काठमाडौं: नेपालमा विहीबार थप ३६० जनामा कोरोना भाइरसको संक्रमण पुष्टि भएको छ । यो सँगै कोरोना संक्रमितको संख्या २१ हजार ७५० पुगेको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले विहीबार नियमित लाइभ अपडेटमा उक्त जानकारी दिएका हुन् ।
६ हजार २९६ सक्रिय संक्रमित रहेको उनले बताए ।
डा गौतमका अनुसार बीपी कोइराला स्वास्थ्य विज्ञान प्रतिष्ठानमा गरिएको परीक्षणमा झापका एकजना, मोरङका एकजना र सुनसरीका १५ जना, कोशी अस्पताल विराटनगरमा गरिएको परीक्षणमा इलामका १५ जना, मोरङका १३ जनामा कोरोना संक्रमण पुष्टि भएको छ ।
यस्तै प्रोदेशिक जनस्वास्थ्य प्रयोगशाला विराटनगरमा गरिएको परीक्षणमा मोरङका १० जना, सुनसरीका ४ जना, प्रादेशिक जनस्वास्थ्य प्रयोगशला जनकपुरमा गरिएको परीक्षणमा धनुषाका २३ जना, महोत्तरीका एकजना, सर्लाहीका एकजना र सिराहाका एकजनामा कोरोना संक्रमण पुष्टि भएको छ ।
यस्तै नरायणी अस्पताल वीरगंजमा गरिएको परीक्षणमा महोत्तरीका एकजना, पर्साका ४१ जना र रौतहटका एकजनामा कोरोना संक्रमण पुष्टि भएको छ ।
यस्तै राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा बाजुराका ३ जना, गोरखाका ४ जना, काठमाडौंका २५ जना, कपिलवस्तुका २१ जना, सर्लाहीका ७ जनामा कोरोना संक्रमण पुष्टि भएको छ ।
यस्तै शुक्रराज ट्रपिकल तथा सरुवा रोग अस्पतालमा गरिएको परीक्षणमा भक्तपुरका एकजना, भोजपुरका २ जना, दोलखाका एकजना, काठमाडौंका १५ जना, काभ्रेका एकजना र ललितपुरका २ जनामा कोरोना संक्रमण पुष्टि भएको छ ।
यस्तै भरतपुर अस्पतालमा गरिएको परीक्षणमा चितवनका एकजना, कीटजन्य रोग अनुसन्धान तथा तालिम केन्द्र हेटौंडामा गरिएको परीक्षणमा बाराका १३ जना मकवानपुरका ४ जना, रौतहटका एकजना, काठमाडौंका एकजना, रुपन्देहीका एकजना र सर्लाहीका एकजनामा कोरोना संक्रमण पुष्टि भएको छ ।
यस्तै वीर अस्पताल काठमाडौंमा गरिएको परीक्षणमा धनुषका एकजना, काठमाडौंका ३ जना, महोत्तरीका एकजना, नुवाकोटका एकजना, रामेछापका एकजना र सिराहाका एकजनामा कोरोना संक्रमण पुष्टि भएको छ ।
यस्तै त्रिवि शिक्षण अस्पतालमा गरिएको परीक्षणमा बाराका एकजना, गुल्मीका एकजना, कंचनपुरका एकजना, काठमाडौंका ५ जना, काभ्रेका एकजना र उदयपुरका एकजनामा कोरोना संक्रमण पुष्टि भएको छ ।
नेपाल प्रहरी अस्पतालमा गरिएको परीक्षणमा काठमाडौंका १३ जना, स्टार अस्पतालमा गरिएको परीक्षणमा काठमाडौंका ४ जना, ललितपुरका एकजना र पर्साका एकजना, डीआइडीएच ल्याबमा गरिएको परीक्षणमा ललितपुरका ६ जना, ह्याम्स अस्पतालमा गरिएको परीक्षणमा काठमाडौंका ९ जना र ललितपुरका एकजनामा कोरोना संक्रमण पुष्टि भएको छ ।
यस्तै नेपाल कोरियामैत्री अस्पतालमा गरिएको परीक्षणमा दाङका एकजना, वीरेन्द्र अस्पतलमा गरिएको परीक्षणमा काठमाडौंका एकजना र काभ्रेका एकजनामा कोरोना संक्रमण पुष्टि भएको छ ।
यस्तै प्रादेशिक क्षयरोग केन्द्र पोखरामा गरिएको परीक्षणमा गोरखाका २ जना, कास्कीका एकजना र पर्वतका एकजनामा कोरोना संक्रमण पुष्टि भएको छ । यस्तै प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा दाङका २ जना, कपिलवस्तुका एकजना, प्युठानका ५ जनामा कोरोना संक्रण्मा पुष्टि भएको छ ।
यस्तै लुम्बिनी प्रादेशिक अस्पतालमा गरिएको परीक्षणमा कपिलवस्तुका १० र रुपन्देहीका ३ जना, सुर्खेत प्रादेशिक अस्पतालमा गरिएको परीक्षणमा दैलेखका एकजना, सुर्खेतका एकजनामा कोरोना संक्रमण पुष्टि भएको छ ।
यस्तै कर्णाली स्वास्थ्य विज्ञान प्रतिष्ठानमा गरिएको परीक्षणमा जुम्लाका एकजना र मुगुका एकजना, डडेल्धुरा अस्पतालमा गरिएको परीक्षणमा बैतडीका एकजना र डोटीका २ जना, सेती प्रादेशिक अस्पतालमा गरिएको परीक्षणमा अछामका ७ जना, बझाङका ३ जना कैलालीका २१ जना र कंचनपुरका एकजनामा कोरोना संक्रणण पुष्टि भएको छ ।
२४ घण्टामा थप २३३ जना कोरोना संक्रमणमुक्त
पछिल्लो २४ घण्टामा थप २३३ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १५ हजार ३८९ पुगेको छ ।
उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो।
बुधबारसम्म १५ हजार १५६ जनाले कोरोना जितेका थिए ।
मन्त्रालयका अनुसार हालसम्म कोरोनाका कारण ज्यान गुमाउनेको संख्या ६५ पुगेको छ ।
काठमाडौंमा कोरोनाको संक्रमण बढेको हुँदा बैठक, गोष्टि बन्द गर्न मन्त्रालयले अपिल गरेको छ । सीमा क्षेत्रमा पनि संक्रमण दर उच्च रहेको हुँदा साबधानी अपनाउन अनुरोध गरेको छ ।
स्बास संकलन गरिसकेपछि अनिवार्य क्वारेन्टाइनमा बस्न अनुरोध गरेको छ । जनस्वास्थ्यमा मापदण्ड पूरा गर्न पनि सुझाएको छ ।
अस्पतालहरुले कर्मचारीलाई सिफ्टमा काम गर्ने वातावरण मिलाउन सूचना जारी गरिएको मन्त्रालयले जनाएको छ । रोगको उपचार नहुने हुँदा रोग लाग्न नदिनु नै उत्तम हो ।
