Author: पहिलोक्लिक

काठमाडौँ: नेपालको बारा, पर्सामा आएको ‘टोर्नाडो’को नेपाली नाम राख्न विज्ञहरू बहसमा जुटेका छन् । यसरी भूमरी जसरी सोली आकारमा आएकाले यसको नेपाली नामकरण स्थानीय परिचय दिने गरी राखिनुपर्ने बहस चलेको छ । यो समाचार आजको गोरखापत्र दैनिकमा चाँदनी हमालले लेखेकी छिन् । सोही अनुसार नै जल तथा मौसम विज्ञान विभाग, नेपाल विज्ञान तथा प्रविधि प्रज्ञा प्रतिष्ठान, त्रिभुवन विश्वविद्यालय स्थित वातावरण विभागलगायत मौसमको क्षेत्रमा काम गरिरहेका विज्ञहरू नामकरणमा जुटेका हुन् । वरिष्ठ मौसमविद् मदनलाल श्रेष्ठले भने, “बारा, पर्सामा अध्ययन गर्न गएको टोलीले ल्याउने विवरणसँगै नामका बारेमा थप छलफल हुनेछ, स्थानीय पहिचान दिनेगरी नाम राख्न जरुरी हुन्छ ।” …

काठमाडौँ: भारतको राजस्थान घर बताउने चार भारतीय नागरिकलाई प्रहरीले शुक्रबार झन्डै ६ किलो अवैध सुनसहित पक्राउ गर्यो । थाइल्याण्डबाट आएका भारतीय नागरिक बबिता गर्ग, सरिता जैन, जपिन जैत र सुनीतालाई भन्सार र सुरक्षाजाँच पास गरेर त्रिभुवन विमानस्थल बाहिरको नयाँ पार्किङ क्षेत्रमा पुगेका बेला प्रहरीले नियन्त्रणमा लिएको थियो । गृह मन्त्रालयले फागुन १३ मा जारी गरेको ‘गृह प्रशासन सञ्चालनको एक वर्ष’ प्रतिवेदनमा संगठित सुन तस्करीको सन्जाल ध्वस्त पारेको दाबी गरेको डेढ महिनापछि विमानस्थलबाट यति धेरै अवैध सुन बरामद भएको हो । शुत्रबार बरामद भएको सुन तस्करीको शैली भने नयाँ थियो । पक्राउ परेकाहरु प्रहरी अधिकारीहरुलाई झुक्याउन सुनको बाला,…

काठमाडौँ: प्रधानमन्त्री केपी शर्मा ओलीले गरेका अठोट अनुसार अत्यन्त जोखिम र बाध्यात्मक प्रयोगका रूपमा रहेका तुइनलाई झोलुङ्गे पुलबाट विस्थापित गरेर मुलुकलाई तुइनमुक्त बनाउने कार्य अन्तिम चरणमा पुगेको छ । तुइनको पहिचान भई झोलुङ्गे पुल बनाउन सम्भव भएका स्थानहरुमा आगामी आर्थिक वर्ष्भित्र तुइन विस्थापित गर्ने कार्य पूरा हुने भएको छ । प्रधानमन्त्री ओलीले अघिल्लो कार्यकालमा सिंहदरबारमा पदभार ग्रहण गर्दै मुलुकमा रहेका तुइन दुई वर्ष्भित्रमा झोलुङ्गे पुलले विस्थापित गरिने सरकारको पहिलो निर्णयमा हस्ताक्षर गरेका थिए । उनले पदभार ग्रहण गरेलगत्तै बसेको मन्त्रिपरिषद् बैठकले सो निर्णय अनुमोदन गरेको थियो ।

काठमाण्डौ: देशका धेरै ठाउँको मौसम बदली भएको छ । नेपाल नजिकै बनेको न्यूनचापीय रेखा, अरब सागर र बंगालको खाडीबाट आएको जलवाष्पयुक्त हावा, पश्चिमी वायुसँगै स्थानीय वायुको प्रभावले शनिबार बिहानदेखि नै देशभरको मौसम बदली भई धेरै ठाउँमा मेघगर्जन र हावाहुरी चलेको मौसम पूर्वानुमान महाशाखाले जनाएको छ । महाशाखाकी मौसमविद् शान्ति कँडेलका अनुसार यसकै प्रभावले अहिले पनि धेरै ठाउँमा हावाहुरी र मेघगर्जनसहित पानी परिरहेको छ । अहिले मौसम खराब भए पनि अब केहीबेर पछि काठमाण्डौसहित मध्य र पश्चिमको धेरै ठाउँमा घाम लाग्ने उहाँको अनुमान छ । तर पूर्वमा भने मौसम खुल्ने संभावना कम रहेको उहाँको भनाइ छ । केहिबेरपछि मौसम…

काठमाडौं: उर्जा,जलस्रोत तथा सिंचाईमन्त्री वर्षमान पुनले बाग्मती जलाधार नदि संरक्ष्ँण परियोजनाको स्थलगत अनुगमन गरेका छन् । मन्त्रीपुन सिंचाईमन्त्रालयका सचिव डा.संजय शर्मासहित शनिवार परियोजनास्थल पुगेका हुन् ।मन्त्री पुनले मन्त्रालय अन्र्तगतका जलविद्युत परियोजना र सिंचाईका आयोजनाको निरिक्षणका लागी विदाको दिन समेत अनुगमनमा निस्कदै आएका छन् । उनले आयोजनाको अवस्था र मन्त्रालयको तर्फबाट गर्नुपर्ने सहयोगको वारेमा आयोजनाका अधिकारीसंग छलफल गरेका हुन् । मन्त्री पुनले आयोजना स्थलमा आयोजित छलफलमा भने ‘वाग्मती सम्पदासंग जोडिएकोले यो आयोजना समयमा बनाउनुपर्ने हुन्छ, यो नयां आयोजना पनि हो, हामीले राष्ट्रिय गौरव र विशेष महत्वको आयोजनालाई प्राथमिकतामा राखेका छौं ।’ मन्त्री पुनले जिम्मेवारीपूर्ण तरिकाले काम गर्न निर्देशन दिएका छन्…

काठमाडौँ: ट्राफिक प्रहरीले उपत्यकाको ट्राफिक सुधारका लागि विभिन्न निकायको सहकार्यमा उपत्यकाभित्रका सडकको फुटपाथ अतिक्रमण हटाउने भएको छ। महानगरीय ट्राफिक प्रहरी महाशाखाले भर्खरै लागू गरेको ‘ट्राफिक व्यवस्थापन तथा प्रदूषण नियन्त्रण सुधार कार्ययोजना–२०७५’ अन्तर्गत जथाभावी हुने सडक फुटपाथ अतिक्रमण हटाउने भएको हो। महाशाखाले विभिन्न निकायको सहकार्यमा उपत्यकाको पुरानो वानेश्वरदेखि सिनामङ्गलसम्म, पिङ्गलास्थानदेखि गौशाला चोकसम्म, कोटेश्वर वरीपरी, नयाँ बानेश्वरदेखि पुरानो बानेश्वरसम्म, त्रिपुरेश्वरदेखि कलङ्कीसम्म, चावहिलदेखि जोरपाटीसम्म, थापाथलीदेखि लगनखेलसम्मका फुटपाथ पसल तथा पार्किङ हटाउन लागेको हो। महाशाखाका प्रमुख प्रहरी वरिष्ठ उपरीक्षक वसन्तकुमार पन्तले उपत्यकाको ट्राफिक व्यवस्थापनलाई चुस्त, दुरुस्त बनाउन यही चैत २१ गतेदेखि नै उक्त अभियान सञ्चालन गरिएको जानकारी दिए। महाशाखाले उपत्यकाको ट्राफिक…

काठमाडौँ: कर्णाली प्रदेश सरकारले बारा र पर्साका हुरी प्रभावितहरुका लागि एक करोड उपलब्ध गराउने भएको छ । प्रदेश मन्त्रिपरिषद्को शनिबार बसेको बैठकले प्रदेश २ को मुख्यमन्त्री राहत कोषमा जम्मा हुने गरी कर्णाली प्रदेश सरकारको तर्फवाट १ करोड उपलब्ध गराउने निर्णय गरेको हो । यस्तै, हाल ५० शैय्याको कर्णाली प्रदेश अस्पताललाई शिक्षण अभ्याससहित ३०० शैय्याको रेफरल अस्पतालको रूपमा स्तरोन्नति गर्ने निर्णय पनि मन्त्रिपरिषदले गरेको आन्तरिक मामिला तथा कानुन मन्त्री नरेश भण्डारीले जानकारी दिएका छन् ।

काठमाडौँ: देव विकास बैंकले मानव सेवा आश्रमको बुटवल शाखालाई तीन लाख रुपैयां सहयोग गरेको छ । शुक्रबार बुटवल सुख्खानगरस्थित आश्रममा पुगेर बैंकका सहायक प्रमुख कार्यकारी अधिकृत लक्ष्मीप्रसाद श्रेष्ठले आश्रमका केन्द्रीय अध्यक्ष रामजी अधिकारीलाई तीन लाख रुपैयांको चेक हस्तान्तरण गरेका हुन् । श्रेष्ठले बैंकहरुले नाफाको एक प्रतिशत रकम सामाजिक क्षेत्रमा खर्च गर्नुपर्ने नीति अनुसार आश्रमलाई सहयोग गरिएको बताए । उनले असहाय, अशक्तहरुलाई सहयोग गर्नु जत्तिको धर्म अरु नहुने भन्दै आउँदो वैशाखमा थप दुई लाख रुपैयाँ सहयोग गर्ने प्रतिवद्धता जनाए । आश्रमका अध्यक्ष अधिकारीले २०६९ सालमा हेटौंडाबाट शुरु भएको संस्थाले हाल प्रदेश १ बाहेक ६ वटा प्रदेशका ११ वटा…

काठमाडौँ: मिडियामा खबर चुहिएपछी पक्राउ परेर पनि छुटेका व्यवसायी सुवास श्रेष्ठ पुनः पक्राउ परेका छन् । काठमाडौंस्थित त्रिभुवन अन्तर्राष्ट्रिय विमानस्थलका क्याफे सञ्चालक हुन् श्रेष्ठ। उनको परीवार नै हिजो शुक्रबार मध्यान्ह बैंकक जान लाग्दा पक्राउ परेकाे थिए । तर उनका अन्य चार जना परिवार भने रिहा भएका छन्। ठूलो मात्रामा अवैध विदेशी मुद्रासहित विमानस्थल प्रहरीले उनको परिवारलाई पक्राउ गरेको हो। पहिले उनलाई विमानस्थल सुरक्षा प्रमुख एसएसपी सन्दीप भण्डारीकै निर्देशनमा रिहा गर्न लगाएको थियो तर मिडियामा कुरा चुहिएपछि उनलाई पक्राउ गरेको हो। उनका साथबाट ३६ लाख ६१ हजार नेपाली रुपैयाँ बराबर विभिन्न देशका मुद्रा बरामद भएका छन्। थाइ…

काठमाडौँ: नेपाली कांग्रेसले केन्द्रीय कार्यसम्पादन समिति गठनको गृहकार्य गरेको छ। आज दिउँसो पार्टी कार्यालय सानेपामा बोलाइएको केन्द्रीय समिति बैठकमा केन्द्रीय कार्यसम्पादन समिति गठन गर्नेबारे छलफल हुने नेताहरूले जनाएका छन्। केन्द्रीय समितिपछिको शक्तिशाली विभागको रूपमा केन्द्रिय कार्यसम्पादन समितिलाई लिइन्छ। केन्द्रीय समिति बैठक बस्न नसकेका बेला समसामयिक राजनीतिक घटनाक्रमबारे पार्टीको धारणा बनाउनेजस्ता काम गर्ने केन्द्रीय कार्यसम्पादन समितिले चुनावका बेला नेतालाई टिकट दिने निर्णय पनि गरेको थियो। २९ सदस्यीय बन्ने केन्द्रीय कार्यसम्पादन समितिमा पार्टी सभापति शेरबहादुर देउवासहित पार्टीका केन्द्रीय पदाधिकारी रहन्छन् भने अरू केन्द्रीय समिति सदस्यहरू समितिमा हुन्छन्। सभापति देउवाले वरिष्ठ नेता रामचन्द्र पौडेलसँग छलफलपछि समिति गठनको गृहकार्य गरेका हुन्।…