Author: पहिलोक्लिक

काठमाडौँ: महालक्ष्मी विकास बैंकले आफ्ना सरोकारवालालाई स्वदेशमै गुणस्तरीय स्वास्थ्य सेवा प्रदान गर्ने हेतुले ब्लु क्रस अस्पतालसँग एक सम्झौता गरेको छ । उक्त सम्झौता अनुसार बैंकका ग्राहक, कर्मचारी, कर्मचारीका परिवार लगायत बैंकका संस्थापक÷सेयरधनीहरुले ब्लु क्रस अस्पतालमा उपचार गराउँदा सेवाशुल्कमा छुट पाउनु हुनेछ । बैंकका प्रमुख कार्यकारी अधिकृत कृष्णराज लामिछाने र अस्पतालका सदस्य सचिव रजत श्रेष्ठ उक्त पत्रमा हस्ताक्षर गरेका छन् । सम्झौता अनुसार यस किसिमको सहकार्यबाट बैंकका ग्राहक वर्गले उपचार खर्चमा १० प्रतिशत छुट पाउने छन् । यसका साथै बैंकका कर्मचारी तथा कर्मचारीका परिवारले अस्पतालको सेवाशुल्कमा क्रमशः १२ प्रतिशत र १० प्रतिशत छुट प्राप्त गर्न सक्नु हुनेछ । बैंकले आफ्ना संस्थापक÷सेयरधनीहरुका…

चितवन: प्रहरीले आज अवैध रुपमा राखिएको दुई किलो ७६ ग्राम सुन र चार किलो चाँदी बरामद गरेको छ । नारायणगढस्थित पुतलीबजारमा रहेको न्यू गणेश सुनचाँदी पसलबाट सो परिमाणको सुन र चाँदी बरामद गरिएको हो । नेपाल प्रहरी ३ नं प्रदेश कार्यालय र जिल्ला प्रहरी कार्यालय चितवनको संयुक्त टोलीले प्राप्त सूचनाका आधारमा पसल सञ्चालक भारत घर भएका राजेन्द्र शिवाजी पटेललाई सो परिमाणको सुन चाँदीसहित नियन्त्रणमा लिएको प्रहरीले जनाएको छ । यस विषयमा थप अनुसन्धान भइरहेको पनि प्रहरीले जनाएको छ । जिल्लाका सुनचाँदी व्यवसायीले राष्ट्र बैंकले पर्याप्त सुन नदिएको भन्दै आन्दोलन गरिरहेको बेला अवैध सुन चाँदी बरामद भएको हो ।

काठमाडौँ: शिक्षा, विज्ञान तथा प्रविधिमन्त्री गिरिराजमणि पोखरेलले प्राविधिक शिक्षा तथा व्यावसायिक तालीम परिषद् (सिटिइभिटी) का कर्मचारीलाई निजी संस्थाहरुको शेयरधनी नबन्न निर्देशन दिएय्का छन् । भक्तपुरस्थित परिषद्को आज अवलोकनका क्रममा मन्त्री पोखरेलले सिटिइभिटीलाई कर्मचारी सेवानिवृत्त हुँदा आफ्ना वा आफन्तका नाममा सिटिइभिटीअन्तर्गतका निजी संस्थाका मालिक बन्ने गरेको आम जनताको आरोप हटाउने गरी काम गर्न निर्देशन दिए । उनले ९५ जना सामुदायिक विद्यालयलमा प्राविधिक शिक्षाको सम्बन्धन दिने निर्णय कार्यान्वयन गर्न पनि आग्रह गरे । सिटिईभिटीमा ९३२ कर्मचारी छन् । त्यसमध्ये सयभन्दा धेरै उपसचिव र २० भन्दा बढी सहसचिव स्तरका जनशक्ति छन् । मन्त्री पोखरेलले कर्मचारी दरबन्दीका विषयमा पनि प्रश्न उठाएका थिए ।

काठमाडौँ: गत शनिबारदेखि प्राविधिक समस्या देखिएको नेपाल विद्युत् प्राधिकरणको बालाजु सबस्टेशनको मर्मत सम्पन्न भएको छ । आज साँझ मर्मत कार्य सम्पन्न भएलगत्तै बालाजु क्षेत्रमा नियमित विद्युत् आपूर्ति शुरु भएको छ । सबस्टेशनमा रहेका दुई वटा २२.५ एमभिएको ट्रान्सफर्मरमध्ये एउटामा शनिबार राति करीब ७ बजेबाट प्राविधिक समस्या देखिएको थियो । सबस्टेशनको मर्मत सकिएको जानकारी दिँदै बालाजु वितरण केन्द्रका प्रमुख सुरज रेग्मीले समस्या समाधान भएको र विद्युत् नियमित भएको जानकारी दिए । ट्रान्सफर्मरमा समस्या देखिएपछि धर्मस्थली, विष्णुमती, नागार्जुन, महाराजगञ्ज, टेकु र बालाजु औद्योगिक क्षेत्रमा विद्युत् आपूर्ति बन्द भएको थियो । प्रमुख रेग्मीले त्यस क्षेत्रमा वैकल्पिक व्यवस्था गरी विद्युत् आपूर्ति गरिएको र विद्युत्…

काठमाडौं : महिन्द्राले मंगलबार नयाँ मोडेलका म्याक्सिमो एचडी सिरिजका गाडीहरु बजारमा ल्याएको छ । यस गाडी दुगड ब्रदर्श एण्ड सन्सको आधिकारिक डिलरहरुमा उपलब्ध हुनेछन । महिन्द्रा एण्ड महिन्द्रा प्रा.लिले नयाँ मोडेलको म्याक्सिमो हेभी ड्युटी सिरिजका यी गाडीहरु दुगड ब्रदर्श एण्ड सन्सको साझेदारीमा सार्वजनिक गरिएको हो । थुप्रै नयाँ सुधार र फिचरका साथ सार्वजनिक गरिएको यस गाडीलाई कम्पनीले ‘प्रोफिट ट्रक’को रुपमा बुझ्न आफ्ना ग्राहकहरुलाई भनेको छ । आठ पत्ता सस्पेन्सन र ८५० केजी भारबहन गर्न सक्ने क्षमता तथा २६ एचपिको इन्जिन पावर रहेको र लामो दुरीमा यसलाई गुडाउन मिल्ने भएकोले अनि ग्राहकलाई आफ्नो व्यवसायबाट बढी आर्जन गर्न सक्ने बनाउने भएकोले यसलाई…

काठमाडौँ: त्रिभुवन अन्तर्राष्ट्रिय विमानस्थलबाट आन्तरिकतर्फ पनि रात्रीउडान गर्ने भएको छ । संस्कृति, पर्यटन तथा नागरिक उड्डयनमन्त्री रवीन्दप्र्रसाद अधिकारीले विमानस्थलबाट साँभ ५ः३० देखि राति ९ः०० बजेसम्म आन्तरिक उडान गर्न लागिएको जानकारी दिए । नेपाल पर्वतारोहण सङ्घले आज यहाँ आयोजना गरेको कार्यक्रममा उनले भने, “अन्तर्राष्ट्रिय विमानस्थल २१ घण्टा सञ्चालनपछि धेरै परिवर्तन आएको छ, हालै आन्तरिकतर्फ बिहान ५ बजेदेखि सेवा दिन शुरु गरिएको छ, अब छिट्टै नै साँझ ५ः३० देखि ९ः०० बजेसम्म आन्तरिक उडान शुरु हुन्छ ।” क्षेत्रीय हबका रुपमा रहेका विराटनगर, भैरहवा, नेपालगञ्ज र धनगढीमा रात्रि उडान गरिनेछ । झापाको चन्द्रगढी, जनकपुरलगायत विमानस्थललाई पनि रात्रि उडानका लागि प्राविधिक तयारी भइरहेको छ ।…

काठमाडौँ : राष्ट्रपति विद्यादेवी भण्डारीले समाजका विभिन्न क्षेत्रमा उत्कृष्ट योगदान पु¥याउनुभएका विभिन्न व्यक्तित्वलाई आज विभिन्न विभूषण एवं मानपदवीबाट विभूषित गरेकी छिन् । गत वर्ष २०७४ को गणतन्त्र दिवसका दिन घोषणा भएका विभिन्न दश प्रकारका मानपदवी ३४५ जनालाई आज प्रदान गरिएको हो । राष्ट्रपति कार्यालय शीतल निवासमा आज गृह मन्त्रालयद्वारा आयोजित विशेष समारोहमा राष्ट्रपति भण्डारीले ती व्यक्तित्वलाई विभिन्न विभूषणबाट विभूषित गरिन । सोअनुसार ‘नेपालरत्न’ विभूषण पूर्वप्रधानमन्त्री विश्वेश्वरप्रसाद कोइराला (मरणोपरान्त) का तर्फबाट उनका नाति सिद्धार्थ कोइराला तथा ‘राष्ट्रिय गौरव’ विभूषण राजनीतिज्ञ महेन्द्रनारायण निधिका तर्फबाट उनका सुपुत्र विमलेन्द्र निधिले ग्रहण गरेका थिए । यसैगरी महाउज्ज्वल राष्ट्रदीप विभूषण स्व शेख इद्रिस (रौतहट), स्व नोना…

काठमाडौँ: पूँजी बजारमा तीन दिनदेखि लगातार सुधार आएको छ । शेयर बजार परिसूचक (नेप्से) ३ दशमलब ९८ अंकले बढेर एक हजार २१० दशमलब २४ अंकमा पुगेको छ । आइतबार नेप्से ८ दशमलब ५९ अंकले, सोमबार १५ दशमलब ९८ अंकले बढेको थियो । सबैभन्दा बढी होटल समूहको परिसूचक १६ दशमलब ०९ अंकले बढेको छ । विकास बैंक ६ दशमलब ३६ अंक, बाणिज्य बैंक ६ दशमलब ०४ अंक, निर्जिबन बीमा समूहको परिसूचक २ दशमलब ३ अंक र अन्य शुन्य दशमलब ९५ अंकले बढेको छ । यधपी, जलबिधुत ९ दशमलब ८ अंक र उत्पादन शुन्य दशमलब ७५ अंकले घटेको छ । नेपाल स्टक…

बेनी : बेनी–अर्थुङ्गे–पछै–जगन्नाथ–टोड्के पदमार्ग निर्माण योजनामा उपभोक्ताको योगदान शून्य रह्यो । पर्यटन विभागबाट विनियोजन भएको ३० लाख बजेटबाट बेनीको हुलाकचोक माथिबाट आँपरुखसम्म निर्माण भएको उक्त पदमार्ग योजनामा स्थानीयवासीले ५ लाख ७० हजार ५६६ रुपैयाँ बेहोर्नुपर्ने थियो । उपभोक्ता समितिले जनसहभागिताका लागि आह्वान गरे पनि योजनामा कसैबाट पनि जनसहभागिता बापतको सहयोग प्राप्त नभएको अध्यक्ष अमर बानियाँले बताए । “शहरी क्षेत्रमा जनश्रमदान जुटाएर काम गर्नै मुश्किल छ, यहाँ ठेकेदार र उपभोक्ता समितिले गर्ने निर्माण कामलाई एउटै रुपमा लिइने हुँदा उपभोक्ता समितिमार्फत हुने विकास निर्माण योजनामा न त श्रमदान जुट्छ न त जनसहभागिता नै,” अध्यक्ष बानियाँले भने । यो एक प्रतिनिधिमूलक उदाहरण मात्रै…

काठमाडौँ: मलेसियामा जारी एशिया कप क्रिकेट छनोट खेलमा आज नेपाल हङकङसामु तीन विकेटले पराजित भएको छ। यस पराजयसंगै नेपाल एशिया कप छनोट चरणबाट बाहिरिएको छ। टस जितेर पहिले ब्याटिङ रोजेको नेपाल हङकङसामु ९५ रनमै अल आउट हुँदा ९६ रनको चुनौती हङकङले ३२.३ ओभरमा ७ विकेट गुमाउंदै भेटाएको हो । आजको खेलमा नेपालका सन्दीप लामिछानेले सर्वाधिक ५ विकेट लिए भने सोमपाल कामी र सगर पुनले एक एक विकेट लिए । हङकङका लागि सर्वाधिक अन्शुमनरथले ८२ बलमा ५२ रनको योगदान दिंदा टोलिलाई जितको बाटो तर्फ डोराएको हो । आजको खेल मलेसियाको बायुमास ओभल क्रिकेट ग्राउण्डमा खेलाइएको छ । नेपालका कप्तान पारस खड्काले…