधार मूल्य ६.९२ प्रतिशत छ । छ वर्षे अवधिको घर कर्जाका लागि ९.६७ प्रतिशत ब्याजदर कायम भएको छ । १० वर्षे अवधिको लागि १०.२८ प्रतिशत ब्याजदर लाग्नेछ । १५ वर्षे अवधिको घरकर्जाका लागि अधिकतम ११.१४ प्रतिशत ब्याजदर लाग्नेछ ।
सवारी कर्जा
निजी सवारी कर्जा ५ वर्षे अवधिका लागि १०.६४ प्रतिशत ब्याजदर लाग्नेछ । निजी सवारी ७ वर्षे अवधिको कर्जाको ब्याजदर ११.६४ प्रतिशत लाग्नेछ । कमर्सियल सवारी ३ देखि ५ वर्षे अवधिका लागि ११.६४ प्रतिशत लाग्नेछ । नेपाल बैङ्कले पनि असार १ गतेबाटै यी ब्याजदर कायम गरेको छ ।
प्रभु बैङ्क : घर र गाडी कर्जा
प्रभु घरकर्जा ५ देखि २५ वर्षे अवधिसम्मका लागि ५ प्रतिशत ब्याजदर लाग्नेछ । यसमा आधारदर जोडिनेछ । अहिले बैङ्कको आधारदर ९.१६ प्रतिशत छ यस आधारमा १४.१६ प्रतिशत ब्याजदरमा घर कर्जा पाइनेछ ।
गाडी कर्जा
व्यक्तिगत सवारी कर्जाको पनि आधारदरमा पाँच प्रतिशत थप भएर ब्याजदर निर्धारण गरिएको छ । गाडी कर्जा पनि १४.१६ प्रतिशत ब्याजदरमा पाइन्छ ।
कुमारी बैङ्क :घर कर्जा र गाडी कर्जा
यसको आधार मूल्य ११.०४ प्रतिशत छ । यसको घर र गाडी कर्जा ८ प्रतिशत व्याजदरमा पाइन्छ तर यसमा आधार मूल्य जोडिन्छ । आधार मूल्य जोडिँदा १९.०४ प्रतिशत पर्न जान्छ ।
मेगा बैङ्क : यसको घर र गाडी कर्जा ६ प्रतिशत ब्याजदरमा पाइन्छ । यसमा आधारदर जोडिँदा १६.२ प्रतिशत पर्न जान्छ । यसको आधारदर १०.२० प्रतिशत छ ।
सानिमा बैङ्क : सानिमाले घर कर्जा ६ प्रतिशत ब्याजदरमा उपलब्ध गराउँछ । गाडी कर्जा पनि ६ प्रतिशतमा उपलब्ध हुनेछ । यसमा आधार दर भने जोडिनेछ । यसको आधारदर ९.३८ प्रतिशत छ । यस आधारमा यसको घर रसवारी कर्जामा १५.३८ प्रतिशत ब्याजदर लाग्नेछ ।
प्रभु बैङ्क : प्रभु बैङ्कको घर र गाडी कर्जा ५ प्रतिशत ब्याजदर छ । यसको आधारदर ९.१६ प्रतिशत रहेकाले १४.१६ प्रतिशत ब्याजदर पर्न जान्छ ।
सनराइज बैङ्क :अहिले सनराइज बैङ्कको बेस रेट १०.४ प्रतिशत छ । यस आधारमा यसको घर र गाडी कर्जामा १६.४ प्रतिशत ब्याजदर रहेको छ ।
सिटिजन्स बैङ्क :यसको आधार मूल्य १०.६३ प्रतिशत छ । यसले घर किन्न ०.५ प्रतिशतदेखि ४.५ प्रतिशतसम्मको ब्याजदरमा ऋण दिन्छ ।
नबिल बैङ्क : यसले घर र गाडी किन्न ५ प्रतिशतसम्मको व्याजदरमा ऋण प्रवाह गर्छ । यसको आधारदर ७.९३ प्रतिशत छ ।
एभरेस्ट बैङ्क :गाडी कर्जा २.७५ प्रतिशतदेखि ६.७५ प्रतिशतसम्मको ब्याजदरमा उपलब्ध गराउँछ । हाउजिङ लोन एक करोडसम्म छ भने ६.५० प्रतिशतसम्म र एक करोडभन्दा माथिको लागि ७.२५ प्रतिशतसम्मको ब्याजदरमा पाइन्छ ।
इन्भेस्टमेन्ट बैङ्क :यसको बेस रेट ८.५४ प्रतिशत छ । यसले १.५ देखि ६ प्रतिशतसम्मको ब्याजदरमा ऋण उपलब्ध गराउँछ ।
एनआईसी एसिया बैङ्क: यसको बेस रेट ९.३६ प्रतिशत छ । यसले ७ प्रतिशतसम्ममा होम लोन उपलब्ध गराउँछ ।
एनसीसी बैङ्क :यसको बेस रेट १०.६३ प्रतिशत छ । यसले ६ प्रतिशतसम्मको ब्याजदरमा घर कर्जा दिन्छ ।
सिद्धार्थ बैङ्क : यसले घर र गाडी कर्जाका लागि ५ प्रतिशतसम्मको ब्याजदरमा अण दिनेछ । यसको आधारदर १०.३७ प्रतिशत छ ।
नेपाल एसबीआई बैङ्क :यसले घरकर्जा १.२५ प्रतिशतदेखि ५.५० प्रतिशतसम्मको ब्याजदरमा दिनेछ । गाडी कर्जा यही दरमा प्रवाह गर्नेछ । यसको आधार दर ९.७३ प्रतिशत छ ।
नेपाल बङ्गलादेश बैङ्क : यसले हाउजिङ लोन १.५० प्रतिशतदेखि ५ प्रतिशतसम्मको ब्याजदरमा दिन्छ । यसको आधारदर १०.५ प्रतिशत छ ।
