Author: पहिलोक्लिक

काठमाडौ : नेपाल विद्युत प्राधिकरणको स्वामित्वमा नुवाकोटमा रहेको त्रिशूली जलविद्युत केन्द्र (जडित क्षमता २४ मेगावाट)को विद्युत गृहको जेनेरेसनतर्फको ६.६ केभी साइट बे्रकरमा मंगलबार दिउसो करिब साढे एक बजे आगलागी भएको छ । सुरक्षाकर्मी, विद्युत गृहका कर्मचारी, स्थानीय बासिन्दा लगायतको करिव साढे एक घण्टाको प्रयासपछि आगोलाई नियन्त्रणमा लिइएको थियो । आगलागीपछि त्रिशूली जलविद्युत केन्द्र र त्यसको क्यासकेटकारुपमा रहेको देवीघाट जलविद्युत केन्द्र (जडित क्षमता १५ मेगावाट)बाट करिब २८ मेगावाट विद्युत उत्पादन विच्छेद भएको प्राधिकरणका प्रवक्ता प्रबल अधिकारीले बताए । ‘तर, यसबाट नुवाकोटका केही स्थानबाहेक मुलुकभरको समग्र विद्युत आपूर्तिमा कुनै असर गरेको छैन,उनले भने, ‘आगलागीबाट भएको क्षतिको यकिन र मर्मतसंभार तत्काल सुरु गर्न…

काठमाडौँ : नेपाली काँग्रेसका महामन्त्री डा शशांक कोइरालाले पार्टी एकढिक्का भए काँग्रेसलाई कसैले पनि पराजित गर्न नसक्ने बताएका छन् । सुशील कोइराला सोसलिष्ट युथ सर्कलले आज यहाँ आयोजना गरेको विचार गोष्ठीमा उहाँले वर्तमान अवस्थामा पार्टीभित्र आन्तरिक एकताको खाँचो रहेको आवश्यकता औँल्याए । महामन्त्री डा कोइरालाले आफू सधँै गुटबन्दी अन्त्य गर्दै बलियो काँग्रेस बनाउने पक्षमा रहेको र त्यसका लागि प्रयास गरिरहेको बताए । कार्यक्रममा पार्टीका केन्द्रीय सदस्यहरु गुरुराज घिमिरे र शंकर भण्डारीले सरकारले अधिनायकवादतर्फ जाने संकेत देखाइरहेको भन्दै त्यसको प्रतिवाद गर्न सक्ने गरी काँग्रेसलाई सशक्त बनाउनुपर्नेमा जोड दिए । कार्यक्रममा नेपाल विद्यार्थी संघका अध्यक्ष नैनसिंह महर, उपाध्यक्ष उर्मिला थपलिया, महामन्त्री आनन्द…

काठमाडौँ : सरकारले भूमिगत जलभण्डार घट्दै गएकामा चिन्ता व्यक्त गर्दै त्यसलाई पुनःभरणको व्यवस्था गर्न प्रभावकारी एवं बाध्यकारी व्यवस्थासहितको नीतिगत व्यवस्था गर्न लागेको छ । प्रस्तावित जलस्रोत नीतिमा भूमिगत जलभण्डारमा पुनःभरण गर्ने भावर, शहरी तथा अन्य क्षेत्रको रेखाङ्कन गरी त्यस्ता क्षेत्रमा प्रदूषण गर्ने तथा पुनःभरण कार्यमा बाधा पु¥याउने कार्यको नियन्त्रण गर्ने कडा प्रावधान राखेको छ । भूमिगत जलभण्डार वृद्धिका लागि सिमेन्ट कङ्क्रिट कालोपत्रे सडक आदिजस्ता पुनःभरणमा बाधा पु¥याउनेसहितको निरन्तर वृद्धिलाई अनुगमन गर्ने भएको छ । पुनःभरण गरिएको जलमा औद्योगिक प्रदूषक मिसिन नदिन त्यस्ता उद्योगबाट आउने निकासलाई प्रशोधन गरी सहन सीमाभित्र ल्याएपछि मात्र खोलानाला, खाली जमिन आदिमा छोड्ने व्यवस्था मिलाइने जलस्रोत नीतिमा…

काठमाडौँ: त्रिशूली जलविद्युत् केन्द्रको उत्पादन गृहमा आज भिषण आगलागी भएको छ । जलविद्युत् गृहबाट उत्पादन भएको विद्युत्लाई टान्सफर्मरसम्म पु¥याउन प्रयोग गरिने विद्युतीय तारमा जडान गरिएको बसबारमा आगलागी भएको हो । आगलागीबाट बसबार पूर्णरुपमा जलेर क्षति पुगेको छ भने अन्य स्थानमा समेत असर गरेको छ । क्षतिको विवरण प्राप्त हुन बाँकी रहेको उत्पादन गृहका प्रमुख तारादत्त भट्टले जानकारी दिए । उनका अनुसार आगो निभाउन फायर एक्सटिनगुइसर उपकरण प्रयोग गरे पनि त्यो पर्याप्त नभएपछि दमकलको सहयोगमा पानी प्रयोग गरेर निभाउँदा विद्युतीय उपकरणमा समेत थप क्षति पुगेको छ । आगो निभाउन नेपाली सेना, नेपाल प्रहरी, विद्युत् गृहका कर्मचारी, स्थानीयवासीलगायत परिचालन भएका छन् ।…

काठमाडौँ: नेपाल स्टक एक्सचेन्ज (नेप्से) परिसूचक घट्नेक्रम आज मंगलबार पनि रोकिएन । मंगलबार नेप्से परिसूचक शुन्य दशमलब ५० अंकले घटेर १ हजार २०५ दशमलब ९३ अंकमा पुगेको छ । साताको पहिलो दिन आइतबार नेप्से शुन्य दशमलब ०२ अंकले र सोमबार १७ दशमलब ९६ अंकले घटेको थियो । नेप्सेमा लगातार पहिरो जाँदा लगानीकर्ताहरु निराश भएका छन् । आज नेप्सेमा सामान्य गिरावट आएपनि कारोबाररकममा भने ठुलो मात्रामा कमि आएको छ । आजको कारोबारमा बाणिज्य बैंक, बित्त र बिमा बाहेक सबै समूहका नेप्से परिसूचकमा भारी गिरावट आएको छ । आज नेप्से परिसूचक सबैभन्दा बढी उत्पादनमूलक समुहको ७० दशमलब ५२ अंकले घटेको छ ।…

काठमाडौँ: संगठनात्मक संरचनाका विषयमा टुंगो लगाउन बसेको नेपाल कम्युनिस्ट पार्टी (नेकपा) को सचिवालयको बैठक आज साँझ पुनः बस्ने गरी स्थगित भएको छ । प्रधानमन्त्री निवास बालुवाटारमा आज बसेको बैठकमा नेकपाका नेता वामदेव गौतम नेतृत्वको कार्यदलले पेश गरेको पार्टीको नियमावली एवं सांगठनिक संरचनाका बारेमा पेश गरेको प्रतिवेदनमाथि छलफल भएको हो । शनिबार बसेको सचिवालयको बैठकले नेता गौतमको नेतृत्वमा कार्यदल गठन गरेको थियो । कार्यदलले प्रतिवेदन पेश गरेको र प्रतिवेदनमा छलफल भएपनि आज साँझ पुनः बस्ने गरी स्थगित भएको प्रवक्ता नारायणकाजी श्रेष्ठले जानकारी दिए । पार्टी एकतापछि सांगठनिक संरचना, पार्टीका विभाग तथा अन्य नीतिगत विषयलाई टुंगो लगाउन बाँकी रहेको छ । बैठकमा…

काठमाडौँ: अलैंचीको उत्पादन बढेसंगै देशको कुल निर्यातमा यसको हिस्सा बढ्दै गएको छ । चालू आर्थिक वर्षको प्रथम दश महिनामा चार अर्ब २९ करोडको अलैंrचीको निर्यात भएको छ । व्यापार तथा निकासी प्रवद्र्धन केन्द्रको प्रारम्भिक तथ्याँक अनुसार समीक्षा अवधिमा अलैंचीको निर्यात गतवर्षको सोहि अवधिको तुलनामा २२ दशमलब ७ प्रतिशतको वृद्धि भएको छ । गतवर्षको दश महिनामा तीन अर्ब ३९ करोड बराबरको अलैंची निर्यात भएको थियो भने गत बर्ष ३ अर्ब ८७ करोडको अलैंची निर्यात भएको थियो । अलैंचीको उत्पादनमा वृद्धि हुँदा यसको निर्यातमा सुधार भएको अलैंची ब्यावसायी महासंघका अध्यक्ष निर्मल भट्टराईले बताए । अलैंचीको मूल्य घट्य पनि उत्पादनमा वृद्धि हुँदा कुल…

महेन्द्रनगर: जानकी मन्दिरलाई आधुनिक किसिमले सौन्दर्यकरण गर्नका लागि रु पाँच करोडको लागतमा विद्युतीकरण गरिने भएको छ । सोमबार गैरआवासीय नेपाली संघ (एनआरएन) को आर्थिक सहयोग र डिजाइनको आधारमा मन्दिर विद्युतीकरण गर्ने सम्झौता गरिएको छ । प्रदेश नं २ का मुख्यमन्त्री लालबाबु राउत, एनआरएनका प्रमुख संरक्षक डा उपेन्द्र महतो र जनकपुर उपमहानगरपालिकाका प्रमुख लालकिशोर साहको रोहवरमा गैरआवासीय नेपाली संघका अध्यक्ष भवन भट्ट र जानकी मन्दिर छुट गुठीको तर्फबाट छोटे महन्थ रामरोशन दासले संयुक्तरुपमा सम्झौतापत्रमा हस्ताक्षर गरेका छन् । सम्झौताअनुसार मन्दिर परिसरलाई अत्याधुनिक विद्युतीय प्रकाशमार्फत प्रज्वलित गर्नका लागि उज्यालो नेपाल अभियानबाट निर्मित कम खपतमा बल्न सक्ने एलइडी चिमको प्रयोग गरिनेछ । मन्दिरको…

काठमाडौं: नेपाल धितोपत्र बोर्डले बजार हल्ला फिजेजस्तो तत्कालका लागि सेयर कारोबार गर्दा प्यान नम्बर अनिवार्यन नगर्ने जनाएको छ । सेयरको दोस्रो बजारमा कारोबार गर्न प्यान नम्बर अनिवार्य गर्नुको हामीले सेयर लगानीकर्तालाई यसको प्रयोगका लागि क्रम प्रोत्साहित गर्दै जाने नीति लिएका छौँ । यसअघि धितोपत्र बोर्डले आर्थिक वर्ष २०७४–७५ को नीति तथा कार्यक्रममा दोस्रो बजारमा लगानी गर्दा स्थायी लेखा नम्बर (प्यान) अनिवार्य गर्ने भनिएको थियो । तर लगानीकर्ताहरुले विरोध जनाएपछि बोर्डले अनिवार्य नगरी क्रमशः प्रोत्साहित गर्दै जाने नीति लिएको हो । धितोपत्र बोर्डले सोमबार आगामी आवको नीति तथा कार्यक्रम सार्वजनिक गर्दै प्यान नम्बर लिन प्रोत्साहित गरिने जनाएको हो । नीति तथा…

काठमाडौं: राष्ट्रिय वाणिज्य बैंकले थप तीन वटा शाखा सञ्चालनमा ल्याएको छ । बैंकले सिन्धुली जिल्लाको मरिण गाउँपालिका–६ स्थित कपिलाकोट, बझाङ जिल्लाको मष्टा गाउँपालिका– ३ स्थित भातेखोला र ताप्लेजुङ जिल्लाको आठराई त्रिवेणी गाउँपालिका–३ स्थित हाङपाङमा शाखा कार्यालय सञ्चालनमा ल्याएको हो । तीन वटै नयाँ शाखाबाट बैंकिङ सेवा सुरु भइसकेका छन् । यी तीन नयाँ शाखासँगै वाणिज्य बैंकको शाखा संख्या १९५ पुगेको छ । राष्ट्रिय वाणिज्य बैंकका प्रमुख कार्यकारी अधिकृत किरणकुमार श्रेष्ठले बैंकले स्थानीय जनतालाई आधुनिक बैंकिङ सेवा प्रदान गर्ने गरी शाखा खोल्ने कार्यलाई प्राथमिकता दिएको बताए । यस बैंकको हाल ७१ जिल्लामा १९५ वटा शाखा कार्यालय सहित १३५ वटा एटिएम र…