काठमाडौं, मंसिर २ । प्रहरी नेतृत्वबाट हटाइएपछि न्यायको ढोका ढकढक्याउन पुगेका दानबहादुर कार्कीको मुद्दा अब सर्वोच्च अदालतको आदेश पर्खिरहेको छ।
कार्कीले दायर गरेको रिटमाथि सर्वोच्च अदालतमा प्रारम्भिक सुनुवाइको बहस सकिएको छ। न्यायाधीश श्रीकान्त पौडेलको एकल इजलासमा भएको सुनुवाइपछि अब अदालतको आदेश आउन बाँकी छ।
गत कात्तिक १८ गते सरकारले कार्कीलाई प्रहरी महानिरीक्षकको जिम्मेवारीबाट हटाएर प्रधानमन्त्रीको सुरक्षा सल्लाहकार बनाउने निर्णय गरेको थियो। त्यसलगत्तै एआईजी डा। मनोजकुमार केसीलाई नयाँ प्रहरी महानिरीक्षकमा बढुवा गरिएको थियो।
सरकारको उक्त निर्णय गैरकानुनी भएको र आफू अन्यायमा परेको जिकिर गर्दै कार्की सर्वोच्च पुगेका हुन्। उनले मन्त्रिपरिषद्को निर्णय बदर गर्न माग गरेका छन्।

