काठमाडौँ: साताको पहिलो दिन आइतबार पूँजी बजारमा उत्शाहजनक सूधार आएको छ । शेयर बजार परिसूचक (नेप्से) ११ दशमलब ६९ अंकले बढेर एक हजार २५६ दशमलब ५३ अंकमा पुगेको बजार बन्द भएको छ ।
नेप्से संगै कारोबारमा उलेख्य वृद्धि हुँदा लगानीकर्ता उत्साहित भएका छन् । आजको कारोबारमा सबै समूहको परिसूचकमा सुधार आएको छ ।
जीबन बीमा र उत्पादन मूलक समूहको परिसूचकमा सबै भन्दा बढी क्रमश ४८ दशमलब ५ अंक र २६ दशमलब ५१ अंकले बढेको छ ।
त्यसैगरी, बाणिज्य बैंक १३ दशमलब ७१ अंक, विकास बैंक २० दशमलब ८९ अंक, निर्जिवन बीमा २० दशमलब १८ अंक र लघुवित्त समूहको परिसूचक ८ दशमलब ३१ अंकले बढेको छ ।
होटल समूहको परिसूचकमा ४ दशमलब ३५ अंकले, बित्त ३ दशमलब ११ अंकले, अन्य शुन्य दशमलब ५४ अंकले र जलबिधुत समूहको परिसूचकमा ६ दशमलब ५४ अंकले सुधार आएको छ ।
नेपाल स्टक एक्सचेन्जमा १६६ कम्पनीहरुको कारोवार भएको छ । जस अनुसार ८ हजार ९१६ कारोबारबाट ९१ करोड ५२ लाख ९२ हजार २०४ रुपैयाँ बराबरका ३० लाख ७० हजार २३१ कित्ता सेयरहरु खरिद बिक्री भएको नेपाल स्टक एक्सचेन्ज लिमिटेडले जनाएको छ।
