Author: पहिलोक्लिक

काठमाडौं: काठमाडौं उपत्यकामा पछिल्लो २४ घण्टामा थप १४०३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौंमा ९९६, भक्तपुरमा १०२ र ललितपुरमा ३०५ गरी जम्मा १४०३ जना संक्रमित थपिएका छन् । यसअघि मंगलबार (हिजो) काठमाडौंमा १७४६, भक्तपुरमा १६७ र ललितपुरमा २१६ गरी जम्मा २१२९ जनामा कोरोना भाइरसको संक्रमण पुष्टि भएको थियो ।  

काठमाडौँ: सत्तारुढ दल नेपाल कम्युनिस्ट पार्टी (नेकपा)की सांसद तथा जनवादी गायिका सानु सिवा पहाडीको निधन भएको छ। प्रतिनिधि सभाकी सांसदपहाडीको बुधबार सिनामंगलस्थित काठमाडौं मेडिकल कलेजमा उपचारका क्रममा निधन भएको हो। मुटुमा समस्या देखिएपछि उनलाई उपचारका लागि केएमसीमा भर्ना गरिएको थियो। प्रधानमन्त्री केपी शर्मा ओलीले उनको निधनप्रति दुःख व्यक्त गरेका छन्। ‘हाम्रो पार्टी नेकपाका तर्फबाट प्रतिनिधिसभा सदस्य, संस्कृतिकर्मी सानु शिवा पहाडीको असामयिक निधन भएकोमा दुःख लागेको छ । उहाँप्रति भावपूर्ण श्रद्धाञ्जलि अर्पण गर्दै शोकसन्तप्त आफन्त र परिवारजनमा गहिरो समवेदना व्यक्त गर्दछु’, प्रधामन्त्री ओलीले भनेका छन्। लामो समयदेखि मिगौला रोगबाट पीडित पहाडीको २०६३ मा भारतको तामिलनाडुको एपोलो हस्पिटलमा मिगौला प्रत्यारोपण गरिएको थियो।…

काठमाडौँ: सत्तारुढ दल नेपाल कम्युनिस्ट पार्टी (नेकपा)का अध्यक्ष तथा प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच कर्णाली प्रदेशको समस्या समाधान गर्ने विषयमा छलफल भएको छ। बुधबार दिउँसो बालुवाटारमा दुई अध्यक्षबीच छलफल भएको र कर्णाली प्रदेशमा देखिएको विवाद समाधान र रिक्त मन्त्रालयमा मन्त्री नियुक्ति गर्ने विषयमा कुरा भएको बालुवाटार स्रोतले जनाएको छ। ‘उहाँहरुबीच कर्णाली समस्या समाधानको विषय र रिक्त मन्त्रालयमा मन्त्री नियुक्ति गर्ने विषयमा छलफल भयो’, स्रोतले भन्यो। आइतबार प्रधानमन्त्री ओली रिक्त मन्त्री नियुक्त गरेर जाने तयारी गरे पनि त्यो सफल भएको थिएन। ‘कर्णालीको विवाद समाधानका लागि त्यहाँको टिम नै बोलाइको छ त्यसलाई निष्कर्षमा पुर्याउनु पर्नेछ’ स्रोतले भन्यो,…

काठमाडौँ: बुधबार नेप्से परिसूचक ७ दशमलव ५६ अंक घटेर १ हजार ५६१ दशमलव शून्य ३ विन्दुमा झरेको छ । सेन्सेटिभ इन्डेक्स १ दशमलव ४२ अंक घटेर ३०९ दशमलव ९९ विन्दुमा ओर्लिएको छ । बुधबार १ हजार ५७२ दशमलव ३५ विन्दुदेखि खुलेको बजार १ हजार ५७३ दशमलव शून्य ९ विन्दुसम्म पुगेर ओरालो लागेको हो । आज २९ करोड ५८ लाख २१ हजार रूपैयाँ बराबरको शेयर कारोबार भएको छ । १६५ कम्पनीको यस अवधिसम्म १० लाख ९१ हजार ४ कित्ता शेयर कारोबार भएको हो । बुधबार सर्वाधिक रकमको कारोबार सानिमा बैंकको भएको छ । यस कम्पनीको ३ करोड ४३ लाख ७९ हजार…

काठमाडौँ: कोभिड संक्रमणको जोखिमका कारण बन्द रहेका सबै देविदेवताका शक्तिपीठहरु कात्तिक १ गतेदेखि खुल्ने भएका छन्। काठमाडौं उपत्यकामा रहेका गुहेश्वरी, भद्रकाली, दक्षिणकाली, शोभाभगवती, बंगलामुखी, मैतिदेवि, भाटभटेनी आकाशे देवीलगायतका शक्तिपीठहरु कात्तिक एक गतेदेखि खुल्ने भएका हुन्। दशैंको बेला विशेष पूजाआजा हुने भएकाले पनि शक्तिपीठहरु खोल्नुपर्ने बाध्यता रहेको मन्दिर व्यवस्थापकहरु बताउँछन््। मैतिदेवी मन्दिर क्षेत्र प्रबन्ध समितिका सचिव राजाराम कपालीले दशैंको बेला विशेष पूजाआजा हुने भएकाले मन्दिर खुला गर्नुपर्ने बाध्यता भएको बताए। विभिन्न गुठियारहरुको विशेष पूजा हुने र जात्रासमेत निकाल्नुपर्ने प्रचलन रहेकाले पनि पूजाका लागि खुल्ला गरिनुपर्ने बताए। तर सरकारबाट अहिलेसम्म कुनै निर्णय आइनसकेको उनले बताए। तर पनि स्थानीय भक्तजनहरुको आग्रहमा कात्तिक एक…

काठमाडौं: सरकारले आगामी ७ कार्तिकसम्म विदेशी च्यानल क्लिन फिड (विज्ञापनमुक्त) हुनैपर्ने बताएको छ । ‘विज्ञापन नियमन गर्ने सम्बन्धमा व्यवस्था गर्न बनेको ऐन २०७६’ विदेशी टेलिभिजन च्यानललाई कार्तिक ७ गतेसम्म क्लिन फिड भइसक्नुपर्छ । सूचना तथा सञ्चार प्रविधि मन्त्रालयले एक सूचना जारी गर्दै भारतीय ब्राडकाष्टर्स फोरम, डिस्कभरी नेटवर्क्स, बीबीसी न्युज, नेपाल केबल टेलिभिजन महासंघ जस्ता संघसंस्थाबाट क्लिन फिड प्रसारणको म्याद थप्न माग गरिएको ध्यानाकर्षण भएको जनाएको छ । मन्त्रालयले ऐनको मर्म र भावना अनुरुप नै क्लिफिडसहितको च्यानल प्रसारण गर्न आग्रह गरेको छ । त्यसो नभएमा कानूनअ बमोजिम हुने मन्त्रालयले बताएको छ। कात्तिक ७ गतेपछि नेपालमा प्रसारण हुने…

काठमाडौँ: सर्वोच्च अदालतले सरकारी स्वास्थ्य निकायमा कोरोना परीक्षण शुल्क नलिन सरकारका नाममा निर्देशनात्मक आदेश जारी गरेको छ । सर्वोच्चले कोरोना परीक्षणका लागि सरकारी स्वास्थ्य संस्थामा जाने कसैलाई पनि नफर्काउन र निजी स्वास्थ्य संस्थामा नपठाउन पनि आदेश दिएको छ । शुल्क लिएर परीक्षण गर्न अनुमति दिने सरकारको निर्णयले ‘आधारभूत स्वास्थ्य नागरिकको मौलिक हक’ उल्लंघन भएको दाबीसहित परेको निवेदनको सुनुवाइपछि यस्तो आदेश जारी भएको हो । मंगलबार जारी भएको पूर्णपाठमा कोरोना संक्रमणसँग जोडिएका सबै सेवा ‘आधारभूत स्वास्थ्य सेवा’ को परिभाषाभित्र पर्ने व्याख्या गरिएको छ । संविधानले आधारभूत स्वास्थ्य सेवालाई निःशुल्क भनी परिभाषित गरेको छ । अधिवक्ताहरू केशरजंग केसी र लोकेन्द्र ओलीले निजी तथा सार्वजनिक स्वास्थ्य संस्थाहरूलाई शुल्क…

काठमाडौँ: कोरोना भाइरसको फैलिँदो संक्रमणलाई ख्याल गर्दै विभिन्न मन्त्रालयका सचिवहरूले सरकारलाई यस पटक घटस्थापना (कात्तिक १ गते) देखि नै सरकारी कार्यालय बन्द गर्न सुझाव दिएका छन् । सो समाचार आजको कान्तिपुर दैनिकमा जगदिश्वर पाण्डेले लेखेका हुन् । सरकारको नियमित दसैं बिदा भने कात्तिक ७ गते (फूलपाती) देखि कात्तिक ११ गतेसम्म मात्र छ । मुलुकको प्रमुख प्रशासकीय केन्द्र सिंहदरबारदेखि प्रधानमन्त्री निवास बालुवाटार, कोभिड–१९ विपद् व्यवस्थापन केन्द्र, प्रधानमन्त्रीका सल्लाहकार र मन्त्रीहरूलाई समेत संक्रमण भएपछि सचिवहरूले प्रधानमन्त्री तथा मन्त्रिपरिषद् कार्यालय पुगेर सुझाव दिएका हुन् । प्रधानमन्त्री तथा मन्त्रिपरिषद् कार्यालय स्रोतका अनुसार सचिवहरूले मुख्यसचिव शंकरदास बैरागीलाई भेटेर आफ्ना मन्त्रालय र त्यसअन्तर्गतका कार्यालयमा पनि…

काठमाडौँ: संयुक्त राष्ट्रसंघ, मानव अधिकार परिषदको सदस्यमा नेपाल लगातार दोस्रो कार्यकालका लागि निर्वाचित भएको छ। राष्ट्रसंघको मुख्यालयमा गएराति भएको निर्वाचनमा नेपाल पुन: ३ वर्षका लागि सदस्यमा निर्वाचित भएको हो। सन् २०२१- ०२३ सम्मका लागि नेपाल निर्वाचित भएको हो। यसअघि सन् २०१८-०२० का लागि नेपाल निर्वाचित भएको थियो। एसिया प्रशान्त क्षेत्रको सदस्यका रुपमा नेपालसँगै चीन, पाकिस्तान र उज्वेकिस्तान पनि निर्वाचित भएका छन्। गोप्य रुपमा भएको मतदानमा नेपालले १ सय ५० मत प्राप्त गरेको परराष्ट्र मन्त्रालयले जनाएको छ। नयाँ कार्यकालका लागि निर्वाचित अन्य सदस्यमा अफ्रिकाबाट आइभरिकोस्ट, गाबोन, मावाली र सेनेलग, पूर्वी युरोपबाट रुस र युक्रेन, ल्याटिन अमेरिकाबाट बोलिभिया, क्युबा र मेक्सिको र…

काठमाडौँ: चेन्नई सुपर किंग्सले इन्डियन प्रिमियर लिग (आईपीएल) को २९ औं खेलमा सनराइजर्स हैदराबादलाई २० रनले पराजित गरेको छ। चेन्नईले दिएको १ सय ६८ रनको लक्ष्य पछ्याएको हैदराबादले निर्धारित २० ओभरमा ८ विकेटको क्षतिमा १ सय ४७ रनमात्र जोड्न सक्यो। हैदराबादका केन विलियम्सनले सर्वाधिक ५७ रन जोडे पनि जितका लागि पर्याप्त भएन। जोनी बेयरस्टो २३ रन आउट भए। चेन्नईका करण शर्मा र ड्वेन ब्राभोले समान २ विकेट झारे। शार्दुल ठाकुर, रवीन्द्र जडेजा र साम करनले एक–एक विकेट लिए। त्यसअघि दुबई इन्टरनेसल क्रिकेट स्टेडियममा टस जितेर ब्याटिङ गरेको चेन्नईले २० ओभरमा ६ विकेटको क्षतिमा १ सय ६७ रनको योगफल तयार पारेको…