Author: पहिलोक्लिक

काठमाडौँ: सरकारले नेपाल टेलिकमका प्रबन्ध निर्देशक कामिनी राजभण्डारीलाई पदमुक्त गर्ने निर्णय गरेको छ । सिंहदरबारमा आज साँझ बसेको मन्त्रिपरिषद्को बैठकले परराष्ट्र मामिला अध्ययन प्रतिष्ठानको पुनर्गठन गर्ने निर्णय गरेको सञ्चार तथा सूचना प्रविधिमन्त्री गोकुलप्रसाद बाँस्कोटाले जानकारी दिए । बैठकले प्रतिष्ठानमा डिल्लीराज घिमिरे, डा खड्क केसी, प्राडा मीना वैद्य मल्ल, उपरथी हिमालय थापा, हरि फुयाँल, डा शंकर शर्मा, भवानी राणा र लालबाबु यादवलाई तीन वर्षका निम्ति नियुक्त गर्ने निर्णय गरेको छ । सरकारले बालबालिकासम्बन्धी कानूनलाई संशोधन र एकीकरण गर्न बनेको विधेयक, खाद्य तथा खाद्य सम्प्रभुताको अधिकारसम्बन्धी विधेयक र रोजगारीको हक सम्बन्धमा व्यवस्था गर्न बनेको विधेयक संघीय संसद्मा पेश गर्ने निर्णय गरेको सरकारका…

हेटाँैंडा :प्रदेश नं ३ प्रदेशसभाको आजको बैठकले प्रदेश नं ३ का मुख्य न्यायाधिवक्ताको काम, कर्तव्य, अधिकार तथा सेवा शर्तसम्बन्धी विधेयक २०७५ सर्वसम्मतिबाट पारित गरेको छ । बैठकमा मुख्यमन्त्री डोरमणि पौडेलले प्रदेश मामिला समितिको प्रतिवेदनलाई पारित गरियोस् भनी प्रस्ताव टेबुल गरॆका थिए । प्रदेशसभाको पहिलो बैठकमा आज विशेष समयमा प्रदेशसभा सदस्यले प्रदेशका जिल्लामा केही हप्ताअघि परेको बाढीपहिराबाट मानवीय क्षति पुगेका परिवार र घाइतेको स्वास्थ्योपचारका लागि तत्काल अनुदान र उद्धार सामग्री वितरण गर्न तथा घरबारविहीन नागरिकलाई पुनर्वासका लागि सम्बन्धित जिल्ला प्रशासन कार्यालयमार्फत व्यवस्था मिलाउन माग गरे । सदस्यहरुले समाजमा बढ्दै गएको अराजक क्रियाकलाप नियन्त्रण गर्न तथा हत्यारालाई हदैसम्मको सजायँ हुने गरी .…

काठमाडौँ: प्रधानमन्त्री केपी शर्मा ओलीले नयाँ नयाँ उद्योगको स्थापना गरी देशभर रोजगारी सृजना गरिने बताएका छन् । सार्क चेम्बर अफ कमर्सको प्रतिनिधि मण्डलसँग आज सिंहदरबारमा भएको भेटमा प्रधानमन्त्री ओलीले उद्योगको स्थापना मार्फत गरिबी, पछौटेपन र बेरोजगारीको समस्या हटाइने उल्लेख गर्नुभयो । प्रधानमन्त्रीले भने, “गरिबी र पछौटेपनबाट अब दक्षिण एशियालाई नै मुक्त गर्नु पर्दछ । उहाँले अब स्थापना हुने उद्योग प्रविधि मैत्री हुनुपर्नेमा जोड दिए । प्रधानमन्त्री ओलीले उद्योगमा काम गर्ने मजदुरहरु पनि प्रविधिमा पोख्त हुनु पर्ने भन्दै त्यसका लागि वातावरण बनाउन उद्योगी र व्यवसायीलाई आग्रह गर्नुभयो । फरक प्रसङ्गमा प्रधानमन्त्रीले केही तत्वहरुले नेपालमा केही भएको छैन भनेर जनतामा निराशा गर्न…

काठमाडौँ: सर्वोच्च अदालतले समाज कल्याण परिषद्का सदस्यसचिव डिल्लीप्रसाद भट्टलाई अनियमतिमताबारे छानबिनका लागि मन्त्रालय हाजिर गराउने सरकारको निर्णय तत्काल कार्यान्वयन नगर्न अन्तरिम आदेश जारी गरेको छ । न्यायाधीश केदारप्रसाद चालिसेको एकल इजलासले आज परिषद्का सदस्यसचिव भट्टलाई अनियमितताको छानबिन गर्न मन्त्रालयमा हाजिर गराउने निर्णय तत्काल कार्यान्वयन नगर्न अन्तरिम आदेश जारी गरेको हो । महिला तथा बालबालिका मन्त्रालयले परिषद्मा भएको अनियमतिताबारे छानबिन गर्न सदस्यसचिव भट्टलाई काजमा मन्त्रालयमा हाजिर गराउने सरकारले निर्णय गरेको थियो । यही साउन २१ गते बसेको मन्त्रिपरिषद्को बैठकले भट्टलाई मन्त्रालय हाजिर गराउने निर्णय गरेको थियो । सरकारको सो निर्णयविरुद्ध भट्टले सोमबार सर्वोच्च अदालतमा रिट निवेदन दायर गर्नुभएको थियो । परिषद्का…

काठमाडौँ: नेपाली सेनाको प्रधानसेनापति तथा महारथीको रुपमा जंगी अड्डा सम्हाल्दै आएका राजेन्द्र क्षेत्रीले मंगलबार आफ्नो करिव ४० वर्षीय सैनिक जीवन यात्रा अत्यन्तै गौरवान्वित क्षणमा आएर सकिनै लागेको प्रतिक्रिया ब्यक्त गरेका छन्। आज साँझ आफ्नो फेसबुक पेजमा एउटा सानो मन्तब्य लेख्दै उनले भनेका छन्, ” करिब चार दशक लामो मेरो सैनिक जीवनका आखिरी दिनहरुमा मेरो सैनिक जीवनलाई फर्केर हेर्दा आफूलाई अत्यन्तै गौरवान्वित ठान्छु।” उनले थप लेखेका छन्, “मेरो जीवनका हरेक क्षणहरुमा मैले सधैं उत्कृष्ट र दक्ष व्यक्तिहरुको साथ पाएँ । अनवरतरुपमा सधैं मलाई सहयोग पुर्‍याई मेरो मेरुदण्डको रुपमा रहनु भएका मेरा परिवारजन, शुभेच्छुकका साथै नेपाली सेनाका सकल दर्जाहरुप्रति गहिरो आभार व्यक्त…

काठमाडौँ: अख्तियार दुरुपयोग अनुसन्धान आयोगले नेपाल बिद्युत प्राधिकरण पुल्चोक वितरण केन्द्र, ललितपुरमा कार्यरत ईलेक्ट्रिसियन भोलाप्रसाद अधिकारीलाई रु ९५ हजार घुस लिएको अभियोगमा मंगलबार पक्राउ गरेको छ । अधिकारीलाई कार्यालय परिसरबाटै पक्राउ गरी छानबिन भइरहेको आयोगका प्रवक्ता रामेश्वर दंगालले जानकारी दिए । सप्तरी, तिलाठी कोइलाडी गाउँपालिकाका प्रमुख प्रशासकीय अधिकृत सरोजकुमार झा विरुद्ध विशेष अदालतमा मुद्दा दायर गरेको छ । प्रशासकीय अधिकृत झाले स्थानीय रामजानकी मन्दिरदेखि सकरपुराको पुलसम्म जाने बाटोमा माटो भर्ने र ग्राभेल गर्ने योजनाको अन्तिम बिल भुक्तानीको क्रममा सेवाग्राहीसँग रु ७० हजार घुस लिएको अभियोग लागेको छ । आयोगकाअनुसार प्रशासकीय अधिकृत झाले कार्यालय सहायक राजकुमार मण्डललाई घुस उठाउनका लागि प्रयोग…

काठमाडौँ: नेपाल उद्योग वाणिज्य महासंघका पूर्व अध्यक्ष एवं सार्क उद्योग वाणिज्य संघका उपाध्यक्ष (नेपाल) चण्डिराज ढकालको नेतृत्वमा गएको महासंघ÷सार्क उवासंघ(नेपाल)को प्रतिनिधिमण्डलले राष्ट्रपति विद्यादेवी भण्डारी र प्रधानमन्त्री केपी शर्मा ओली आज छुट्टाछुट्टै भेटवार्ता गरेको छ । प्रतिनिधिमण्डलले राष्ट्रपति भण्डारी समक्ष सितलनिवास र प्रधानमन्त्री ओली समक्ष वालुवाटारमा औपचारिक भेटवार्ता गरेको हो । उक्त दुवै उच्चस्तरीय भेटवार्तामा प्रतिनिधिमण्डलका तर्फबाट मुलुकभित्र, दक्षिण एशिया सहित चीन लगायतका देशहरूबाट लगानी आकर्षणका लागि अनुकुल वातावरण बनाउनु पर्नेतर्फ जोड दिइयो । प्रतिनिधिमण्डलले प्रत्यक्ष वैदेशिक लगानीको प्रवद्र्धन गर्न सरकारका नीतिहरु जटिल नभई सहज हुनु पर्ने तथा नेपालको आर्थिक विकासमा सार्क विकास कोषको लगानी ल्याउन आवश्यक परियोजनाहरू तयार गर्नुपर्ने र…

काठमाडौँ: सरकारले तीन दिन भित्रै राहदानी उपलब्ध गराउने भएको छ । प्रतिनिधिसभाको आजको बैठकमा परराष्ट्रमन्त्री प्रदीपकुमार ज्ञवालीले ‘राहदानी विधेयक, २०७५’ प्रस्तुत गर्दै सो कुराको जानकारी दिएका हुन् । मन्त्री ज्ञवालीले प्रस्तुत गरेको सो विधेयकलाई बैठकले सर्वसम्मतिले स्वीकृत गरेको छ । नागरिकलाई सहज रुपमा राहदानी उपलब्ध गराउने उद्देश्यका साथ सरकारले उक्त विधेयक प्रस्तुत गरेको मन्त्री ज्ञवालीको भनाइ छ । उनले भने, “अहिले अत्यन्तै आवश्यक भए एक दिनमा नै राहदानी उपलब्ध हुन्छ, अब सामान्य अवस्थामा पनि बढीमा तीन दिनमा राहदानी उपलब्ध गराउन पहल भएको छ, यो व्यवस्था शीघ्र कार्यान्वयनमा आउँछ ।” प्रस्तुत विधेयकले निर्वाचित जनप्रतिनिधिलाई विभेद नगरेको जानकारी दिँदै मन्त्री ज्ञवालीले कूटनीतिक…

काठमाडौँ: नेत्र बिक्रम चन्दद्वारा आव्हान नेपाल बन्दका कारण मंगलबार राजधानीको तीनै जिल्लाबाट सात जना पक्राउ परेको र १२ ठाउंमा नक्कली बम आंतक सिर्जना गरिएको नेपाल प्रहरीले जनाएको छ । नेपाल प्रहरीको आयुक्त कार्यालयका प्रवक्ता तथा प्रहरी बरिष्ठ उपरीक्षक पूर्णचन्द्र जोशीका अनुसार विप्लपको राजधानीको बन्द अव सदाको लागि बन्द भएको दावी गरे। “विप्लपको कुनै पनि बन्द राजधानीमा सफल हुनेछैन,” जोशीले भने । आज गरिएको भनिएको नेपाल बन्द पनि पूर्ण रुपमा विफल भएको उनको तर्क थियो । अधिकांश ठाउँमा राखिएको बोम सबै नक्कली साबित भएको उनले बताए । नेपाल प्रहरीले विभिन्न ठाउंमा सेनाको सहयोगबात गरेको डिस्पोजल कार्यमा प्राय सबै नक्कली बम भएको…

काठमाडौँ: सञ्चार तथा सूचना प्रविधिमन्त्री गोकुलप्रसाद बाँस्कोटाले मन्त्रालयअन्तर्गत कार्यालयका कार्ययोजना पहिलो चौमासिकदेखि नै कार्यान्वयन शुरु भई शत्प्रतिशत परिणाम निस्कनुपर्ने बताएका छन् । मन्त्रालयस्तरीय विकास समस्या समाधान समितिको बैठक तथा आर्थिक वर्ष २०७४/७५ को वार्षिक प्रगति समीक्षा कार्यक्रमलाई आज सम्बोधन गर्दै उनले भने, “नीति र बजेटमा परेका योजना समयमै कार्यान्वयन हुनुपर्छ ।” मन्त्री बाँस्कोटाले योजना कार्यान्वयनका लागि असार नै पर्खने प्रवृत्तिको अब अन्त्य हुनुपर्छ भन्दै योजना कार्यान्वयनका लागि सार्वजनिक खरीद कानूनमा परिवर्तन गरिनुपर्ने तथा प्राविधिक र आर्थिक प्रस्ताव फरक रुपमा प्रस्तुत गर्ने व्यवस्था हुनुपर्ने बताए । चालू आवको बेरुजु शून्य हुनेगरी काम गर्न मन्त्रालयअन्तर्गत निकायका अधिकारीलाई निर्देशन दिदैं उनले आर्थिक अनुशासनभित्र…