Author: पहिलोक्लिक

काठमाडौँ: गृहमन्त्री रामबहादुर थापा बादलले भक्तपुरको सूर्यविनायकको जंगलमा भएको प्रहरी इन्काउन्टर ‘फेक’ भ्रामक नभएको प्रतिक्रिया दिएका छन् । चितवनमा नेपाल प्रहरीको एक कार्यक्रमलाई सम्बोधन गर्न जानु अघि बिमानस्थलमा पत्रकारसंग कुरा गर्दै शुक्रबार गृहमन्त्री बादलले भने, सरकारले इन्काउन्टरबारे पोजिसन प्रस्ट पारेको छ २४ घण्टा भित्रै अपहरणकारी र हत्यारालाई निस्तेज पार्न सरकार सफल भएको छ। “प्राप्त रिपोर्ट अनुसार उनीहरु (निशान खड्का अपहरण र हत्याका आरोपी गोपाल तामाङर अजय तामाङ) मुठभेडमा नै मारिएका हुन्,” गृहमन्त्री बादलले भने । गृहमन्त्री बादल चितवनमा अवस्थित नेपाल प्रहरीको तालिम केन्द्रमा आयोजित जुनियर प्रहरी अधिकृत शिक्षालयको दीक्षान्त कार्यक्रमका लागि त्यहाँ पुगेका हुन् ।

साना, यमन: यमनी विद्रोहीको नियन्त्रणमा रहेका उत्तरी क्षेत्रमा बालबालिका बोकेको गाडीमा आक्रमण हुँदा बिहीबार दर्जनौँ व्यक्तिको मृत्यु भएको रेडक्रसको अन्तर्राष्ट्रिय समिति (आइसीआरसी) ले जनाएको छ । उक्त घटनामा कैयौँ बालबालिका घाइते भएको बताइएको छ । आइसीआरसीले आफ्नो ट्वीटर पेजमा लेखेको छ, “दहमयान बजारतर्फ बालबालिकालाई लिएर हिँडेको बसमा हवाई आक्रमण भएपछि उत्तरी सादास्थित आइसीआरसीद्वारा सहयोगप्राप्त एक अस्पतालमा दर्जनौं मृतक बालबालिकालाई पु¥याइएको छ । घटनामा दर्जनौं व्यक्ति घाइते भएका अस्पताल स्रोतले जनाएको पनि ट्वीटरमा उल्लेख छ ।” सन्देशमा थप भनिएको छ, “अन्तराष्ट्रिय मानवीय कानूनले युद्धमा गैरलडाकू व्यक्तिमाथिको आक्रमण निन्दनीय मानिन्छ । गैरलडाकू व्यक्तिको सुरक्षा युद्धको अनिवार्य शर्त हो ।” यमनी हुथी विद्रोहीद्वारा…

बेनी : गण्डकी प्रदेशका मुख्यमन्त्री पृथ्वीसुब्बा गुरुङले कालीगण्डकी करिडोरअन्र्तगत बेनी–जोमसोम–कोरला खण्डको काम सुस्त भएको गुनासो बढेको बताएका छन् । जिल्ला समन्वय समितिको दोस्रो जिल्ला सभाको बिहीबार बेनीमा उद्घाटन गर्दै मुख्यमन्त्री गुरुङले राष्ट्रिय गौरवका आयोजनालाई समयमै सम्पन्न गराउन चौतर्फी रुपमा ताकेता गर्नुपर्ने बताए । उनले गण्डकी प्रदशभित्र रहेका कालीगण्डकी करिडोर, पोखरा अन्तर्राष्ट्रिय विमानस्थल, मध्यपहाडी लोकमार्गलगायत योजना समयमै सम्पन्न गराउनतर्फ सबै लाग्नुपर्नेमा जोड दिए । “कालीगण्डकी करिडोर र कोरला नाका गण्डकी प्रदेशको भाग्यरेखा हो, यसलाई कालीगण्डकी नदीको किनारैकिनार गैंडाकोट हुँदै त्रिवेणी नाका र पोखरासँग जोड्ने गरी गृहकार्य भइरहेको छ,” गुरुङले भने । मुख्यमन्त्री गुरुङले हालै कालीगण्डकी करिडोरको स्थलगत अनुगमन गरेका थिए ।…

काठमाडौं: अमेरिकाले नेपाली सेनाका लागि अनुदानमा ४ वटा स्काइ ट्रक (कार्गो जहाज) सहयोग गर्ने भएको छ । हवाई क्षमता विस्तारका लागि नेपाली सेनाले राखेको प्रस्ताव स्वीकार्दै यूएस आर्मीको ‘इन्डो प्यासिफिक कमान्ड’ मार्फत अमेरिकाले ४ वटा ‘फिक्स विङ’ स्काइ ट्रक अनुदान सहायतास्वरुप उपलब्ध गर्न लागेको हो । यी जहाज अमेरिकाबाट छिट्टै नेपाल आउने सेनाले जनाएको छ । आजको कारोबारले पहिलो पृष्ठमा यो समाचार छापेको छ । ती चारवटै स्काइ ट्रकको अन्तराष्ट्रिय बजारमूल्य करिब ४ अर्ब रुपैयाँ रहेको सैनिक अधिकारीले जनाएका छन् । तत्कालिन राजा ज्ञानेन्द्र शाहले विस २०६१ माघ १९ गते सत्ता हातमा लिएसँगै अमेरिकाले नेपाललाई उपलब्ध गराउँदै आएको सैन्य सहायता…

काठमाडौं: भौतिक पूर्वाधार तथा यातायातमन्त्री रघुवीर महासेठले बिहीबार चाबहिल जोरपटी साँखु सडकखण्डको अनुगमन गर्ने सुइँको पाएसँगै ठेकेदार कम्पनीले रातारात खाल्डाखुल्डी पुरेका छन् । मन्त्री महासेठले अनुगमन गर्ने पूर्वजानकारी पाएरै ठेकेदारले बुधबार राति टुसालचोकदेखि जोरपाटीसम्मका केही खाल्डाखुल्डी बुधबार पुरेका छन् । आजको नागरिक दैनिकमा समाचार छापिएको छ । समाचारमा लेखिएको छ, बौद्धका स्थानीयवासीले मन्त्री आउने हल्ला सुनेपछि ठेकेदार कम्पनीले पानी जम्ने केही खाल्डाखुल्डी रातारात पुरेको बतउँछन् । ‘बुधबार बिहानसम्म बौद्धको टुसालदेखि जोरपाटीको सडकमा खाल्डामा पानी जमेर तलाउजस्तै देखिन्थ्यो’, बौद्धका पासाङ शेर्पाले भने, ‘ठेकेदारले किन रातारात काम गर्यो भनेको त अनुगमन आउने आउने थाहा पएर पो रहेछ ।’ भौतिक पूर्वाधार तथा यातायात…

काठमाडौँ: सरकारले अव छ प्रकारका पासपोर्ट जारी गर्ने भएको छ ।हाल सरकारले कूटनीतिक (रातो) बिशेष (निलो) साधारण (हरियो) र यात्रा अनुमतिपत्र (ट्राभल डकुमेन्ट/कालो) गरी चार प्रकारका राहदानी जारी गर्छ । सरकारले संसदमा पेस गरेको राहदानी ऐन संशोधन बिधेयकमा पांच प्रकारका राहदानी र ट्राभल लग जारी गर्ने प्रस्ताव गरेको छ । थपिने दुई प्रकारका राहदानीमा ‘सर्भिस पासपोर्ट’ र ‘सिम्यान्स पासपोर्ट’ छन् । बिधेयकमा कूतिनीतिक कर्मचारी या बिशेष पासपोर्टधारीले विदेशमा लैजाने सहयोगीलै सर्भिस पासपोर्ट दिने व्यवस्था गरेको छ । विदेशस्थित दूतावास तथा नियोगमा पोस्टिंग हुने कर्मचारीले सहयोगी लैजाँदा त्यही देशको नियमानुसार तलव दिनुपर्ने भएकोले त्यसलाई चल्न नयाँ खालको राहदानी दिने व्यवस्था गर्न…

काठमाडौँ :संघीय मामिला तथा सामान्य प्रशासन मन्त्रालयले सबै स्थानीय तहलाई ‘अडियो नोटिस बोर्ड’ सञ्चालन गर्न निर्देशन दिएको छ । मन्त्रालयका प्रवक्ता सुरेश अधिकारीले जनतालाई सजिलो र सुशासन हुने भएकाले नोटिस बोर्ड सञ्चालन गर्न निर्देशन दिएको जानकारी दिए । अडियो सेवा नेपाल टेलिकमबाट निःशुल्क रुपमा उपलब्ध हुनेछ । नोटिस बोर्डमा स्थानीय तहका काम कारवाही, सूचना र जानकारीमूलक कुरा सेवाग्राहीले सजिलै पाउने उनले बताए । ‘‘एक जना कर्मचारीको आवाजमा स्थानीय तहका सूचना र जानकारीमूलक कुरा रेकर्ड गरेर नोटिस बोर्डमा राखिन्छ’’ सूचना तथा प्रविधि शाखाका कम्प्युटर अधिकृत देवेन्द्रकुमार झाले भने, ‘‘यसरी राखिएको नोटिस बोर्डको सूचनालाई सेवाग्राहीले २४ घण्टा फोन गरेर सुन्न सक्दछन् ।’’…

काठमाडौँ: साउदी अरबको रियादस्थित नेपाली दूतावासले आर्थिक वर्ष २०७४÷०७५ मा विभिन्न कारणले ज्यान गुमाएका २४९ नेपाली नागरिकका हकवालालाई क्षतिपूर्ति रकम उपलब्ध गराइएको जनाएको छ । दूतावासद्वारा आज जारी विज्ञप्तिमा मृतकका कानूनी हकदारले प्राप्त गर्न सक्ने गरी ११ करोड ४३ लाख ३७ हजार ८३४ रुपैयाँ ५६ पैसा (४० लाख ११ हजार ८५४.१६ साउदी रियाल) काठमाडौँस्थित परराष्ट्र मन्त्रालयमा पठाइएको उल्लेख छ । कुनै पनि शुल्क नलिइ पीडित परिवारका तर्फबाट घटना भएको क्षेत्रको अदालतमा मुद्दा दायर गरी पैरवी गर्दै आइरहेको दूतावासले जनाएको छ । गत आवमा सडक÷सवारी दुर्घटनामा ज्यान गुमाउने ४१ व्यक्तिको ब्लडमनीसम्बन्धी मुद्दा अदालती प्रक्रियामार्फत टुंगो लगाइएको थियो । जसमध्ये १८ जनाको…

काठमाडौँ: लाइफ इन्स्योरेन्स कर्पोरेशन (नेपाल)ले आफ्ना शेयरधनीहरुलाई ३६ प्रतिशत बोनस सेयर वितरण गर्ने भएको छ । कम्पनिको आज बसेको ९४औं संचालक समिति बैठकको निर्णय बमोजिम आ.ब. २०७३/०७४ को मुनाफाबाट हाल कायम रहेको चुक्ता पूँजी (रु. १,३३,४६,७७,५००) को ३६ प्रतिशत बोनस सेयर र १.८९४७४ प्रतिशत नगद लाभांश (बोनस सेयरको कर प्रयोजनार्थ) शेयरधनीहरुलाई प्रदान गर्ने निर्णय गरेको हो । उक्त निर्णय बीमा समितिको स्वीकृति र आगामि बस्ने बीमकको १६औं वार्षिक साधारण सभाले अनुमोदन गरेपश्चात मात्र लागू हुने कम्पनीले जनाएको छ ।

काठमाडौँ: छोरा अपहरण परेको भनी गलत सूचना दिएको अभियोगमा एक व्यक्तिलाई प्रहरीले पक्राउ गरेको छ । बैतडी पाटन स्थायी घर भई हाल काठमाडौँको कपन बस्ने ४१ वर्षीय राकेश विष्टलाई महानगरीय अपराध महाशाखाको टोलीले आज नियन्त्रणमा लिएको हो । विष्टले आफ्नो २० वर्षीय छोरा नरेश विष्ट अपहरणमा परेको भनी बुधबार महानगरीय प्रहरी आयुक्तको कार्यालय, रानीपोखरीको कन्ट्रोल नं १०० मा कल गरी जानकारी गराएका थिए । सो सम्बन्धमा अनुसन्धान गर्ने क्रममा निज राकेश विष्टको खोजताला गरी महाशाखामा ल्याई सोधपुछ गर्दा अपहरणमा परेको भन्ने गलत सूचना भएकोले प्रहरीलाई भ्रममा पार्न खोजेकालाई आवश्यक कानूनी कारवाहीको लागि नियन्त्रणमा लिइएको महाशाखाले विज्ञप्ति मार्फत जनाएको छ ।