Author: पहिलोक्लिक

काठमाडौं: साउनदेखि इन्टरनेटको मूल्य बढ्ने भएको छ । इन्टरनेट सेवा प्रदायक (आईएसपी) हरुले २० प्रतिशत मूल्य बढाउने घोषणा गरेका हुन् । गत वर्ष बढेको मूल्य घटाउने क्रममा सरकारसँग भएको सहमति कार्यान्वयन नभएको उनीहरुको गुनासो छ । सरकारले गत वर्ष थप १३ प्रतिशत दूसञ्चार सेवा शुल्क लगाएको थियो। त्यसआधारमा व्यवसायीहरुले मूल्य बढाएका थिए तर, सरकारले विभिन्न सहुलियत दिने आवश्वासन दिएपछि मूल्य बृद्धिको निर्णय फिर्ता लिए । त्यसबेला सञ्चारमन्त्री गोकुल बास्कोटाले कानून संशोधन गरेर इन्टरनेट सेवा प्रदायकलाई रहात दिने प्रतिवद्धता जनाएका थिए । तर, एक वर्षसम्म पनि प्रतिवद्धता कार्यान्वयन नभएको भन्दै इन्टरनेट सेवा प्रदायकहरुले साउनदेखि २० प्रतिशत मूल्य बढाउने…

काठमाडौँ: रोयल इनफिल्ड क्लासिक–३५० सीसी गनमेटल ग्रे बजारमा आएको छ । रोयल इनफिल्डको नेपालका लागि आधिकारीक बिक्रेता प्रतिष्ठीत औद्योगिक तथा व्यवशायिक घरना एभ.भी.दुगड ग्रुपको विवेक अटोमोबाइल्सले रोयल इनफिल्डको क्लासीक ३५० सी.सी.गनमेटल ग्रे नेपाली बजारमा सार्वजनिक गरेको हो । रोयल इनफिल्डको Royal Enfield 350cc Gunmetal Grey, Sporty Look,Mat Finish, Rear Disc Brake  सहित विशेषता उपलब्ध भएको कम्पनीले जानकारी दिएको छ । विवेक अटोमोबाइल्स प्रा.लि.ले आफ्ना १९ वटा शाखा एवं डिलहरु मार्फत विक्रीवितरण शुरु गरेको छ । नयाँ मोडलको मूल्य ५ लाख १५ हजार रुपैयाँ तोकिएको छ । यो रकम केही समयका लागि मात्रै भएको एम.भि. दुगड ग्रुपका उपाध्यक्ष…

काठमाडौं: शेयर बजारमा करेक्सन हुने क्रमले मंगलबार पनि जारी रहेको छ । नेप्से परिसूचक घटेपनि मौकामा शेयर किन्नेहरु उत्साहित भएका छन् । खरिदबिक्री रकम औसतमा निकै राम्रो छ । नेप्से सूचक मंगलबार ३.५६ अंकले घटेर १२८९.२८ विन्दुमा अडिएको छ । बजार ०.२८ प्रतिशतले घटेको हो । १७१ कम्पनीको ७१ करोड रुपैयाँ भन्दा धेरैको कारोबार भएको छ । २२ लाख ५२ हजार ५४६ कित्ता शेयर खरिदबिक्री भएका छन् । १२ वटा समूहको कारोबार भएकामा ४ वटा समूह माथि लागेका छन् । बाँकीमा ह्रास आएको छ । उत्पादनमूलक सबैभन्दा बढी ४१.०२ अंकले बढेको छ ।

काठमाडौँ: नेपाल टेलिकमले रसुवा, ताप्लेजुङ, डोल्पा र मुस्ताङका विभिन्न दूर्गम र विकट भेगहरुमा मोवाइल सेवा शुभारम्भ गरेको छ । हालसम्म मोबाइल तथा टेलिफोन जस्ता सञ्चार सेवाबाट वञ्चित भौगोलिक रुपले अति विकट यी स्थानहरुमा हालै कम्पनीले सञ्चार सेवा पुर्याउन सफल भएको हो । कम्पनीले ४२९० मिटर उचाईमा अवस्थित रसुवाको पाङसाङ डाँडामा बीटीएस राखेर सेवा प्रदान गरेको छ । यसबाट लाङटाङ ट्रेकिङ रुट, गोसाइकुन्ड ट्रेकिङ रुटको केही भाग, ठूलो स्याफ्रु, भिम्सा, सिंगवा, नागथली, ग्यात्लाङ, शेर्पा गाउँ, लामा होटल, घोडा तबेला, मुन्टु, सिङडुङ, खाङजिम आदि स्थानमा मोवाइल सेवा उपलब्ध हुनेछ । यसबाट सो क्षेत्रका ५ सय घरधुरीका करिब २ हजार जनसंख्यालाई सेवा…

काठमाडौं: पाकिस्तानले विश्वकप क्रिकेटमा घरेलु टोली इंग्ल्यान्डलाई पराजित गरेको छ । सोमबार राति भएको खेलमा पाकिस्तानले इंग्ल्यान्डलाई १४ रनले पराजित गरेको हो । ३४९ रनको विशाल लक्ष्य पछ्याउँदै ब्याटिङ गरेको इंग्ल्यान्डले निर्धारित ५० ओभरमा ९ विकेटको क्षतिमा ३३४ रन मात्रै बनाउन सक्यो । इंग्ल्यान्डले हारे पनि दुई खेलाडीले भने शतक हाने । जोइ रुटले १०४ बलमा १०७ रन बनाए । उनले १० चौका र १ छक्का प्रहार गरे । त्यस्तै, जोस बुटलरले १०३ रन बनाए । ७६ बलको सामना गर्दै ९ चौका र दुई छक्का प्रहार गरेका बुटलरले उत्कृष्ट प्रदर्शन गरे पनि आफ्नो टिमलाई जिताउन सकेनन् ।…

नयाँ दिल्ली: भारतको राजधानी शहरमा झण्डै दश लाख महिलालाई सार्वजनिक यातायात सेवा निःशुल्क प्रदान गरिने भएको नयाँ दिल्लीको सरकारले सोमबार जानकारी गराएको छ । नयाँ दिल्लीमा सन् २०१२ मा एउटा निजी बसमा विद्यालयबाट घर फर्किरहेका समय एक छात्रामाथि सामूहिक वलात्कारपछि हत्या गरिएपछि यसलाई महिलाको सुरक्षाका दृष्टिकोणले असुरक्षित भएको महशुस गरिँदै आएको थियो । सन् २०१२ को उक्त घटनालाई लिएर भारतभर विरोध भएका थिए । राज्य सरकारले ल्याएको उक्त योजना अन्तर्गत आगामी दुईदेखि तीन महिनाभित्रमा करिब आठ लाख ५० हजार महिलालाई सेवा दिने गरी अघि सारिएको हो । दिल्लीका मुख्यमन्त्री अरविन्द केजरीवालले भने, “राज्य सरकारले ल्याएको महिलालाई सार्वजनिक…

काठमाडौँ: यातायात सिन्डिकेट अन्त्य गर्ने घोषणा गरेसँगै सरकारले व्यवसायीलाई कम्पनी ऐनअन्तर्गत दर्ता हुनुपर्ने समयसीमा तोके बमोजिम नेपालका सबै ठूला यातायात सङ्घ र महासङ्घ विधिवत् रूपमा कम्पनीमा दर्ता भएका छन् । अहिलेसम्म नेपाल यातायात व्यवसायी राष्ट्रिय महासङ्घसँग आवद्ध ११४ वटा सार्वजनिक यातायात व्यवसायी कम्पनीमा दर्ता भएका हुन् । यसरी दर्ता हुनेमा पश्चिम नेपाल बस व्यवसायी सङ्घ, नारायणी यातायात व्यवसायी समिति जस्ता पूर्व तथा पश्चिम क्षेत्रमा काम गर्दै आएका ठूला व्यवसायी समिति छन् । सङ्घ संस्था दर्ता ऐन २०३४ अन्तर्गत सञ्चालन हुँदै आएका यस्ता यातायात सङ्घ तथा समितिलाई कम्पनीमा ल्याउन सरकारले ऐन संशोधन गरी जेठ १८ गतेसम्मको समयसीमा…

काठमाडौं: नेपाल कम्युनिष्ट पार्टी (नेकपा(का अध्यक्षद्वय केपी शर्मा ओली र पुष्पकमल दाहाल प्रचण्डबीच ७७ जिल्ला इन्चार्जमा सहमति जुटेको छ । आज बालुवाटारमा भएको छलफलमा जिल्ला इन्चार्ज र सह इन्चार्ज टुंग्याउने सहमति भएको हो । मंगलबार बस्ने सचिवालय बैठकले यो विषयलाई अनुमोदन गर्ने जनाइएको छ भने अन्य शीर्ष नेताको कार्यविभाजन बारे पनि छलफल हुनेछ । सचिवालय बैठकमा माधव नेपालको सहमति लिएर मात्र यो विषय टुंग्याउने तयारी गरिएको छ । ओली र प्रचण्डसँगको छलफलमा पूर्वएमालेबाट महासचिव विष्णु पौडेल र पूर्वमाओवादीबाट गृहमन्त्रीसमेत रहेका नेता रामबहादुर थापा बादल सहभागी थिए । मंगलबार दिउँसो ३ बजे सचिवालय बैठक बस्दैछ ।

काठमाडौं: नेपालमा अब फेरि हिन्दी फिल्म बुधबार रिलिज हुने भएको छ। चलचित्र विकास बोर्डले हिन्दी चलचित्र बुधबार रिलिज गर्न नपाउने केही समय अगाडि गरेको निर्णय काठमाडौँ जिल्ला अदालतले अन्तरिम आदेश मार्फत उल्टाएको हो । चलचित्र विकास बोर्ड अध्यक्षमा चलचित्रकर्मी केशव भट्टराई नियुक्त भएपछि गरिएको यो पहिलो निर्णय थियो । जसको स्वागत सम्पुर्ण नेपाली चलचित्रकर्मीले गरेका थिए । फिल्म ‘भारत’ इद उल फितरको अवसर पारेर बुधबार रिलिज हुन लागेको हो । बोर्ड बलिउड फिल्म पनि नेपाली फिल्म जस्तै शुक्रबार मात्र रिलिज गर्न पाइने गरेको थियो । तर नेपाल वितरक कम्पनी ब्यांकटेस इन्टरटेनमेन्टले बुधबार नै ‘भारत’ नेपाल रिलिज गर्न पाउनु…

काठमाडौं: सोलुखुम्बुको विकट महाकुलुङ्ग गाउँपालिका-३ को छेस्कामस्थित प्रहरी चौकीमा नेत्र बिक्रम चन्द बिप्लवका कार्यकर्ताले गरेको भनिएको प्रहरी चौकी आक्रमण पूर्णरुपले गलत र भ्रामक भएको गृहमन्त्रालयले जनाएको छ। सो घटनाको ब्रिफ़िङ्ग गराउन डाकिएको नियमित सुरक्षा बैठकमा तिनै सुरक्षा निकायका प्रमुखले सो कुरा झुटो भएको र त्यसमा कुनै सत्यता नभएको गृहमन्त्री राम बहादुर थापासमक्ष जानकारी गरेका हुन्। नेपाल प्रहरी प्रमुख महानिरीक्षक सर्वेन्द्र खनाल, सशस्त्र प्रहरी प्रमुख शैलेन्द्र खनाल र राष्ट्रिय अनुसन्धान विभागका प्रमुख गणेश अधिकारीले घटनाबारे सोमबार दिउँसो गृहमन्त्री थापालाई ब्रिफिङ गरेका थिए। गृहमन्त्रलायका शान्ति सुरक्षा महाशाखा प्रमुख तथा प्रबक्ता रामृष्ण सुबेदीका अनुसार त्यहाँ कुनै प्रहरी चौकीमा आक्रमण नभएको बरु…