Author: पहिलोक्लिक

काठमाडौं : नेकपाले पार्टी एकीकरणको वर्ष दिनपछि जनवर्गीय संगठनको एकता टुंग्याएको छ। सचिवालयको बिहीबारको बैठकले जनवर्गीय संगठनको नाम र नेतृत्व टुंग्याएको हो। नेकपाले मदन–आश्रित स्मृति दिवस तथा पार्टी एकताको एक वर्षका अवसरमा मदननगर बल्खुमा शुक्रबार विशेष कार्यक्रम राखेको छ। सोही कार्यक्रममा जनसंगठनको एकता घोषणा गर्ने तयारी छ। नेकपामा २३ जनवर्गीय संगठन हुनेछन्। तीमध्ये १५ तत्कालीन एमाले र ८ तत्कालीन माओवादीको भागमा परेको छ। तत्कालीन एमालेले विद्यार्थी, मजदुर, बुद्धिजीवी, पेसागत, जनसांस्कृतिक महासंघ लगायतको नेतृत्व लिएको छ। तत्कालीन माओवादीले युवा, महिला, पत्रकार, दलित, जनजाति लगायतको नेतृत्व पाएको छ। सचिवालय बैठकले जनवर्गीय संगठनको भागबन्डा लगाएर नेतृत्व चयन गरेको वरिष्ठ…

काठमाडौं: राष्ट्रिय ललितकला प्रदर्शनी सुरु भएको छ। नेपाल आर्ट काउन्सिल, बबरमहलमा बिहीबार उपप्रधान तथा रक्षामन्त्री ईश्वर पोखरेलले प्रदर्शनी उद्घाटन गरेका हुन्। प्रदर्शनीमा नेपालभरबाट विभिन्न कलाकृति एकै स्थानमा संकलन गरिएको छ। यहाँ चार सय ६७ कलाकारका चित्रकला, मूर्तिकला, लोककला, हस्तकला तथा अन्य सिर्जनात्मक कलालगायत विभिन्न विधाका पाँच सय २९ कलाकृति र वरिष्ठ कलाकारका अप्रतियोगी कलाकृतिसमेत समेटिएको छ। प्रदर्शनीमा विधागत रूपमा आधुनिक, परम्परागत चित्रकला, मूर्तिकला समावेश छ। परम्परागत मूर्तिकलाभित्र लोककला र हस्तकला समावेश छन्। अन्यमा कलाफोटोग्राफी, भिडियो कला, कार्टुन र डिजिटल कलासमेत छन्। राष्ट्रिय ललितकला प्रदर्शनीका अवसरमा आर्ट टक, डिमोन्स्ट्रेसन, पुस्तक प्रदर्शनी र ख्यातिप्राप्त कलाकारसँग अन्तक्र्रिया आयोजना गरिने छ। …

काठमाडौँ: सूचना तथा प्रविधि विधेयकमाथि संसदको विकास तथा प्रविधि समिति छलफल शुरु भएको छ । फेसबुक, ट्विटर लगाएतका सामाजिक सञ्जाल नेपालमा दर्ता नगरी सञ्चालन हुने नदिने लगाएतका विवादित विषयसहित सरकारले संसदमा पेश गरेको विधेयकमाथि समितिमा दफावार छलफल शुरु भएको हो । विधेयकका विभिन्न १२ वटा दफा प्रेस स्वतन्तत्राविरोधी रहेको भन्दै कांग्रेसका १४ जना सांसदहरुले संशोधन प्रस्ताव दर्ता गरेका छन् । छलफलमा उनीहरुले आफ्नो संशोधनका बारेमा धारणा राख्नेछन् । कांग्रेस सांसदहरु गगन थापा, पुष्पा भुसाल लगाएतले विधेयकको दफा ९४ मा कुनै व्यक्तिलाई जिस्क्याउने, झुक्याउने, होच्याउने, हतोत्साही गने, हप्काउने, घृणा तथा द्वेष उत्पन्न गराउनेगरी सामाजिक सञ्जालमा पोष्ट गर्न नहुने…

काठमाडौँ: संसदको राज्य व्यवस्था समितिको आजको बैठकमा पत्रकार प्रवेशमा निषेध गरिएको छ । पटक पटक पत्रकारलाई प्रवेश निषेध गर्दै आएको समितिमा संघीय निजामती विधेयकमाथि छलफल चलिरहेको छ । तर पत्रकार प्रवेशमा भने रोक लगाइएको छ । समितिमा सामान्य प्रशासनमन्त्री लालबाबु पण्डित उपस्थित भएका थिए । समितिमा यसअघि सुरक्षा व्यवस्थाका विषयमा प्रहरी महानिरीक्षकसहित गृहमन्त्रीलाईसमेत बोलाइएको लगाएतका कैयौँ बैठकमा पत्रकार प्रवेशमा रोक लगाउँदै आइएको थियो ।

काठमाडौँ: नेपाल राष्ट्र बैंकले बोलकबोलमार्फत आठ अर्ब रुपैयाँको विकास ऋणपत्र २०८५ ‘ग’ जारी गर्दै छ। राष्ट्र बैंकले नौ वर्ष अवधिको ऋणपत्र जारी गर्नलागेको राष्ट्र ऋण व्यवस्थापन विभाग थापाथलीले जनाएको छ। बोलकबोल प्रक्रियाद्वारा निष्काशन गरिनलागेको ऋणपत्र खरिद गर्न बैंक तथा वित्तीय संस्था, गैर—बैंक वित्तीय संस्था, बीमा कम्पनी, संगठित संस्था तथा नेपाली नागरिकले समेत सक्नेछन्। यसको ब्याज दर बोलकबोलको माध्यमबाट निर्धारण हुनेछ। त्यस्तै यसलाई धितोकोरुपमा समेत प्रयोग गर्न पाइने तथा कर्जा लिन र दिन पाइनेछ। ऋणपत्रको बोलकबोल आज अपराह्न ३ बजे हुनेछ भने निष्काशन आगामी ३ गते हुनेछ। यसको सावाँ भुक्तानी सन् २०८५ जेठ ३ गते मात्र हुनेछ।…

काठमाडौँ: सरकारले डिजिटल नेपाल (स्मार्ट नेपाल) को अवधारणा अघि सारेको बेला सरकारी निकायका दुई सय वेबसाइट ह्याक (डिफेसेज) भएको सूचना प्रविधिका विज्ञहरुले बताएका छन् । यो समाचार आजको नागरिक दैनिकमा छ । विज्ञका अनुसार डिजिटल नेपाल हुनका लागि पूर्वाधार तयार भइसकेको छैन । बुधबार ‘सुबिसु कन्क्लेभ २०१९’ मा विज्ञहरुले नेपाललाई थप स्मार्ट बनाउन अझै केही समय लाग्ने दाबी गरे । कार्यक्रममा भैरव टेक्नोलोजीका सिइओ सरोज लामिछानेले हाल नेपालकै सरकारी वेबसाइटहरु सुरक्षित नभएको दाबी गरे ।

काठमाडौँ: अबको करिब तीनवर्षभित्र सिंहदरबार परिसरमा सरकारको आफ्नै संसद् भवन निर्माण गर्ने गरी डिजाइनलाई अन्तिम रुप दिने काम भइरहेको छ । बानेश्वरस्थित अन्तर्राष्ट्रिय सम्मेलन केन्द्रमा २०६५ सालदेखि भाडा तिरेर संसद् सञ्चालन हुँदैआएको छ । सहरी विकास मन्त्रालयका सहसचिव तथा प्रवक्ता कृष्णप्रसाद दवाडीले सिंहदरबारमा निर्माण हुने प्रस्तावित संसद भवन परिसरको डिजाइनलाई अन्तिम रुप दिने कार्य भइरहेको जानकारी दिए । प्रवक्ता दवाडीका अनुसार, २०७८ सालको असारसम्म संसद् परिसर निर्माण गरिसक्ने लक्ष्य रहेको छ । निर्धारित समयमा निर्माण कार्य सम्पन्न हुन नसकेको अवस्थामा बढीमा ६ महिनाको समयावधि थप गरिने छ । अन्तर्राष्ट्रिय स्तरको यो भवन परिसर नेपालको अहिलेसम्मकै अत्याधुनिक र बलियो…

काठमाडौँ: एकताको झन्डै एक वर्ष पुगिसक्दा पनि वैचारिक दिशा तय गर्न नसकेको भन्दै नेकपाभित्र विवाद बढेको छ । यो समाचार आजको कान्तिपुर दैनिकमा छ । नेताहरुबीचको विवाद बुधबार सार्वजनिक मञ्चबाटै छताछुल्ल भएको छ । आउँदो शुक्रबार एकता दिबस मनाउने तयारीमा रहेको नेकपाका अध्यक्ष पुष्पकमल दाहाल र सचिवालय सदस्य ईश्वर पोखरेलबीच बुधबार युवासंघको मञ्चमा चलेको घोचपेचले आन्तरिक विवादलाई सतहमा ल्याइदिएको छ । नारायणकाजी श्रेष्ठ, घनश्याम भुसाललगायतले पार्टीको कार्यशैली र वैचारिक कार्यदिशामाथि यसअघि नै पटकपटक प्रश्न उठाएका थिए ।

काठमाडौं: सरकारले देशभरका संस्थागत नाममा दर्ता भएका सम्पूर्ण जग्गाको किनबेचमा रोक लगााएको छ । बुधबार गृह मन्त्रालयले देशभरका जिल्ला प्रशासन कार्यालयलाई परिपत्र गरी जग्गा रोक्का राख्न निर्देशन दिएको हो । गृह मन्त्रालयका प्रवक्ता रामकृष्ण सुवेदीका अनुसार देशभर रहेका सरकारी, सार्वजनिक तथा गुठी जग्गामाथि अतिक्रमण बढेको, जग्गाको दुरुपयोग भएको तथा यस्ता जग्गाको अवस्थाबारे जानकारी नरहेको पाइएपछि छानबिनका लागि जग्गा रोक्का राख्ने निर्णय गरिएको हो । राजधानी दैनिकमा खबर छापिएको छ ।

काठमाडौं: स्थानीय तहमा रिक्त १३ हजारभन्दा बढी पदमा नयाँ कर्मचारी भर्ना खुलाउनेसम्बन्धी बाधा अड्काउ फुकाउ प्रस्ताव मन्त्रिपरिषद्मा पुगेको छ । लोकसेवा आयोगले स्थानीय तहमा रिक्त पदपूर्तिका लागि केही कानुनी समस्या परेकाले त्यस्तो कानुनी जटिलता फुकाइदिन परामर्शसहितको पत्र सरकारसमक्ष पठाएको हो । संघीय मामिला तथा सामान्य प्रशासन मन्त्रालयले लोकसेवाको सो प्रस्ताव बुधबार मन्त्रिपरिषद्मा पठाएको छ । प्रधानमन्त्री तथा मन्त्रिपरिषद् कार्यालयका अनुसार सम्भवतः अब बस्ने मन्त्रिपरिषद् बैठकबाट लोकसेवाको बधा अड्काउ फुकाउ प्रस्ताव पारित हुनेछ र त्यसलगत्तै लोकसेवा आयोगले झनडै १३ हजार पदमा विज्ञापन गर्नेछ । लोकसेवा आयोगले ती पदमा भर्ना खुलाउनेसम्ब्न्धी गृहकार्यलाई तीव्र पारेको छ । राजधानी दैनिकमा…