Author: पहिलोक्लिक

काठमाडौँ: नेपाली सेनाले माथिल्लो त्रिशूली ३ एमा जनशक्ति थपेको छ। नेपाल विद्युत् प्राधिकरणका इलेक्ट्रिकल सुपरभाइजर संजोग केसीसहित सेनाले जनशक्ति थपेर पावर हाउस प्रवेश गरेको हो। दुई जनाको जीवितै सफल उद्धारपछि जनशक्ति थपेर काम थालिएको हो। योसँगै उक्त टोली अहिले पावरहाउसभित्र प्रवेश गरेको बताइएको छ।

काठमाडौँ, १९ भदौ : सूचना तथा सञ्चारमन्त्री डा. विक्रम तिमिल्सिनाले भोटेकोशी बाढीबाट प्रभावित नागरिकको पीडा र संवेदनशील अवस्थालाई समाचारको विषय बनाउँदा मानवीय मर्यादा, गोपनीयता र सुरक्षाको पूर्ण सम्मान गर्न सञ्चारमाध्यम तथा पत्रकारहरूलाई आग्रह गर्नुभएको छ । भोटेकोशी बाढीपछि नुवाकोट र रसुवाका होल्डिङ सेन्टरमा सुत्केरी महिला, बालबालिका, परिवारका सदस्य गुमाएका व्यक्ति तथा अन्य संवेदनशील अवस्थामा रहेका नागरिकहरूले आश्रय लिइरहेको उल्लेख गर्नुहुँदै सञ्चारमन्त्री डा तिमिल्सिनाले उनीहरूको व्यक्तिगत विवरण, तस्वीर तथा भिडियो सार्वजनिक गर्दा विशेष संवेदनशीलता अपनाउन आग्रह गर्नुभएको हो । सञ्चारमन्त्री तिमिल्सिनाले विपद्को वास्तविकता सार्वजनिक गर्नु सञ्चारमाध्यमको महत्वपूर्ण दायित्व भए पनि विपद्बाट प्रभावित व्यक्तिको गोपनीयता, सुरक्षा, आत्मसम्मान र मानसिक संवेदनशीलताको सम्मान गर्नु…

काठमाडौँ: पोखराको फेवातालमा कार खस्दा २ जना भारतीय नागरिकको मृत्यु भएको छ भने २ जनाको उद्धार गरिएको छ। आज (शुक्रबार) बिहान करिब ४:५० बजेतिर फेवाको सिरानतिर रहेको सेदीबाट मुख्य लेकसाइड क्षेत्रमा आउँदै गरेको भारतीय नम्बर बीआर ०५ ६७५९ रहेको कार गैरीचौतारा भन्ने ठाउँमा दुर्घटना भएको कास्की प्रहरीले जनाएको छ। गैरीचौतारानेर घुम्तीबाट कार २० मिटर तल फेवामा खस्दा भारतको बिहार प्रदेशका २६ वर्षका नवदीपकुमार यादव र अर्का अन्दाजी ४०/४५ वर्षका पुरुषको मृत्यु भएको हो। दुर्घटनापछि उद्धारमा खटिएको सशस्त्र प्रहरीको गोताखोर टोलीले तालको २० फिट गहिराइमा दुई जनालाई अचेत अवस्थामा फेला पारेको थियो। जसको मृत्यु भयो। बाँकी २ जना २७ वर्षका अनमोल…

काठमाडौँ: भोटेकोसी-त्रिशूली बाढीका कारण माथिल्लो त्रिशूली-३ ए जलविद्युत् आयोजनाको सुरुङमा थुनिएको दसौँ दिन आज शुक्रबार उद्धार गरिएका मेकानिकल फोरम्यान सञ्जय साहले घटनाका दिन ४५ जनासम्म रहेको बताएका छन्। उद्धारपछि काठमाडौँ ल्याएर अस्पतालमा भर्ना गरिएका साहले संक्षिप्त प्रतिक्रिया दिँदै बाढी आएको दिन ४०-४५ जना रहेको जानकारी दिएका हुन्। ‘म कन्ट्रोल रुममा अपरेटरको काम गर्थेँ। अरू टाइमा ५/६ जना मात्रै हुन्थ्यौँ। यतिबेला ४०/४५ जनै थियौँ’, उनले भने, ‘म कन्ट्रोल रुममा भएपछि सबैको ज्यान बचाउनु मेरो जिम्मेवारी थियो। त्यस्तो दुर्घटना भएपछि म एक्लै भागेर भएन। सबैलाई बचाउनुपर्‍यो। सबैलाई बचाउने क्रममा मैले भनेँ- एक्सिडेन्ट भयो ठुलो ड्याममा। अनि सबैलाई भाग्न भनेँ। त्यसो गर्दाखेरि मेरो…

काठमाडौँ, भदौ १९ गते । त्रिशूली–३ ‘ए’ जलविद्युत् आयोजनाको सुरुङभित्रबाट दुई जनाको जीवित उद्धार गरिएको छ । सांसद श्रीराम न्यौपानेका अनुसार सुरुङभित्रबाट सञ्जय साहको जीवित उद्धार गरिएको हो । यसैगरी, त्रिशूली–३ ‘ए’ सुरुङ भर्खरै अर्को एक जना कबीर महर्जनलाई पनि उद्धार गरिएको खबर प्राप्त भएको सशस्त्र प्रहरीेले जनाएको छ । सञ्जय शाह मेकानिकल फोरम्यान र कबीर महर्जन मेकानिकल सुपरभाइजरका रूपमा कार्यरत हुनुहुन्छ । सुरुङभित्र अरू व्यक्ति पनि रहेको जानकारी प्राप्त भएकाले उनीहरूको खोज तथा उद्धार कार्य जारी रहेको उहाँले जानकारी दिनुभयो । उद्धार टोलीले सुरुङभित्र रहेका अन्य व्यक्तिको खोजी तथा उद्धारका लागि प्रयास गरिरहेको छ । उद्धार गरिएका साहलाई आवश्यक…

यस्ता छन्, मन्त्रिपरिषद्का ७ महत्वपूर्ण निर्णय काठमाडौँ l सरकारले रसुवाको भोटेकोशी बाढीबाट प्रभावित नागरिक, उद्योग–व्यवसाय तथा उद्धारमा खटिएका सुरक्षाकर्मी र राष्ट्रसेवकलाई लक्षित गर्दै राहत तथा पुनरुत्थानका विभिन्न कार्यक्रम घोषणा गरेको छ। बिहीबार बसेको मन्त्रिपरिषद् बैठकले भोटेकोशी बाढीपीडितका लागि एसियाली विकास बैंक (एडीबी) बाट प्राप्त हुने ५ मिलियन अमेरिकी डलर अनुदान स्वीकार गर्ने निर्णय गरेको छ। उक्त रकम बाढी प्रभावितको जीवन रक्षा तथा तत्कालीन आपतकालीन उद्धार र राहत कार्यमा प्रयोग गरिनेछ। सरकारले बाढीबाट प्रभावित व्यक्ति, उद्योग, व्यापार तथा व्यवसायलाई तत्काल सञ्चालनमा ल्याउन एकीकृत व्यावसायिक पुनरुत्थान योजना अघि बढाउने भएको छ। यसअन्तर्गत राहत, कर तथा महसुल छुटलगायत विभिन्न सहुलियत र सुविधा उपलब्ध…

काठमाडौँ l रसुवाको भोटेकोशी नदीमा आएको भीषण बाढीमा ज्यान गुमाएकाहरूको सम्मानमा सरकारले भदौ २२ गते राष्ट्रिय शोक मनाउने निर्णय गरेको छ। बिहीबार सिंहदरबारमा बसेको मन्त्रिपरिषद् बैठकले बाढीबाट ज्यान गुमाएकाहरूको सम्मानस्वरूप घटना भएको १३औँ दिन, सोमबार भदौ २२ गते राष्ट्रिय शोक मनाउने निर्णय गरेको हो। सरकारका प्रवक्ता सस्मित पोखरेलका अनुसार राष्ट्रिय शोकका दिन देशभरका सरकारी कार्यालय तथा विदेशस्थित नेपाली दूतावास र नियोगहरूमा राष्ट्रिय झण्डा आधा झुकाइनेछ। भोटेकोशी बाढीले रसुवामा ठूलो मानवीय तथा भौतिक क्षति पुर्‍याएको छ। बाढीमा ज्यान गुमाएकाहरूको सम्झनामा सरकारले राष्ट्रियस्तरमै शोक मनाउने निर्णय गरेको हो।

काठमाडौँ l साताको बिहीबार सेयर बजार सामान्य अंकले बढेको छ। नेपाल स्टक एक्सचेञ्ज (नेप्से) परिसूचक ४.६६ अंकले बढेर २ हजार ५४२.७७ विन्दुमा पुगेको छ। ठूला कम्पनीको कारोबार मापन गर्ने सेन्सेटिभ परिसूचक ०.३१ अंकले बढेर ४४९.५० विन्दुमा पुगेको छ। त्यस्तै, फ्लोट परिसूचक ०.१५ अंकले बढेर १७४.३५ र सेन्सेटिभ फ्लोट परिसूचक ०.१२ अंकले बढेर १५१.७३ विन्दुमा पुगेको छ। आज विभिन्न कम्पनीका १ करोड २१ लाख ६३ हजार ७६३ कित्ता सेयर किनबेच हुँदा कुल ३ अर्ब ४६ करोड ५२ लाख रुपैयाँभन्दा बढीको कारोबार भएको छ। कारोबारमा १३ उपसमूहमध्ये ९ उपसमूहको सूचक बढेको छ भने ४ उपसमूह घटेका छन्। कुल १४५ कम्पनीको सेयर मूल्य…

काठमाडौँ l रसुवाको भोटेकोशीमा विनाशकारी बाढी आएको नवौँ दिन नेपाली सेनाका प्रधानसेनापति महारथी अशोक राज सिग्देलले बाढी प्रभावित क्षेत्रको स्थलगत निरीक्षण भ्रमण गरेका छन्। प्रधानसेनापति सिग्देलले बिहीबार त्रिशूली नदी आसपास तथा टनेललगायत क्षेत्रमा नेपाली सेना र अन्य सम्बद्ध निकायले सञ्चालन गरिरहेको खोज तथा उद्धार कार्यको स्थलगत अवलोकन गरेका हुन्। निरीक्षणका क्रममा उनले खोज तथा उद्धारमा खटिएका नेपाली सेनाका सकलदर्जासँग जानकारी लिँदै सबै सरोकारवाला निकायबीच प्रभावकारी समन्वय र सहकार्य कायम गरी उच्च मनोबलका साथ उद्धार कार्यलाई निरन्तरता दिन निर्देशन दिएका छन्। यसैबीच, भोटेकोशी बाढीबाट प्रभावित क्षेत्रमा नेपाली सेनाले खोज तथा उद्धार कार्यलाई निरन्तरता दिएको छ। सेनाका अनुसार बिहीबार बिहान ११ बजेसम्म…

काठमाडौँ । पृथ्वी राजमार्गअन्तर्गत कृष्णभीरमा गएको पहिरो पन्छाउने कार्यलाई तीव्रता दिइएको छ। सडक सञ्चालनलाई प्राथमिकतामा राख्दै पहिरो हटाउने काम अगाडि बढाइएको भौतिक पूर्वाधार तथा यातायात मन्त्रालयले जनाएको छ। मन्त्रालयका अनुसार पहिरो गएको स्थानको दुवै छेउबाट १८ जना जनशक्ति परिचालन गरी रुख कटानको काम भइरहेको छ। पहिरो पन्छाउन आवश्यक निर्माण उपकरणसमेत दुवै छेउमा तयारी अवस्थामा राखिएको छ। रुख कटानको काम सम्पन्न हुनासाथ आवश्यक उपकरण परिचालन गरी पहिरो पन्छाउने कार्य सुरु गरिने मन्त्रालयले जनाएको छ। सडक सञ्चालनलाई प्राथमिकतामा राख्दै पहिरो हटाउने काम तीव्र गतिमा अघि बढाइएको मन्त्रालयले जनाएको छ।