Author: पहिलोक्लिक

काठमाडौँ: रुसमा जारी २१ औँ संस्करणको फिफा विश्वकप– २०१८ को सेमिफाइनल खेल मंगरबारदेखि शुरु हुँदैछ । यस पटकको विश्वकपको सेमिफाइनलमा युरोपका चार टोलीले प्रतिष्पर्धा गर्ने भएका छन् । यसैले विश्वकपको उपाधि पनि युरोपेली देशले नै भित्र्याउने निश्चित छ । सेमिफाइनलमा फ्रान्स (घरेलु मैदानमा ब्राजिललाई हराई १९९८को विजेता), बेल्जियम, बेलायत (घरेलु मैदानमा तत्कालीन जर्मनीलाई हराई १९६६को विजेता) र क्रोएसिया अन्तिम चारमा स्थान बनाउन सफल भएका हुन् । क्वार्टरफाइनल खेलमा फ्रान्सले उरुग्वेलाई २–१ गोलअन्तरले पराजित गयो भने बेल्जियम पाँच पटकको विश्वकप विजेता ब्राजिललाई २–१ गोलअन्तरले पाखा लगाउँदै अन्तिम चारमा आफ्नो स्थान सुरक्षित गर्न सफल भयो । त्यसैगरी यता बेलायतले स्वीडेनलाई २–० तथा…

काठमाडौं ः निजामती सेवामा पहिलो पटक पिएचडी गर्ने डा. टिकाराम शर्मा (खनाल)को आज विहान ७७ वर्षको उमेरमा निधन भएको छ । उनको बिहान पौने ९ बजे ग्राण्डी अस्पतालमा उपचारको क्रममा निधन भएको हो । उनलाई नेपाल एपीएफ अस्पतालले रिफर गरेपछि ग्राण्डी अस्पतालमा लगिएको थियो । ग्राण्डी अस्पतालमा निधनपछि उनलाई सो अस्पतालबाट काठमाडौ महानगरपालिका १० स्थित निजी निवासमा ल्याई ११ बजेदेखि १ बजेसम्म श्रद्धाञ्जलीको लागि राखिएको थियो । यसपछि पशुपति आर्यघाटमा लगि दाहसंकार गरिएको थियो । उनले संस्कृतमा एजम् गर्नुभएको थियो । स्व. खनाल भूतपूर्व सहसचिव थिए । उनले निमित्त अन्चलाभिसको रुपमा, प्रमुख जिल्ला अधिकारीको रुपमा समेत जिम्मेवारी निर्वाह समेत गरिसकेका…

कलैया: प्रसौनी गाउँपालिकाले छोरी जन्मेको ३५ दिनभित्र जन्म दर्ता गरी प्रमाणपत्र लिए गाउँपालिकाले रु १० हजारका दरले २० वर्षसम्म सन्ततिका नाममा बैंकमा रकम जम्मा गरिदिने निर्णय गरेको छ । गाउँपालिकाको आजको गाउँसभाले आगामी साउनदेखि ‘बेटी बचाऔँ, बेटी पढाऔँ’ र सुत्केरी महिलालाई भत्ता दिने कार्यक्रम लागु गर्ने तथा गर्भवतीका हकमा दुई पोका नुुन र रु एक हजारका दरले मासिक भत्तासमेत दिने निर्णय गरेको गाउँपालिकाका अध्यक्ष भोलाप्रसाद गुप्ताले जानकारी दिए । छोरीलाई शिक्षामा सहज पहुँचका लागि अभियानको थालनी गरिएको उपाध्यक्ष गीता साहले बताइन् । उमेर नपुगेका छोरीहरूलाई विवाह गर्ने चलनका कारण धेरैको अकालमै ज्यान जाने गरेको हुँदा अभिभावकलाई पनि गाउँपालिकाले कम्तीमा पनि…

काठमाडौँ: श्रम, रोजगार तथा सामाजिक सुरक्षा मन्त्रालयले नयाँ आर्थिक वर्षदेखि लागू हुनेगरी श्रमिकको न्यूनतम पारिश्रमिक १३ हजार ४५० निर्धारण गरेको छ । रोजगारदाता र श्रमिकका प्रतिनिधिबीच भएको त्रिपक्षीय छलफलबाट सम्पूर्ण रोजगार प्रदायक क्षेत्रमा कार्यरत श्रमिकको पारिश्रमिक निर्धारण गरिएको हो । मन्त्रालयमा आज आयोजित पत्रकार सम्मेलनमा श्रममन्त्री गोकर्णराज विष्टले भने, “विगतका समयमा बढाइएको पारिश्रमिकको दरभन्दा यो बढी हो, यसलाई हामीले अहिलेसम्मकै उच्चतम वृद्धिदरका रुपमा लिन सक्छौंँ ।” कुनै पनि कम्पनीले तोकिएको न्यूनतम पारिश्रमिकभन्दा कम दिएमा सो कम्पनीलाई कडाइका साथ कारवाही गरिने मन्त्रालयका सचिव यज्ञेश्वर दाहालले बताए । उनले श्रम ऐन २०७४ को दफा १०६ र १०७ अनुसार मन्त्रालयले प्रत्येक दुई वर्षमा…

ललितपुर: ललितपुर महानगरपालिकामा आवश्यकताभन्दा १० गुणा कम नगर प्रहरी कार्यरत छन् । महानगरपालिकामा अहिले २३ जना नगर प्रहरी कार्यरत छन् । दुई सयभन्दा बढी जनशक्ति आवश्यक रहेको नगर प्रहरी प्रमुख कदमलाल महर्जन बताउछन् । उनि भन्छन्, “अहिले आवश्यकताभन्दा धेरै कम जनशक्ति हुँदा हामीले भवनको सुरक्षा, दमकल सञ्चालनलगायतका अति आवश्यक काममात्रै गर्न सकेका छाँै ।” स्थानीय सरकार सञ्चालन ऐनले महत्वपूर्ण जिम्मेवारी दिए पनि जनशक्ति कमीले गर्दा बढी महत्वपूर्ण काममा बढी लाग्नुपरेको महर्जन बताउनुहुन्छ । जनशक्ति पर्याप्त भए थप प्रभावकारी रुपमा काममा लाग्न सकिने महर्जन बताउछन् । उनि भन्छन्, “अहिले हामीले नियमित नगरी नहुने काममा जोड दिएका छौँ ।” नगर प्रहरी अहिलेसम्म…

काठमाडौं: पदयात्रा वा अन्य कुनैपनि समयमा पर्यटकहरुलाई बिरामी गराएर ‘फेक हेलिकप्टर रेस्क्यु’ गरी बीमा असुल गर्ने जो कोहिलाई कारबाहीको दायरामा ल्याउन पर्यटन श्रमिक नेताहरुले पर्यटक घुमाउने श्रमिकहरुलाई निर्देशन दिएका छन् । नेपाल पर्यटन बोर्डको प्रायोजनमा तीन ठूला मजदुर संगठन यूनिट्राभ, नेपाल पर्यटन श्रमिक संघ र अखिल नेपाल पर्यटन मजदुर संघको आयोजनामा राजधानीमा सुरु भएको संयुक्त तालिमको उद्घाटन कार्यक्रममा श्रमिक नेताहरुले पयृटन क्षेत्रको बद्नामी गर्ने व्यवसायीलाई कारबाहीको दायरामा ल्याउने चेतावनी दिएका हुन् । पर्यटन क्षेत्रमा कार्यरत श्रमिकहरुको सेवा सम्बन्धी क्षमता अभिवृद्धि तालिम नाम दिईएको कार्यक्रमको नेपाल पर्यटन बोर्डका प्रमुख कार्यकारी अधिकृत(सीइओ) दीपकराज जोशीले उद्घाटन गरेका हुन् । कार्यक्रम उद्घाटन गर्दै सीइओ…

काठमाडौँ: नेपाल स्टक एक्सचेन्ज (नेप्से) परिसूचकमा आज सोमबार दोहोरो अंकको गिरावट आएको छ । नेप्से परिसूचक १७ दशमलब ९६ अंकले घटेर १ हजार २०६ दशमलब ३६ अंकमा पुगेको छ । आइतबार नेप्से ० दशमलब ०२ अंकले घटेको थियो । आजको कारोबारमा बाणिज्य बैंक, होटल, विकास बैंक, जलबिधुत, बिमा, वित्त, बिमा, अन्य तथा लघुवित्त समूहमा भारी अंकले गिरावट आएको छ । उत्पादन तथा व्यापार समूहमा भने सामान्य सुधार आएको छ । बाणिज्य बैंक समूहको परिसूचक १६ दशमलब ४२ अंकले, होटल २२ दशमलब ३२ अंकले, विकास बैंक 1८ दशमलब ०६ अंकले, जलबिधुत २२ दशमलब १ अंकले, बिमा १३० दशमलब ४२ अंकले, वित्त…

म्याग्दी: म्याग्दीको मालिका गाउँपालिका–२ रुमका रन बहादुर हर्मेलको हिजोआज दिनमा भोक र रातमा निन्द्रा हराएको छ । दुर्गम गाउँ रुममा सडक सञ्जाल विस्तार गर्ने क्रममा उपभोक्ता समितिलाई वित्तीय संस्थाबाट ऋण लिने प्रयोजनका लागि आफ्नो लालपुर्जा दिएका हर्मेल चार वर्षसम्म पनि आफ्नो लालपुर्जा फिर्ता नभएपछि समस्यामा परेका हुन् । मालिका गाउँपालिकाको केन्द्र दरबाङदेखि अधिभारा हुँदै रुम गाउँसम्मको सडक सञ्जाल विस्तार गर्ने क्रममा उपभोक्ता समितिले सहकारीबाट ऋण लिन हर्मेलसहित चार जनाको लालपुर्जा बन्धक राखेको थियो । हर्मेल, चमु पुन, नन्दु पुन र भरत रोका गरी चारजनाको जग्गा धितोमा राखेर उपभोक्ता समितिले दरबाङ बचत तथा ऋण सहकारी संस्थाबाट १० लाख रुपैयाँ ऋण लिएर…

टोकियो: जापानको पश्चिमी क्षेत्रका केही इलाकामा परेको अविरल वर्षाका कारण सोमबार बिहानसम्ममा १०० जनाको मृत्यु भएको जापानी अधिकारीले पुष्टि गरेका छन् । सोमबार बिहानसम्म मृत्यु हुनेको सङ्ख्या १०० पुगेको जापानको राष्ट्रिय टेलिभिजन प्रशारण संस्था, एनएचकेले जनाएको छ । उक्त टेलिभिजनका अनुसार अविरल वर्षा र बाढीको प्रकोप केही दिनदेखि जारी छ । पहिरोमा परी धेरैको ज्यान गएको छ । केही दिन यताको अविरल बाढी र पहिरोका कारण दर्जनौँ व्यक्ति हराइरहेका छन् । सोमबार अधिकारीले दिएको जानकारीअनुसार पहिरोको जोखिममा रहेका स्थानबाट २५ लाखभन्दा बढी व्यक्तिलाई सुरक्षित स्थानमा लगिएको वा सर्न निर्देशन दिइएको बताएका छन् । हराएकाको खोजी तथा उद्धारकार्यमा हजारौँ सेना तथा…

जाजरकोट: जिल्ला प्राविधिक कार्यालय जाजरकोटका निमित्त प्रमुख अञ्जनकुमार देव पक्राउ परेका छन् । सेवाग्राहीबाट ८० हजार घुस लिएको आरोपमा अख्तियार दुरुपयोग अनुसन्धान आयोगको टोलीले रङ्गेहात पक्राउ गरेको हो । उनलाई आज विहान ११ बजे कार्यालयबाट पक्राउ गरिएको प्रमुख जिल्ला अधिकारी ललितकुमार बस्नेतले बताए ।