काठमाडौँ: नेपाल कम्युनिस्ट पार्टीका सांसद भानुभक्त ढकाल कानून, न्याय तथा संसदीय व्यवस्था मन्त्री नियुक्त भएका छन् ।
नेकपाका अध्यक्षसमेत रहेका प्रधानमन्त्री केपी शर्मा ओलीले ढकाललाई मन्त्री नियुक्त गरेका हुन् ।
तत्कालीन कानुनमन्त्री शेरबहादुर तामाङले राजीनामा दिएपछि कानून मन्त्रालय मन्त्रीविहीन थियो ।
यस्तै राज्यमन्त्री पद्मा अर्यालको मन्त्रीमा बढुवा भएको छ । उनलाई भूमि व्यवस्था तथा गरिबी निवारण मन्त्रीको जिम्मेवारी दिन लागिएको प्रधानमन्त्री निकट स्रोतले जनाएको छ ।
स्वास्थ्य राज्यमन्त्रीको जिम्मेवारी संघीय समाजवादी फोरमका डा. सुरेन्द्र यादवले पाउने बताएको छ ।
मन्त्री राज्यमन्त्रीको सपथ साढे ४ बजे तय भएको छ ।
Facebook Comments Box
