Author: पहिलोक्लिक

काठमाडौँ: धुलिखेल–बर्दिवास सडकखण्डमा सवारी साधन केही समय राख्न र रोक्न (पासिङ जोन ) निर्माण गरिने भएको छ । एक लेन चौडाइको सो सडकमा एउटा सवारीसाधन बिगँ्रदा अथवा राकिएर रहँदा सवारीसाधन आगमन ठप्प हुने अवस्थालाई अन्त्य गर्ने ठाउँ ठाउँमा पासिङ जोन निर्माण गर्न लागिएको हो । एक सय ६० किमि सडकमा चार पाँच सय मिटरको दूरीमा जोन निर्माण गर्ने गरी योजना बनाइएको आयोजना व्यवस्थापक सूर्यबहादुर भाटले जानकारी दिए । उनका अनुसार चार खण्डमा विभाजित सडकमा सबैभन्दा साँघुरो भागका रुपमा खुर्काेट–नेपालथोक रहेको छ । उनले भने, “चौडाइ बढी भएकोभन्दा कम चौडाइको सडकमा बढी आवश्यक देखिएको छ ।” साँघुरो सडकमा…

मेलम्ची: मेलम्ची खानेपानी आयोजनाको मुहानसम्मको सडक निर्माण अघि बढेको छ । जिरो किलोबाट २५ किमी सडकमध्ये बाँकी रहेको १० किमी सडक निर्माण शुरु भएको हो । सडक विभागले जिरो किलोबाट मेलम्ची बजारसम्मको १५ किमी सडक कालोपत्र गरेको थियो । अहिले मेलम्ची बजारबाट याङ्ग्री खोला र ‘हेडबक्स’ सम्मको सडक निर्माण गर्न लागिएको मेलम्ची खानेपानी विकास समितिका प्रवक्ता राजेन्द्रप्रसाद पन्तले बताए । सो स्थानमा सडक र पुल निर्माणका लागि गत वर्ष नै ठेक्का सम्झौता भएको थियो । सडक निर्माणका लागि जग्गा अधिग्रहणको समस्या रहेको उनले बताए । अहिले सडकको ट्र्याक खोल्ने काम सकिएको छ । उनले भने ,“मालबाहक सवारीसाधन…

बागलुङ: बागलुङ नगरपालिका–४ कुँडुलेफेदीमा आकर्षक शैलीमा निर्माण गरिएको भूमिगत सङ्ग्रहालय पर्यटक र श्रद्धालु भक्तजन दुवैको पहिलो रोजाइ बन्न थालेको छ । जिल्ला सदरमुकाम नजिक रहेको र धार्मिक एवं पर्यटकीय हिसाबले पनि महत्वपूर्ण रहेकाले शालिग्राम सङ्ग्राहलयप्रतिको आकर्षण उल्लेख्य रुपमा बढ्दै गएको हो । कालीगण्डकी नदीमा मात्र पाइने शालिग्राम क्रमशः लोप हुन थालेपछि संरक्षणका लागि भू–गर्भभित्र सुरुङ निर्माण गरेर मनै लोभ्याउने गरी सङ्ग्रहालय निर्माण गरिएको हो । यसको रोचक र ऐतिहासिक पक्ष के छ भने अझ पनि धेरैलाई थाहा नभएको र जानकारी हुनुपर्ने अर्थात् गराउनुपर्ने विषय सङ्ग्रहालयमा करीब १० मिनेट समय निकालेर घुम्दा पवित्र धार्मिकस्थलको यात्रा अनुभूतिसमेत हुन्छ । …

काठमाडौं : कर्जा बिस्तारलाई ब्रेक लगाउन केन्द्रीय बैंकले ल्याएको निर्देशनका सम्बन्धमा अध्ययन गर्न नेपाल बैंकर्स संघद्धारा समिति गठन भएको छ । कृषि विकास बैंकका प्रमुख कार्यकारी अधिकृत अनिलकुमार उपाध्ययको संयोजकत्वमा गठन भएको उक्त समितिले बैंकको नाफा २५ प्रतिशत घटने गरी ल्याइएको निर्देशनका सम्बन्धमा अध्ययन अनुसन्धान गर्नेछ । समितिले अध्ययनपछि प्रतिवेदन तयार गरी पेस गर्ने जिम्मेवारी पाएको छ । उक्त प्रतिवेदनका आधारमा बैंकर्स संघले केन्द्रीय बैंकलाई राय सुझाव दिने भएको छ । यसअघि पनि बैंकर्स संघले लिखित रुपमा राष्ट्र बैंकलाई उक्त प्रवधानले बैंकहरुको नाफामा असर पर्ने भएको भन्दै पछाडि हटन दबाब दिएको थियो । चालु आर्थिक वर्षको मौद्रिक…

काठमाडौँ: अन्नपूर्ण क्षेत्रको पदयात्रा विश्वकै १० उत्कृष्टमध्येमा पर्छ । हिमाल आरोहणको इतिहासमा जेठो हिमाल अन्नपूर्णको आधार शिविरसम्म पुग्ने सपना बोकेका विश्वका पदयात्री वर्षेनी ठूलो सङ्ख्यामा आउने गरेछन् । पदयात्रा पर्यटनको आकर्षक गन्तव्यका रूपमा स्थापित भइसकेको यस क्षेत्रको पदयात्रामा पछिल्ला केही वर्षयता हिङ्कु क्षेत्रमा गइरहेको पहिरो चुनौतीपूर्ण बन्दै गएको छ । पदयात्रा मार्गको हिमालयबाट माथि देउरालीको बीच करीब तीन हजार २०० मिटर उचाइमा अवस्थित हिङ्कु आसपासमा यही माघ ३ गते बिहान १० बजे आएको हिमपहिरोमा बेपत्ता भएका चार कोरियाली नागरिकसहित तीन जना नेपाली अहिलेसम्म पनि सम्पर्कविहीन छन् । उक्त पहिरोबाट केही नेपाली तथा केही विदेशी पर्यटक भने जोगिन सफल भएका…

काठमाडौँ: चौकुने सिमेन्ट आयोजनाको भविष्य अन्यौलमा परेको छ । इजाजत अनुमतिपत्र पाएको एक दशक बित्दासम्म चुनढुङ्गा उत्खनन कार्य शुरु नभएपछि सो आयोजना अगाडि बढ्न नसकेको हो । पश्चिम सुर्खेतको चौकुने क्षेत्रका चुनढुङ्गा उत्खनन गरी गुटुमा सिमेन्ट कारखाना सञ्चालन गर्ने उद्देश्यले मुक्तिश्री सिमेन्ट इण्डस्ट्रिज प्रालिले इजाजत लिएको थियो । गुटुदेखि चौकुने डाँडासम्म सडक निर्माण गरी कम्पनीले ०७३ पुस २८ गते नमूनाका रुपमा चुनढुङ्गा उत्खनन समेत शुरुआत गरेको थियो । पछिल्लो समय कम्पनीले काम अघि नबढाइ पटक–पटक म्याद मात्र थप्दै आएको भन्दै स्थानीयवासी आक्रोशित बनेका छन् । कम्पनीले यसअघि सशस्त्र द्वन्द्वलगायत विभिन्न समस्या देखाउँदै उद्योग सञ्चालनमा बेवास्ता गर्दै आएको थियो…

काठमाडौं : प्रधानमन्त्री केपी शर्मा ओलीले नेपाल र भारतबीचका थाती रहेका द्धिपक्षीय विषय कूटनीतिक संवादबाट टुङ्गो लगाउने समय आएको बताएका छन । विराटनगरस्थित एकीकृत भन्सारचौकीको आज भारतीय समकक्षी नरेन्द्र मोदीसँगै भिडियो कन्फरेन्समार्फत उद्घाटन गर्दै प्रधानमन्त्री ओलीले आपसी सम्बन्ध नयाँ उचाइमा पुगेकाले यसका आधारमा आपसी सहमति र साझेदारीका विषयलाई ‘एक्सन’मा उतार्ने समय आएको स्पष्ट पारे । सोका लागि सम्बन्धित मन्त्री र मन्त्रालयले कार्यसूची तय गर्ने जनाउँदै प्रधानमन्त्री ओलीले नेपाल र भारत इतिहास, भूगोल र संस्कृतिका हिसाबले नजिकका छिमेकी भएका नाताले आपसी सहकार्यलाई वृद्धि गर्नुपर्नेमा जोड दिए । सिंहदरबारस्थित प्रधानमन्त्री तथा मन्त्रिपरिषद्को कार्यालयबाट सम्बोधनका क्रममा प्रधानमन्त्री ओलीले नेपालले लिएको ‘समृद्ध…

काठमाडौं : सुन र चाँदीको भाउ आज मंगलबार फेरि बढेको छ । प्रतितोला ३०० रुपैयाँले सुनको भाउ बढेको हो । यस दिन सुनको भाउ तोलामा ३०० रुपैयाँले बढेर छापावाला सुन प्रतितोला ७५ हजार ३०० रुपैयाँ र तेजाब सुन प्रतितोला ७५ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । अघिल्लो दिन छापावाला सुन प्रतितोला ७५ हजार र तेजाबी सुन प्रतितोला ७४ हजार ७०० रुपैयाँमा कारोबार भएको थियो । मंगलबार सुनसँगै चाँदीको भाउ पनि बढेको छ। यस दिन चाँदी तोलामा ५ रुपैयाँले बढेर प्रतितोला ८९५ रुपैयाँमा कारोबार भइरहेको महासंघले जनाएको छ । अघिल्लो दिन सोमबार…

काठमाडौं : सत्तारुढ दल नेपाल कम्युनिस्ट पार्टी (नेकपा)का तर्फबाट संसद अग्नि सापकोटाले सभामुख पदमा उम्मेदवारी दर्ता गराएका छन्। सुवास नेम्वाङको प्रस्ताव तथा देव गुरुङ, लक्ष्मणलाल कर्ण र ओनसरी घर्तीको समर्थनमा सापकोटाले आज मंगलबार मध्यान्ह सापकोटाले उम्मेदवारी दर्ता गराएका हुन्। कांग्रेस संसदीय दलले नेकपाको स्पष्ट बहुमत रहेका कारण सभामुखमा कांग्रेसले उम्मेदवारी नदिने निर्णय गरेको छ। नेकपाले भने सभामुखको समर्थनका लागि संसदमा प्रतिनिधित्व गर्ने सबैदललाई आह्वान गरे पनि राजपा मात्रै आएको सांसद कृष्णभक्त पोखरेलले जनाकारी दिए। सभामुखमा हाम्रो दाबेदारी छैन : कांग्रेस यसैबीच प्रमुख प्रतिपक्षी दल नेपाली कांग्रेसले प्रतिनिधि सभाको रिक्त सभामुख पदमा उम्मेदवारी नदिने निर्णय…

मकवानपुर : दामनस्थित एक रिसोर्टमा आज मंगलबार बिहान ८ भारतीय नागरिकको मृत्यु भएको छ। थाहा नगरपालिका ४, दामनस्थित एभरेस्ट पानोरमा रिसोर्टमा ती ८ भारतीय नागरिक आज मंगलबार विहान अचेत भेटिएका थिए । मकवानपुर जिल्ला प्रहरी कार्यालयका अनुसार उनीहरु सबैजनाको मृत्यु भइसकेको जनाएको छ। मृत्यु हुनेमा भारत केरला बस्ने वर्ष ३८ का रन्जित कप, सोही ठाउँकी ३४ वर्षीया ईन्द्र, वर्ष ३७ का प्रवीण, ३२ वर्षीया सरिया, ५ वर्षीय बालक अभि, ७ वर्षीया बालिका अर्चना, ५ वर्षका बालक बैशनव र ९ वर्षीया बन्द्रा रहेको महानगरीय प्रहरी परिसर काठमाडौंका डिएसपी होबिन्द्र बोगटीले जानकारी दिए। बिहानै बेहोस भेटिएका उनीहरूलाई…