Author: पहिलोक्लिक

काठमाडौँ: कृषि विकास बैंकले ईन्टरनेट र मोबाइल बैंकिग सेवा प्रयाेग गर्ने ग्राहकहरुलाई डिजिटल भुक्तानीमा सघाउन खल्ती डिजिटल वालेटसँग सम्झौता गरेको छ । कृषि विकास बैंकका प्रमुख वित्त अधिकृत यज्ञप्रकाश न्यौपाने  र खल्तीका निर्देशक  अमित अग्रवालले बैंककाे मुख्य कार्यालयमा यस सम्बन्धी सम्झौतामा हस्ताक्षर गरेका हुन् । खल्तीसँगकाे सम्झाैतापछि कृषि विकास बैंकका ग्राहकहरूले बैंकको मोबाइल बैंकिग र इन्टरनेट बैंकिक सेवा प्रयोग गरेर उनीहरूको खल्ती वालेटमा रकम लोड गर्न सक्नेछन् । खल्तीमा लाेड गरिएकाे रकमबाट खल्तीको प्लेटफर्ममा रहेका सबै प्रकारका डिजिटल भुक्तान सेवा उपयाेग गर्न सक्नेछन् । यस साझेदारीले नेपालमा डिजिटल भुक्तानीको अवधारणामा अझ बढी सहयोग पुर्याउने अपेक्षा कृषि विकास बैंकले गरेकाे छ…

काठमाडौं : काठमाडौं उपत्यकामा पछिल्लो २४ घण्टामा थप २३८८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौंमा २००८, भक्तपुरमा ९९ र ललितपुरमा २८१ गरी जम्मा २३८८ जना संक्रमित थपिएका छन् । यसअघि आइतबार ९हिजो० काठमाडौंमा १४६९, भक्तपुरमा ९९ र ललितपुरमा १३० गरी जम्मा १६९८ जनामा कोरोना भाइरसको संक्रमण पुष्टि भएको थियो ।

काठमाडौं : नेपालमा पछिल्लो २४ घण्टामा थप ३७९० जनामा कोरोना भाइरसको संक्रमण पुष्टि भएको छ । योसँगै कोरोना संक्रमितको संख्या १ लाख ३६ हजार ३६ पुगेको छ । स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले सोमबार नियमित लाइभ अपडेटमा उक्त जानकारी दिएका हुन् । मन्त्रालयका अनुसार नेपालमा हालसम्म सक्रिय कोरोना संक्रमितको संख्या ४० हजार ७७८रहेको छ । पछिल्लो २४ घण्टामा थप २३३५ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म ४० हजार ७७८ पुगेको छ । उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको…

काठमाडौं : अमेरिकाका लागि प्रस्तावित आवासीय राजदूत डा युवराज खतिवडाविरुद्ध संसदीय सुनुवाइ समितिमा तीनवटा उजुरी परेका छन्। समितिले प्रस्तावित राजदूतहरुविरुद्ध परेका उजुरी आज सोमबार खोल्दा उनी विरुद्ध तीन उजुरी परेका हुन्। यस्तै सोही समितिमा बेलायतका लागि आवासीय राजदूतमा सिफारिस भएका लोकदर्शन रेग्मीविरुद्ध भने एक उजुरी परेको समितिले जानकारी दिएको छ। उजुरी खोलिएसँगै पत्रकारहरुसँग कुरा गर्दै समिति सभापति लक्ष्मणलाल कर्णले गम्भीर प्रकृतिका चार वटा उजुरी परेको बताए। समितिले असोज २१ गते १० दिनको म्याद दिएर सार्वजनिक उजुरी आह्वान गरेको थियो। सभापति कर्णले प्रस्तावित राजदूतविरुद्ध परेको उजुरीमा उजुरीकर्ताको नाम उल्लेख भएको तर सम्पर्क नम्बर उल्लेख नभएकाले कात्तिक १७ गतेका…

काठमाडौं : नेपाल कम्युनिस्ट पार्टी (नेकपा)का सांसदले पनि दशैं तिहारको भत्ता फिर्ता गर्ने निर्णय गरेका छन । राष्ट्रिय सभा र प्रतिनिधि सभाका सांसदहरुको छलफलपछि पार्टी दलका नेता एवं प्रधानमन्त्री केपी शर्मा ओलीले दसैँ तिहारको भत्ता नलिने निर्णय गरेको दलका उपनेता सुवासचन्द्र नेम्वाङले बताए। ‘सधैंजसो सांसदलाई दसैँ तिहारको भत्ता स्वरुप एक महिनाको तलब आउँछ’ नेम्वाङले भने, ‘अहिले कोरोना माहामारी भएकाले भत्ता नलिने सबै नेकपाका सांसदको भत्ता कोरोना नियन्त्रण कोषमा जम्मा गर्ने निर्णय भयो।’ कोरोनाले सबै जनता त्रसित भएकाले सबै नेकपा सांसदले सादा सामान्य दसैँ मनाउने निर्णय भएको नेम्वाङले बताए। राष्ट्रिय सभामा नेकपाका ४६ जना र प्रतिनिधि सभामा…

काठमाडौं : भौतिक योजना तथा यातायात मन्त्री वसन्तकुमार नेम्वाङ कोरोना संक्रमित भएका छन्। उनले ट्विट गर्दै आज सोमबार पीसीआर परीक्षणको नतिजा पोजिटिभ आएको बताएका छन्। मन्त्री नेम्वाङले आफूसँग सम्पर्कमा आएका सबैलाई आफ्नो स्वास्थ्यमा ख्याल राख्न आग्रह गरेका छन्। कोरोना संक्रमित हुने नेम्वाङ तेस्रो मन्त्री हुन्। यसअघि पर्यटनमन्त्री योगेश भट्टराई र शिक्षामन्त्री गिरिराजमणि पोखरेललाई पनि संक्रमण भएको थियो।

काठमाडौं : प्रमुख प्रतिपक्षी दल नेपाली कांग्रेसले संघीय संसदमा प्रतिनिधित्व गर्ने पार्टीका सबै सांसदहरुलाई दशैँ भत्ता फिर्ता गर्न निर्देशन दिएको छ। संसदीय दलका नेतासमेत रहेका सभापति शेरबहादुर देउवाले सोमबार सांसदहरुलाई भत्ता फिर्ता गर्न निर्देशन दिएका हुन्। पार्टी सभापतिले संसदीय दललाई पनि भत्ता फिर्ता गर्न निर्देशन दिएको कांग्रेस संसदीय दलका प्रमुख सचेतक बालकृष्ण खाँणले जानकारी दिए । सांसदहरु सबै काठमाडौंमा उपलब्ध नभएका कारण बैठक राख्न सम्भव नसकिएकाले दलको नेताका हैसियतले देउवाले दशैँ भत्ता फिर्ता गर्न निर्देशन दिएको खाँणले जानकारी दिए । जनता भोकभोकै भएको अवस्थामा सांसदहरुले भत्ता लिनु उपयुक्त नहुने भएर यस्तो निर्देशन दिएको उनले बताए। यसअघि सांसद खाँण, प्रकाशमान सिंह…

काठमाडौं: बजारभन्दा सस्तोमा किन्न पाइने भएपछि सरकारी कम्पनी खाद्य व्यवस्था तथा व्यापार कम्पनीको थापाथली बिक्री केन्द्रमा खसीबोका किन्नेको भीड लागेको छ। कम्पनीले आजदेखि खसीबोका बिक्री गरिरहेको छ। बजारको भन्दा एक सय रुपैयाँ सस्तो मूल्यमा पाउने भएपछि बिहानैदेखि बिक्री केन्द्रमा उपभोक्ताको भीड लागेको हो। धेरै भीड भएपछि कर्मचारीलाई व्यवस्थापनमै समस्या परेको छ। रानीबनबाट खसी किन्न पुगेका प्रमोद खत्री खसी नकिनि खाली हात फर्किएका छन् । खत्रीले भने, “खाद्यले बिहान ८:०० बजेबाट खसी बिक्री गर्ने समाचार थाहा पाएपछि हतार हतार थापाथली पुगे पनि खसी नकिनी रित्तै फर्किनु पर्यो।” बिहान ८ बजेपुग्दा उपभोक्ताहरुको पहिलेदेखि नै भीड भएको र सबैले खसी…

काठमाडौं : नेपाल कम्युनिष्ट पार्टी नेकपा० का सांसद गोकर्ण बिष्टले दशैभत्ता फिर्ता गरेका छन्। उनले संसद सचिवालयलाई पत्र लेख्दै दशैं खर्चको नाममा दिन लागिएको सुविधावापतको रकम थोरै भएपनि सर्वसाधारण जनताको उपचार र राहतमा सहयोग पुगोस् भन्ने भावनाले सोही पत्रसाथ संसद सचिवालयको चेकमार्फत् फिर्ता गरेको जनाएका हुन्। आम नागरिकले चरम पीडा भोगिरहेको र देशमा गम्भीर संकट थपिँदै गएको अवस्थामा सांसदको हैसियतमा दशैं खर्चको नाममा सुविधा लिने कुरा सामाजिक हिसाबले उपयुक्त नहुने उनको भनाइ छ।

काठमाडौं : नेपाली कांग्रेसले दसैंभत्ता फिर्ता गर्ने निर्णय गरेको छ। दशैंभत्ताको चौतर्फी विरोध भएपछि त्यसलाई फिर्ताको औपचारिक निर्णय गर्न पार्टी सभापति शेरबहादुर देउवाले प्रमुख सचेतक बालकृष्ण खाँडलाई निर्देशन दिएको सचेतक पुष्पा भुसालले जानकारी गराइन्। संसदीय दलले निर्णय गरेर सबैको भत्ता फिर्ता गर्न सांसदहरुबाट नै आवाज उठेको थियो। सांसदट्ठय प्रकाशमान सिंह र डिला संग्रौलाले संसदीय दलबाट औपचारिक रूपमा निर्णय गर्न सुझाएका थिए। प्रमुख सचेतक खाँड, सांसदहरु प्रकाशमान सिंह र गगन थापाले दशैं भत्ता फिर्ता गर्ने जनाईसकेका छन्। प्रतिनिधि सभामा कांग्रेसका ६३ सांसद छन्। दसैं भत्तावापत संसद सचिवालयले प्रतिसांसद ६४ हजार ७० रुपैयाँ बैंक खातामा पठाइसकेको थियो।