Author: पहिलोक्लिक

काठमाडौँ: भारतीय टेलिभिजन कार्यक्रम ‘कौन बनेगा करोडपति’को नेपाली संस्करण ‘को बन्छ करोडपति’ आगामी छठपर्वपछि प्रसारण हुने भएको छ । एसआरविएन मिडिया प्रालिले आज राजधानीमा एक कार्यक्रमको आयोजना गरी नेपाली पन झल्कने गरी प्रसारण गर्न लागिएकोे सो कार्यक्रमका संयोजक विपिनकुमार आचार्यले जानकारी दिए। नायक राजेश हमालले कार्यक्रमलाई अन्तर्राष्ट्रिय मापदण्ड कायम गरी नेपाली स्वाद दिनु जरुरी रहेको औँल्याउनुभयो । एपिवान टेलिभिजनबाट प्रसारण हुने उक्त कार्यक्रमको प्रसारणको तयारी तीव्र पारिएको आयोजकले जनाएको छ । भारतमा चार वटा भाषामा प्रसारण हुँदै आएको कार्यक्रम अन्य विभिन्न देशका टेलिभिजनले पनि प्रसारण गर्दै आएका छन् । भारतमा कौन बनेगा करोडपति कार्यक्रम महानायक अमिताभ बच्चनले सञ्चालन गर्दै आएका…

काठमाडौँ: प्रधानमन्त्री केपी शर्मा ओली अमेरिकाको न्यूयोर्क र कोस्टारिकाको झन्डै १० दिन लामो भ्रमण सकेर विहिबार स्वदेश फर्किएका छन् । ओली संयुक्त राष्ट्रसंघको महासभामा भाग लिएर आज नेपाल फर्किएका हुन्। भ्रमण दौरान उनले अमेरिकी राष्ट्रपति डोनाल्ड ट्रंप र सार्कस्तरीय मन्त्रीहरुलाई समेत साइडलाइन भेट गरेका थिए । महासभालाई सम्बोधन गरेर उनी कोस्टारिकाको भ्रमणमा निस्किएका थिए जहान उनलाई शान्ति विश्वबिद्यालयले उनलाई त्यहाँको मानार्थ विद्यावारिधीको उपाधिसमेत दिएका थिए।

काठमाडौँ : एशियाली विकास बैंकले पूर्वपश्चिम राजमार्गको सुधारका लागि करीब २० अर्ब ७० करोड रुपैयाँ ऋण उपलब्ध गराउने भएको छ । बैंक सञ्चालक समितिको मनिलामा सम्पन्न आजको बैठकले उक्त बाटो मर्मतसम्भारका लागि सो रकम नेपाल सरकारलाई ऋण स्वरुप प्रदान गर्ने निर्णय गरेको हो । नेपालको आन्तरिक तथा बाह्य व्यापारको प्रमुख मार्गका रुपमा रहेको उक्त बाटो सुधारपछि नेपालको यातायात पद्धति सुदृढ हुनाका साथै राष्ट्रिय तथा क्षेत्रीय सम्पर्क विस्तारमा योगदान पुग्ने विश्वास उक्त बैंकले व्यक्त गरेको छ । बैंकको प्रधान कार्यालयले आज एक वक्तव्य जारी गरेर उक्त बाटोको स्तरोन्नतिपछि नेपालको व्यापार प्रवद्र्धनमा टेवा पुग्ने र सडक सुरक्षामा पनि सुधार आउने अपेक्षा गरेको…

काठमाडौँ: ‘क’ वर्गका वाणिज्य बैंकले पछिल्लो दिनमा आक्रामकरुपमा ऋण लगानी गर्न थालेका छन् । चालू आर्थिक वर्षको यही असोज १२ गतेसम्म वाणिज्य बैंकले ६५ अर्ब रुपैयाँ निक्षेप सङ्कलन गरेकामा ९३ अर्ब रुपैयाँ ऋण लगानी गरेका छन् । नेपाल राष्ट्र बैंकले उपलब्ध गराएको पछिल्लो एक तथ्याङ्कअनुसार वाणिज्य बैंकले २५ खर्ब २० अर्ब रुपैयाँ निक्षेप सङ्कलन गरेका छन् भने २२ खर्ब आठ अर्ब रुपैयाँ ऋण लगानी गरेका छन् । बैंकमा अझै लगानीयोग्य रकम तीन खर्ब १२ अर्ब रुपैयाँ छ । गत साउन २५ गतेसम्म बैंकले २४ खर्ब ५५ अर्ब निक्षेप सङ्कलन गरेका थिए भने असोज १२ गतेसम्म आइपुग्दा निक्षेपको मात्रा बढेर २५…

काठमाडौँ: साताको अन्तिम कारोवारको दिन पनि सेयर बजारमा गिरावट आएको छ । सेयर बजार परिसूचक नेप्से बिहिबार तीन दशमलब २३ अंकले घटेर एक हजार २२७ दशमलब ३७ अंकमा पुगेर बजार बन्द भएको छ । बुधबार नेप्सेमा १० दशमलब ७६ अंकले, आइतबार नेप्से १० दशमलब ४७ अंक र सोमबार १८ दशमलब ०४ अंकले घटेको थियो भने मंगलबार नेप्से दुई दशमलब ६९ अंकले बढेको थियो । नेप्सेमा लगातार गिरावट आउँदा पूँजी बजारका लगानी कर्ताहरु निराश भएका छन् । आजको कारोवारमा सबै भन्दा बढी होटल समूहको परिसूचक २६ दशमलब ६९ अंक, निर्जीवन बीमा समूहको परिसूचक १४ दशमलब ३ अंकले घटेको छ । त्यसैगरी,…

काठमाडौँ: निर्माणाधीन गौतमबुद्ध अन्तर्राष्ट्रिय विमानस्थलको नयाँ धावनमार्ग (रनवे)बाट अबको ६ महीनाभित्र विमान उड्ने भएको छ । सन् २०१९ को १६ जुलाईअघिनै सञ्चालनमा ल्याउने गरी तीव्र गतिमा निर्माण भइरहेको उक्त विमानस्थलको रनवेको अहिले कालोपत्र गर्ने काम भइरहेको छ । करीब चार महीनाभित्र कालोपत्र सकेपछि नयाँ रनवेबाट विमान उडाउन सकिने आयोजनाले जनाएको छ । राष्ट्रिय गौरवको आयोजनाको रुपमा रहेको भैरहवास्थित गौतमबुद्ध विमानस्थललाई उच्च प्राथमिकतामा राखेर निर्माण अघि बढाइएको नियामक निकाय नेपाल नागरिक उड्डयन प्राधिकरण (क्यान)ले जनाएको छ । त्रिभुवन अन्तर्राष्ट्रिय विमानस्थलको बढ्दो चाप न्यूनीकरणका लागि केही हदसम्म यो विमानस्थलले सहयोग पुग्ने अपेक्षा गरिएको छ । गौतमबुद्ध विमानस्थलको हाल भौतिकतर्फ ५५ प्रतिशत प्रगति…

काठमाडौँ: बलात्कारपछि हत्या गरिएकी १३ वर्षिया निर्मला पन्तको हत्याराको छिटो भन्दा छिटो पत्ता लगाउन माग गर्दै विहिबार महिला तथा युवा अधिकारकर्मीहरुले सिंहदरबारअघि विरोध प्रदर्शन गरेका छन्। महिलाहरुले सिंहदरबारको पूर्वीगेटमा प्रदर्शन गरेका थिए। उनीहरुले हत्याराको माग गर्दै सरकारविरुद्ध नारावाजी गरेका हुन्।

काठमाडौँः दशैको मुखमा चिनीको मूल्य वृद्धि भएको भन्दै विरोध भइरहेका बेला, व्यवस्थापिका संसदको सार्वजनिक लेखा समितिले चिनीको खुद्रा मूल्य ६३ रुपैयाँ कायम राख्न सरकारलाई निर्देशन दिएको छ । समितिको बिहीबार बसेको बैठकले चिनीको खुद्रा बिक्री मूल्य प्रतिकिलो ६३ रूपैयाँ कायम गर्न सरकारलाई निर्देशन दिएको हो । यस्तै चिनीको मूल्य बृद्धिको सन्दर्भमा थप छानविन गर्न समितिले ५ सदस्यीय उपसमिति गठन गरेको छ।उपसमितिका संयोजक लेखराज भट्ट तोकिएका छन । चाडपर्व नजिकिएसँगै चिनी लगायत खाद्य वस्तुको मूल्य वृद्धि भएको भन्दै सो विषयमा अध्ययन र छानविन गरी आउने ७ दिनभित्र प्रतिवेदन बुझाउन समितिले समय तोकेको छ ।

काठमाडौँ : डलरसँग नेपाली रुपैयाँ पुन: कमजोर भई नयाँ रेकर्ड कायम भएको छ । केन्द्रीय बैंकले आज बिहिबार लागि प्रति अमेरिकन डलरको बिक्री दर ११७.६७ रुपैयाँ र खरीद दर ११७.०५ रुपैयाँ तोकेको छ । असोज ३ गतेको रेकर्ड तोड्दै आज नेपाली रुपैयाँ हालसम्मकै कमजोर भएको हो । असोज तीन गतेका लागि केन्द्रीय बैंकले प्रति अमेरिकन डलरको बिक्री दर ११७.०७ रुपैयाँ र खरीद दर ११६.४७ रुपैयाँ तोकेको थियो । बिगत केहि महिनादेखि रुपैयाँ डलरसँग अबमुल्यन हुँदैजाँदा आयातमा आधारित नेपाली अर्थतन्त्रमा ठुलो असर पर्न गर्न लागि सकेको छ । अमेरिकी अर्थतन्त्र सवल हुँदैै गएपछि डलरको मूल्य आकाशिएको हो । डलर सामू भारतीय…

काठमाडौँ: नेपाली काङ्ग्रेसको भ्रातृ संस्था नेपाल विद्यार्थी सङ्घको १२औँ महाधिवेशन अनिश्चित बन्दै गएको छ । पार्टीको नेविसङ्घ हेर्ने समितिले विधान र नियमावली पारित नगर्दा महाधिवेशन अनिश्चित बन्दै गएको हो । अघिल्लो महिना सम्पन्न नेविसङ्घको केन्द्रीय समितिको बैठकले ११औँ महाधिवेशनमा लगाइएको ३२ वर्षे उमेरहद हटाउने प्रस्तावसहित विधान र नियमावली पार्टीलाई बुझाएको थियो । उक्त सङ्घको वर्तमान कार्यसमितिको म्याद भदौ २ गते सकिएकाले पार्टीले तीन महीनाभित्र निर्वाचन सम्पन्न गर्न निर्देशन दिएबमोजिम आगामी मङ्सिर २ गते म्याद सकिँदैछ । पार्टीबाट विधान र नियमावली अनुमोदन भएपछि असोज ७ गते देशभरका माध्यामिक विद्यालय र क्याम्पसमा अधिवेशन, असोज १२ मा सबै स्थानीय तहमा अधिवेशन, असोज १५…