Author: पहिलोक्लिक

पहिलो क्लिक डटकम आम सरोकारका विषयलाई प्राथमिकता दिने नेपालको अनलाइन न्यूज पोर्टल हो ।

काठमाडौँ: काठमाडौँको ‘कोर–सिटी’ मा अवस्थित क्षत्रपाटी निःशुल्क चिकित्सालयको नवनिर्मित भवनमा लिफ्ट जडानका लागि काठमाडौँ महानगरपालिकाले तीस लाख रुपैयाँ अनुदान दिएको छ । २०१३ सालमा स्थापना भई ‘कोर–सिटी’ का नागरिकलाई निरन्तर स्वास्थ्य सेवा प्रवाह गर्दै आएको सो चिकित्सालयलाई काठमाडौँ महानगरपालिकाका प्रमुख विद्यासुन्दर शाक्यको उपस्थितिमा उक्त रकम सहयोग गर्ने सम्झौतापत्रमा हस्ताक्षर भएको हो । काठमाडौँ महानगरपालिकाका सहरी पूर्वाधार विकास विभागका प्रमुख रामबहादुर थापा र चिकित्सालयका तर्फबाट डाक्टर अध्यक्ष मनोजमान श्रेष्ठले सो सम्झौतापत्रमा हस्ताक्षर गरे। सम्झौतापत्रमा हस्ताक्षरपछि सम्वोधन गर्दै काठमाडौँ महानगरपालिकाले स्वास्थ्य सेवाका क्षेत्रमा निरन्तर सहयोग गर्दै आएको भन्दै प्रमुख शाक्यले ‘कोर–सिटी’ का करीब तीन सय नागरिकलाई दैनिक सेवा प्रवाह गर्दै आएको…

Read More

काठमाडौँ: सत्तारुढ नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डसहितका शीर्ष नेताले प्रधानमन्त्रीसमेत रहेका पार्टी अध्यक्ष केपी शर्मा ओलीलाई बैठक बोलाउन माग गर्दै लिखित पत्र बुझाएका छन् । दुई पृष्ठ लामो लिखित पत्रमा सकेसम्म चाँडो पार्टी कमिटीका बैठक बोलाउन माग गरिएको प्रधानमन्त्रीका प्रेस संयोजक सूर्य थापाले जानकारी दिए । थापाका अनुसार प्रचण्ड नेतृत्वको टोलीले दुई पृष्ठ लामो पत्र बुझाएर बैठकको माग गरेको छ । प्रधानमन्त्री ओलीले सल्लाह गरेर बैठक बोलाउने बताएको पनि थापाले जानकारी दिए । ओलीको भनाई उदृत गर्दै थापाले भने, ‘प्रधानमन्त्री ज्यूले सल्लाह गरेर बैठक बोलाउने भन्नु भएको छ । पार्टीका सबै कमिटीहरुको बैठक बस्नुपर्छ । बैठककै…

Read More

काठमाडौँ: मंसिर २ गतेदेखि खुलामञ्चलगायत काठमाडौंका कुनै पनि सार्वजनिक स्थलबाट भोजन सेवा (निःशुल्क भोजन) नगराउने सहमति भएको छ। खुला क्षेत्रबाट सञ्चालन हुँदै आएको निःशुल्क भोजन व्यवस्थापन गर्ने विषयमा शुक्रबार काठमाडौं महानगर र निःशुल्क भोजन व्यवस्थापन गराउँदै आएका पक्षबीच भएको छलफलपछि यस्तो सहमति भएको हो। उक्त छलफल निःशुल्क भोजन व्यवस्थापन गर्दै आएका हाम्रो टिम नेपाल, मानवी क्रियसन एसोसिएसन, लायन्स क्लब अफ काठमाडौं, न्यू ग्रिन सिटी, सेभ्स एसोसिएसन अफ नेपाल, हाम्रो सानो प्रयास, गसिब क्वीन नेपाल हन्ड्रेड ग्रुप, भक्त वी. वी. फर ह्युमानिटीलगायत संघसंस्थाका प्रतिनिधिहरू सहभागी थिए। यसैगरी महानगरका निर्देशकहरू हरिबहादुर कुँवर, बसन्त आचार्य तथा नगर प्रहरी नायब उपरीक्षक राजु पाण्डे…

Read More

काठमाडौ: भूकम्प पीडितले २०७७ पुस १५ गतेसम्म पहिलो किस्ता रकम लिन पाउनेगरि राष्ट्रिय पुनर्निर्माण प्राधिकरणले अन्तिम समयसीमा तय गरेको छ। प्राधिकरणले मंसिर मसान्तसम्म सम्झौता गरेर पुस १५ गतेसम्म पहिलो किस्ता लिनुपर्ने अन्तिम समयसीमा तय गरेको छ।प्राधिकरणले हालसम्म कायम भएका पुनर्निर्माण तथा प्रवलीकरण लाभग्राहीहरुले २०७७ मंसिर मसान्तसम्म अनुदान सम्झौता गर्नुपर्ने पनि निर्णय गरेको छ । त्यसैगरि, पहिलो किस्ता लिइसकेका सबै पुनर्निर्माण लाभग्राहीहरुले घर निर्माण सुरु गरी दोस्रो किस्ता लिनका लागि २०७७ माघ मसान्तसम्ममा सम्बन्धित स्थानीय तहमा प्रमाणीकरणका लागि निवेदन दिनुपर्ने पनि निर्णय गरेको छ। सम्पूर्ण पुनर्निर्माण तथा प्रवलीकरणको अन्तिम किस्ता लिनका लागि २०७८ वैशाखसम्मको समय तोकिएको छ। प्राधिकरणका सह–प्रवक्ता मनोहर…

Read More

काठमाडौँ: नेपाल कम्युनिष्ट पार्टी (नेकपा)का वरिष्ठ नेता तथा सचिवालय सदस्य माधवकुमार नेपालले नेकपालाई कसैले विभाजन गर्न नसक्ने बताएका छन्। शुक्रबार धुम्बाराहीमा भएको अनौपचारिक बैठकपछि बोल्दै उनले नेकपालाई कसैले फुटाउन नसक्ने दाबी गरेका हुन्। ‘नेकपालाई कसैले फुटाउन सक्दैन। यो कमजोर जगमा सुरू भएको पार्टी होइन’, उनले भने,‘सबैले अत्यन्त ठूलो त्याग र बलिदान गरेर यो पार्टी निर्माण गरिएको हो। कुनै एक व्यक्तिले चाहँदैमा पार्टी फुट्न सक्दैन।’ पछिल्लो समय नेकपामा अध्यक्षद्वयबीच विवाद चुलिँदै गएको छ। नेकपामा कर्णाली विवाद, प्रधानमन्त्रीले भारतीय रअ प्रमुखसँग भेटेकोबारे विवाद छ। यसबारे छलफल गर्न प्रचण्डले सचिवालय बैठक बोलाउन माग गर्दै आइरहेका छन्। तर प्रधानमन्त्री ओलीले भने टार्दै गएका…

Read More

काठमाडौँ: पूर्वमन्त्री गोकुल बाँस्कोटाले देशलाई सङ्घीयता आवश्यक नै नभएको बताएका छन् । उनले केवल द्वन्द्व व्यवस्थापनका लागि सङ्घीयता मान्नु परेको जिकिर गरेका छन् । सरकारले मन्त्रिपरिषद्बाट देशको नाम ‘सङ्घीय लोकतान्तिक गणतन्त्र नेपाल’ नलेख्ने निर्णय गरेपछि यतिबेला उक्त निर्णयको विरोध भइरहेको छ । सोही पृष्ठिभूमिमा उनले सो कुरा बताएका हुन् । गत कार्तिक ११ असोजको मन्त्रिपरिषद् बैठकबाट ‘सङ्घीय लोकतान्त्रिक गणतन्त्र नेपाल’ नलेख्ने निर्णय भएको थियो । सोही निर्णयअनुसार कानुन, न्याय तथा संसदीय मामिला मन्त्रालयद्वारा ‘सङ्घीय लोकतान्त्रिक गणतन्त्र नेपाल’ नलेख्न मातहत निकायमा परिपत्र जारी गरेको थियो । सामाजिक सञ्जालमा उनले लेखेका छन्, ‘सङ्घीय गणतन्त्र राजनीतिक व्यवस्था अनि नेपाल देशको नाम।यस्मा चै के…

Read More

बाँके: बाँकेमा एकैदिन चार कोरोना सङ्क्रमितको मृत्यु भएको छ । मृतक दाङका दुई तथा कैलाली र बाँकेका एक जना छन् । श्वास प्रश्वास समस्या भएपछि भेरी अस्पताल नेपालगञ्जमा भर्ना भएका बाँकेको राप्तीसोनारी-८ का ४८ वर्षीय पुरुषको शुक्रवार साँझ ५:२० बजे मृत्यु भएको बाँकेका कोरोना फोकल पर्सन नरेश श्रेष्ठले जानकारी दिए । यस्तै कैलालीको टीकापुर नगरपालिका वडा-१ की ५६ वर्षकी महिलाको शिक्षण अस्पताल कोहलपुरमै दिउँसो २:४५ बजे मृत्यु भएको श्रेष्ठले बताए । यस्तै तुल्सीपुर उपमहानगरपालिका-१० दाङकी २० वर्षकी महिलाको दिउँसो ३:२० बजे र तुल्सीपुर उपमहानगरपालिका- ५ दाङका ७६ वर्षका पुरुषको साँझ ६:४० बजे कोहलपुरमै उपचारकै क्रममा मृत्यु भएको श्रेष्ठले जानकारी दिए…

Read More

काठमाडौँ: सत्तारूढ नेपाल कम्युनिष्ट पार्टी नेकपाका कार्यकारी अध्यक्षसहित पाँच जना सचिवालय सदस्य शुक्रबार धुम्बाराहीमा बैठक बसे। अध्यक्ष प्रचण्डले बोलाएको उक्त बैठकमा अर्का अध्यक्षसमेत रहेका प्रधानमन्त्री केपी शर्मा ओली र उनीनिकट सचिवालय सदस्यहरू सहभागी भएनन्। झलनाथ खनाल, माधव नेपाल, उपाध्यक्ष वामदेव गौतम, नारायणकाजी श्रेष्ठ सहभागी अनौपचारिक बैठकमा प्रचण्डले अर्का अध्यक्ष ओलीसँग भएको छलफलबारे ब्रिफिङ गरेका थिए। ‘औपचारिक बैठक बस्नुभयो भने त्यो नै फुटको घोषणाको बिन्दु हुनेछ भनेर प्रधानमन्त्री ओलीले भन्नु भएको अध्यक्ष प्रचण्डले बैठकमा जानकारी गराउनुभयो,’ बैठकपछि प्रवक्तासमेत रहेका सचिवालय सदस्य नारायणकाजी श्रेष्ठले पत्रकारहरूसँग भने। अध्यक्षद्वय ओली र प्रचण्डबीच बिहीबार बालुवाटारमा छलफल भएको थियो। उक्त छलफलमा सचिवालय बैठक राख्न प्रचण्डले गरेको…

Read More

काठमाडौं: सत्तारुढ दल नेपाल कम्युनिष्ट पार्टी (नेकपा) सचिवालयको अनौपचारिक बैठक सकिएको छ । पार्टी केन्द्रीय कार्यालय धुम्बराहीमा बसेको बैठकले अर्का अध्यक्ष केपी शर्मा ओलीलाई तत्काल औपचारिक रुपमा सचिवालय बैठक राख्न आग्रह गर्ने निर्णय गरेको छ । बैठकले पार्टीभित्र देखिएका समस्यालाई बैठकबाटै समाधान गर्नुपर्नेमा जोड दिँदै त्यसका लागि तत्काल सचिवालय बैठक डाक्न अर्का अध्यक्ष ओलीसँग आग्रह गर्ने निर्णय गरेको हो । त्यसका लागि शनिबार (भोलि) बिहान अध्यक्ष ओलीलाई भेट्न अध्यक्ष प्रचण्डसहितको टोली बालुवाटार जाने पार्टी प्रवक्ता नारायणकाजी श्रेष्ठले जानकारी दिए । ओलीलाई भेट्न आज बैठकमा उपस्थित पाँचैजना पदाधिकारी जाने निर्णय भएको उनले बताए । प्रवक्ता श्रेष्ठले आजको बैठक पनि अध्यक्ष…

Read More

काठमाडौँ: रक्षामन्त्रीको जिम्मेवारी समेत सम्हालेका प्रधानमन्त्री केपी शर्मा ओलीसँग भारतीय सेनाका सेनाध्यक्ष मनोज मुकुन्द नरवणेले भेट गरेका छन्। शुक्रबार बालुवाटारस्थित प्रधानमन्त्री निवासमा प्रधानमन्त्री ओली र सेनाध्यक्ष नरवणेबीच भेट भएको हो। प्रधानमन्त्रीका प्रेस सल्लाहकार सूर्य थापाका अनुसार दुई जनाबीच शिष्टाचार भेट भएको हो। सेनाध्यक्ष नरवणे बुधबार नेपाल आइपुगेका हुन्। नेपाली सेनाको मानार्थ महारथी ग्रहण गर्न उनी नेपाल आएका हुन्। बिहीबार राष्ट्रपति विद्यादेवी भण्डारीले उनलाई नेपाली सेनाको मानार्थ महारथीको पदवी दिएकी थिइन्। उनी आजै स्वदेश फर्कने कार्यक्रम छ।

Read More