Author: पहिलोक्लिक

काठमाडौँ: मौसमविदहरुका अनुसार गएराति देखि भइरहेकाे वर्षा अवको तीन दिनसम्म जारी रहने जनाएका छन् । जल तथा मौसम पूर्वानुमान महाशाखाका अनुसार शनिबार रातिदेखि देशका धेरै ठाउँमा वर्षा भइरहेकाे छ। पूर्वको तुलनामा पश्चिम क्षेत्रका धेरै ठाउँमा आइतबार भिषण वर्षा हुने सम्भावना रहेको मौसमविद् बरुण पौडेलले बताए । बंगालको खाडीसँगै अरबसागरमा ठूलो मात्रामा जलवाष्प पूर्वबाट नेपाल छिरेको र अबका तीन दिनसम्म निरन्तर वर्षा हुने उनको अनुमान रहेको छ । ‘गत हप्तादेखि केही निस्क्रिय भएको मनसुन आइतबारदेखि फेरि सक्रिय हुन थालेको छ,’ मौसमविद् पौडेलले भने, ‘अहिले देशैभरि बदली भएको छ। यसले गर्दा मध्यमदेखि भारी वर्षा हुने संभावना छ।’ बाढीपहिरो जाने क्षेत्रमा बसोबास गरेका…

टोकियो, जापान: (एएफपी): जापानका पश्चिमी क्षेत्रका विभिन्न इलाकामा परेको अविरल वर्षाका कारण कम्तीमा ३० जनाको मृत्यु भएको जापानी अधिकारीले पुष्टि गरेका छन् । यद्यपि जापानको राष्ट्रिय टेलिभिजन प्रशारण एनएचकेले भने बाढीका कारण ४९ जनाको मत्यु भएको जनाएको छ । बाढी र पहिरोका कारण दर्जनौ व्यक्ति हराइरहेका छन् । जापानी अधिकारीहरूले बर्षाका कारण जलमग्न बनेको र पहिरोको जोखिममा रहेका कतिपय स्थानबाट कम्तीमा १९ लाख व्यक्तिलाई बाढी प्रभावित क्षेत्रबाट सुरक्षित स्थानमा सर्न निर्देशन दिएको बताएका छन् । दशौँलाख मानिसलाई सजग रहन भनिएको छ । विपद्पछि खोज तथा उद्धार कार्यमा हजारौँ प्रहरी, अग्नि नियन्त्रक तथा सैनिकहरू खटिएका छन् । जापानको क्योडो समाचार संस्थाका…

चितवन: नेपालले चीन सरकारलाई उपहारस्वरुप पठाउन लागेको पहिलो जोडी गैँडा यहाँका चिकित्सक, प्राविधिक र सहयोगीसहित पठाइने भएको छ । यही असार २८ गते ‘भद्र’ र ‘रुपसी’लाई चीन पठाइँदै छ । चितवन राष्ट्रिय निकुञ्जका प्रमुख संरक्षण अधिकृत वेदकुमार ढकालका अनुसार निकुञ्जका वरिष्ठ चिकित्सक डा कमल गैरेको नेतृत्वमा राष्ट्रिय प्रकृति संरक्षण कोषका एक प्राविधिक र तीन सहयोगीसहित गैँडा पठाउन लागिएको हो । गैँडा नियन्त्रणदेखि हाल सौराहामा राखिएको समयमा सँगै रहेर काम गरेका चिकित्सक, प्राविधिक र सहयोगी चीनसम्म नै जाँदा गैँडाको रेखदेख राम्रो हुने भएकोे छ । गैँडा लिनका लागि चीनको चेमलङ सफारी पार्कबाट चिकित्सक र प्राविधिक टोली यसअघि नै यहाँ आइसकेको छ…

काठमाडौं: शुभम् पावर लिमिटेडले जारी गरेको दुई लाख कित्ता साधारण सेयर (आइपिओ) मा आवेदन दिने आइतबार अन्तिम रहेको छ । लिमिटेडले जेठ २० गतेदेखि संखुवासभा जिल्लाका आयोजना प्रभावित बासिन्दाका लागि १०० रुपैयाँ दरको दुई लाख कित्ता आइपीओ बिक्री खुला गरेको थियो । यसको बिक्री प्रबन्धकमा सीबीआइएल क्यापिटल रहेको छ । स्थानीयले न्यूनतम ५० देखि अधिकतम १ हजार कित्तासम्म आवेदन दिन पाउनेछन् । आवेदकले शुभम् पावर लिमिटेड चैनपुर संखुवासभा, एनएमबि माइक्रोफाइनान्स वित्तीय संस्था तुम्लिङटार र मामलिङ शाखाबाट सेयर भर्न सक्नेछन् । यसैगरी, प्राइम बैंकको खाँदबारी र तुम्लिङटार शाखाबाट पनि आवेदन दिन पाइनेछ । एभरेष्ट बैंक र सेन्चुरी बैंकको खाँदबारी शाखाबाट पनि…

सुर्खेत: कर्णाली प्रदेश सरकारका उद्योग, पर्यटन, वन तथा वातावरणमन्त्री नन्दसिंह बुढाले पर्यटन विकासमा ९८ करोड रुपैयाँ छुट्याइएको भएका छन् । नेपाल पर्यटन बोर्डद्वारा आयोजित आव ०७५÷०७६ को बजेट तर्जुमाका लागि शनिबार सुझाव संकलन कार्यक्रममा पर्यटनमन्त्री बुढाले मन्त्रालयको कूल बजेटको रु ९८ करोड पर्यटन विकासमा छुट्याइएको जानकारी दिए । उहाँले पर्यटनको विकासका लागि भौतिक पूर्वाधार निर्माणमा जोड दिने हेतुले कूल बजेटको ५२ प्रतिशत रकम यसमा विनियोजन गरेको जनाए । “कर्णाली प्रदेश सरकारले वैशाख १ गते ‘कर्णाली–रारा पर्यटन वर्ष २०७५’ को विधिवत् उद्घाटन प्रधानमन्त्री केपी शर्मा ओलीबाट गराइसकेको छ । त्यसले गर्दा पर्यटक आउनेक्रम बढेको छ”, मन्त्री बुढाले भने । जुन कुरालाई…

नेपालगन्ज: आफ्ना परिवार र शुभेच्छुकहरुको उपस्थितिमा पूर्व राजा ज्ञानेन्द्र शाहले आफ्नो ७२ औं जन्मदिन शनिबार नेपालगंजस्थित सोल्टी होटलमा मनाएका छन् । होटल सोल्टीमा बिहानैदेखि उपस्थित परिवारका सदस्य, शुभेच्छुकहरुले पूर्व राजालाई ७२ आंै जन्मदिनको शुभकामना र बधाई दिएका थिए । आफ्नो जन्मदिन मनाउन पत्नी कोमल, छोरा पारस, छोरी प्रेक्षा, बुहारी हिमानी, नातीनातिना सहित पूर्व राजा ज्ञानेन्द्र शाह बिहिवार नेपालगन्ज आएका थिए । आप्mनो जन्मदिनको अवसरमा पूर्व राजा शाह आज बिहान यहाँको प्रसिद्ध शक्तिपीठ बागेश्वरी मन्दिर जानु भई पूजाअर्चना पनि गरेका थिए ।

काठमाडौँ: सर्वोच्च अदालत बार एसोसियसनको अध्यक्षमा वरिष्ठ अधिवक्ता खगेन्द्रप्रसाद अधिकारी निर्वाचित भएका छन् । शनिबार साँझ सम्पन्न मतपरिणामअनुसार अधिकारीले ३०३ मत ल्याई निर्वाचित भएका हुन् । उनको निकटतम् प्रतिस्पर्धी दामोदर खड्काले २४३ मत प्राप्त गरेको प्रमुख निर्वाचन अधिकृत नारायणप्रसाद प्रसाईंले जानकारी दिए । यस्तै उपाध्यक्षमा राजु खड्का, सचिव शुभनराज आचार्य, सहसचिव पूर्णिमा रिमाल गुरागाईं र कोषाध्यक्ष सरोजकृष्ण घिमिरे निर्वाचित भएका छन् । यस्तै महिला सदस्यमा किरणकुमारी गुप्ता, सदस्यमा राजु आचार्य, राजाराम उपाध्यय, पुष्पराज पौडेल, दीपेन्द्रकुमार राई, रमेश महर्जन, भुवनप्रसाद काफ्ले, कल्याण पोखरेल र सन्तोषकुमार महतो निर्वाचित भएका छन् ।

काठमाडौँ: जारी विश्वकप फुटबलको दोश्रो क्वाटरफाइनल खेलमा क्रोएसियाले आयोजक राष्ट्र रुसलाई पेनाल्टि सुटआउटमा ४-३ गोलले हराउंदै सेमिफाइनल प्रवेश गरेको छ । खेल निश्चित समयसम्म दुई दुईको गोल भएपछी खेल पेनाल्टि सुटाउटमा धकेलिएको थियो । रसियाले खेलको मध्यान्तरअघि चेरिसेभको ३१ मिनेटमा गरेको गोलबाट अग्रता लिएको थियो भने त्यसको लगत्तै ३७ मिनेटमा क्रोएसियाका क्रामारिकले बराबरी गोल फर्काएका थिए । त्यसपछि अर्को दोश्रो गोल्ड क्रोयसियाका भिडाले १०१ औं मिनेटमा र रसियाका फ़ेर्ननडेजले ११५ मिनेट पुनः दुइ दुइ गोलको बराबरी गरेपछि खेल पेनाल्टिसुटाउट पुगेको थियो । सेमिफाइनल खेलहरु मंगलबार हुनेछन् ।

काठमाडौँ: बिश्वकप फुटबलको क्वाटरफाइनलको आज भएको तेश्रो खेलमा इङ्ल्याण्डले स्वीडेनलाई २-० हराउंदै सेमिफाइनलको यात्रा पक्का गरेको छ । यो जित संगै इङ्ल्याण्ड २८ वर्ष पछि बिश्वकप फुटबलको सेमिफाइनलमा प्रवेश गरेको हो । इङ्ल्याण्डका हेरी मक्वारीले पहिलो हाफको ३० औं मिनेटमा स्वीडेन बिरुद्ध गरेको गोलले अग्रता दिलाएका थिए भने दोश्रो हाफको ५८ औं मिनेटमा डेलीअलिले गरेको गोलले इङ्ल्याण्डलाई जितको सुनिश्चित गराएका थिए । स्वीडेनले आक्रामक रुपमा खेल खेलेपनि कुनै गोल गर्न नसक्दा क्वाटरफाइनलबाट बाहिरिनु परेको थियो । यो जितसंगै उसको भेट आजै राति हुने रशिया र क्रोयोसियाबीच हुने खेलको बिजेतासंग हुनेछ ।

काठमाडौँ : नेपाली प्रतिनिधिमण्डलको अडानपछि भारतबाट आयात भइरहेको विद्युत्को मूल्य तत्काल भने नबढ्ने भएको छ । भारतले दुई देशबीचको विद्युत् आदानप्रदान प्रावधानअनुसार विद्युत् महसुल बढाउन गरेको प्रस्तावलाई नेपालले अस्वीकार गरेको छ । यही असार २१ र २२ गते भारतको राजधानी नयाँ दिल्लीमा सम्पन्न विद्युत् आदानप्रदान समितिको १२ औँ बैठकमा विद्युत्को मूल्य बढाउने प्रस्ताव भारतीय पक्षले गरेको थियो । भारतले २० प्रतिशतसम्म महसुल बढाउन प्रस्ताव गरेको थियो । नेपाल विद्युत् प्राधिकरणले हाल खरिद गरिरहेको विद्युत्को मूल्य नै बढी भएको भन्दै कार्यकारी निर्देशक कुलमान घिसिङ नेतृत्वको नेपाली प्रतिनिधिमण्डलले अस्वीकार गरेको हो । प्राधिकरणका प्रवक्ता प्रबल अधिकारीले नेपालले हाल खरिद गरिरहेको विद्युत्को मूल्य…