काठमाडौँ: देव: विकास बैंकले गत आर्थिक बर्षको नाफाबाट ५.५ प्रतिशत बोनस शेयर दिने घोषणा गरेको छ।
बैंकको बिहीबार बसेको सञ्चालक समिति बैठकले हाल कायम चुक्त पुँजीको ५.५% बोनस शेयर दिने निर्णय गरेको हो । बैंकले बोनसमा लाग्ने कर तिर्न भने कुनै पनि नगद लाभांश दिएको छैन । यसर्थ, बोनसको कर सेयरधनी आफैले तिर्नुपर्ने भएको छ ।
बैंकले प्रस्तावित बोनस शेयर नेपाल राष्ट्र बैंक र आगामी वार्षिक साधारण सभाबाट पारित भएपछि वितरण गर्ने जनाएको छ । हाल यसको चुक्ता पुँजी २ अर्ब ५३ करोड ३६ लाख ८० हजार ३४८.३२ रुपैयाँ रहेको छ ।
प्रस्तावित बोनस वितरणपछि पुँजी २ अर्ब ६७ करोड ३० लाख ३२ हजार ७६७.४७ रुपैयाँ पुग्नेछ ।
Facebook Comments Box
