Subscribe to Updates
Get the latest creative news from FooBar about art, design and business.
- ‘कान खोलेर सुने हुन्छ, एमाले फेरि सरकारमा आउँछ’ : केपी ओली
- मोदीसँग भेट्नुअघि प्रधानमन्त्री बालेन्द्रलाई भारतीय राजदूतको यस्तो सन्देश, भ्रमणको तयारी पूरा ।
- आईजीपीबाट हटाइएका दानबहादुर कार्कीको मुद्दा सर्वोच्चमा, सरकारको निर्णय उल्टिएला ?
- यो कार्कीमाथिको कारवाही होइन जिम्मेवारी हेरफेर मात्रै हो: मन्त्री पोखरेल
- अन्तत: कार्कीलाई हटाएर केसी प्रहरीको महानिरीक्षक नियुक्त
- पहिलो पटक ‘कुकुर तिहार’ रिल प्रतियोगिता
- राष्ट्रिय गौरवका सिँचाइ आयोजनाबाट नयाँ खेतमा पानी
- बैंककमा ऊर्जामन्त्री श्रेष्ठको सम्बोधन: ‘हाम्रा हिमाल जोगाउन विश्वले सहकार्य गरोस्’
Author: पहिलोक्लिक
पहिलो क्लिक डटकम आम सरोकारका विषयलाई प्राथमिकता दिने नेपालको अनलाइन न्यूज पोर्टल हो ।
काठमाडौं । निश्चित आफन्त र नातेदारबाट मात्रै मानव अंग दान गर्न पाइने कानूनी व्यवस्थाका कारण बाँच्न पाउने हक हनन भएको दाबी गर्दै सर्वोच्च अदालतमा सोमबार रिट दायर गरिएको छ । निश्चित आफन्त र नातेदारबाट मात्र अंगदान लिन दिन पाइने कानूनी व्यवस्था संविधानमा रहेको स्वतन्त्रतापूर्वक बाँच्न पाउने मौलिक हकसँग बाझिएको दाबी गर्दै खेमबहादुर छन्त्याल र कानूनका विद्यार्थीहरु डेविड चौधरी र ओस्निक पौडेलले सर्वोच्च अदालतमा रिट निवेदन दर्ता गरेका हुन् ।
काठमाडौं : संघीय संसदका महासचिव भरतराज गौतमले राजीनामा दिएपछि उनको स्थानमा पदम प्रसाद पाण्डे सिफारिस भएका छन् । गौतमले आइतबार राजीनामा दिएका थिए । उनको राजीनामा राष्ट्रपति कार्यालय पुगेर स्वीकृत भएपछि प्रतिनिधि सभाका सचिव पद्म प्रसाद पाण्डेको नाम महासचिवका लागि सिफारिस भएको छ । सभामुख देवराज घिमिरे र राष्ट्रिय सभाका अध्यक्ष गणेश प्रसाद तिमिल्सिनाले पाण्डेको नाम महासचिवमा सिफारिस गरेका छन् । सभामुख र राष्ट्रिय सभाका अध्यक्षको सिफारिसमा राष्ट्रपतिले संसदको महासचिव नियुक्त गर्ने कानुनी व्यवस्था छ ।
विराटनगरमोरङको: विराटनगर नजिकैको भारतीय भूमिमा एक नेपाली युवकमाथि अज्ञात समूले गोली प्रहार गरेको छ। विराटनगर महानगरपालिका–८ मधुमाराका करिब २७ वर्षीय निर्दोष संग्रौलामाथि आइतबार साँझ सीमा क्षेत्रबाट झण्डै डेढसय मिटर भित्र भारतीय भूमि जोगबनीमा गोली प्रहार भएको हो। बायाँ तिघ्रामा गोली लागेका संग्रौलाको विराटनगरस्थित कोशी अस्पतालमा उपचार भइरहेको जिल्ला प्रहरी कार्यालय मोरङका प्रवक्ता डीएसपी रञ्जन दाहालले जानकारी दिए। ‘उहाँलाई कसले र किन गोली हान्यो खुलेको छैन,’ डीएसपी दाहालले नेपालखबरसँग भने, ‘पाँच सात जनाको समूहमा रहेका व्यक्तिले आफूमाथि गोली प्रहार गरेको जानकारी उहाँले दिनु भएको छ।’ संग्रौलाको अवस्था खतरामुक्त रहेको दाहालले बताए।
काठमाडौँ: पश्चिमी वायुको आंशिक प्रभावले यतिबेला (सोमबार बिहान) पहाडी भेगमा आंशिक बदली भएको छ भने देशका बाँकी स्थानमा मौसम सामान्यतया सफा रहेको मौसम पूर्वानुमान महाशाखाले जनाएको छ। महााशाखाका अनुसार तराईका केही स्थानमा हुस्सु/कुहिरो लागिरहेको छ। मौसमविद्का अनुसार आंशिक बदली भनेको २६ देखि ५० प्रतिशत आकाश बादलले ढाक्नु हो भने सामान्यतया सफा भनेको आकाशमा बादल एकदमै कम हुनु हो। महाशाखाका अनुसार आज दिउँसो पनि पहाडी क्षेत्रमा आंशिक बदली रही देशका बाँकी ठाउँमा मौसम सामान्यतया सफा रहनेछ। कोशी, गण्डकी र कर्णाली प्रदेशका उच्च पहाडी तथा हिमाली भूभागका एक/दुई स्थानमा भने हल्का हिमपात हुने सम्भावना छ। महाशाखाका अनुसार राति पहाडी भेगमा आंशिक बदली…
काठमाडौँ: प्रधानमन्त्री पुष्पकमल दाहाल ‘प्रचण्ड’ ले द्वन्द्वकालमा भएका मानव अधिकार उलङ्घनका घटनाको छानबिन गर्न गठित सत्य निरूपण तथा मेलमिलाप आयोग र बेपत्ता पारिएका व्यक्तिहरूको छानबिन आयोगको कामलाई सङ्क्रमणकालीन न्यायका मान्य सिद्धान्तअनुरूप प्रभावकारी रूपमा कार्यान्वयन गरिने बताएका छन्। मानव अधिकारको विश्वव्यापी घोषणा भएको ७५ वर्ष पुगेका अवसरमा आज प्रधानमन्त्री तथा मन्त्रिपरिषद् कार्यालयद्वारा राष्ट्रपति भवन शीतल निवासमा आयोजित कार्यक्रममा प्रधानमन्त्री दाहालले ती आयोगसम्बन्धी कानुनमा विद्यमान कानुनमा परिमार्जन र संशोधन गर्न सङ्घीय संसद्मा विधेयक पेस गरिएको जनाए। मानव अधिकारको क्षेत्रमा सबै राष्ट्र तथा समुदायको साझा उपलब्धि र आधारभूत मापदण्डको रूपमा लिइएकाले सबै प्रकारका अधिकारहरूलाई नेपालको संविधानमा प्रत्याभूत गरिएको प्रधानमन्त्री दाहालको भनाइ थियो। उनले…
काठमाडौँ:प्रधानमन्त्री पुष्पकमल दाहाल प्रचण्डको प्रमुख राजनीतिक सल्लाहकारबाट राजीनामा दिएका हरिबोल गजुरेलले स्वीकृत भएपछि मात्रै सबै कुरा खुलाउने बताएका छन्। आइतबार अपरान्ह यस बारे कुरा गर्दै गजुरेलले आफूले २० गते नै प्रधानमन्त्री प्रचण्डलाई बुझाएको राजीनामा अहिलेसम्म स्वीकृत नभएकोले सबै कुरा नखोल्ने बताए। ‘मैले कारण खुलाएर प्रधानमन्त्रीको राजनीतिक सल्लाहकारबाट राजीनामा दिएको छु,’ गजुरेलले भने, ‘बाहिर अनेक हल्ला भए पनि यथार्थ पत्रमै खुलाएको छु।’ गजुरेल नेकपा माओवादी केन्द्रका उपमहासचिवसमेत हुन्। उनलाई प्रधानमन्त्री प्रचण्डले २०७९ माघ ९ गते प्रमुख राजनीतिक सल्लाहकार नियुक्त गरेका थिए।
काठमाडौँ: एनसेलको सेयर खरिद बिक्री छानविन समितिले काम सुरु गरेको छ। मंसिर २१ गते मन्त्रिपरिषद्को निर्णयअनुसार ३० दिनभित्र प्रतिवेदन पेस गर्नेगरी समितिले काम सुरु गरेको हो। समिति संयोजक टंकमणि शर्मा दंगालले अध्ययन तथा छानविनको क्रममा सम्बन्धित विषय क्षेत्रका नियामक निकायहरू, सरकारी अधिकारीहरू, सम्बन्धित सेवा प्रदायह कम्पनीहरुसंग छलफल गर्ने बताएका छन्। ‘एनसेलको सेयर खरिद बिक्रीसँग सम्बन्धित तथ्यपरक जानकारी, सूचना वा यससँग सम्बन्धित प्रमाणहरूमा भएका समितिको आधिकारिक इमेल ठेगानामा वा समितिको सचिवालयमा उपलब्ध गराई सहयोग गर्न आह्वान गर्दछ,’ शर्माले विज्ञप्ती जारी गर्दै उल्लेख गरेका छन्।
काठमाडौँ: एसीसी यू-१९ क्रिकेट प्रतियोगिताअन्तर्गत आइतबार भएको खेलमा नेपालले हार व्यहोरेको छ। जम्सिद जड्रानको शतकमा एसीसी अफगानिस्तानले जितका लागि दिएको २ सय ६२ रनको विशाल लक्ष्य पछ्याउने क्रममा ७३ रनले पराजित भएको हो। लगातार दोस्रो हार व्यहोरेसँगै नेपालको सेमिफाइनल पुग्ने सम्भावना सकिएको छ। नेपालको सेमिफाइनल पुग्ने सम्भावना अंक गणितीय रुपमा मात्रै जीवित छ। नेपाल पहिलो खेलमा पाकिस्तानसँग ७ विकेटले पराजित भएको थियो। नेपालले समूह चरणको अन्तिम खेलमा मंगलबार भारतको सामना गर्नेछ। नेपालमाथिको जितले अफगानिस्तानको सेमिफाइनल पुग्ने सम्भावना भने जिवितै छ। अफगानिस्तान पहिलो खेलमा भारतसँग ७ विकेटले नै पराजित भएको थियो। अफगानिस्तानले समुह चरणको अन्तिम खेलमा पाकिस्तानसँग भिड्नेछ।
काठमाडौँ: सेयर बजारमा आज उछाल आएको छ । चालु साताको पहिलो कारोबार दिन आज नेप्से सूचक ६ प्रतिशतले बढेपछि आजका लागि कारोबार बन्द भएको छ । आज बजार खुलेदेखि नै नेप्से लगातार बढ्न थालेका थियो भने डेढ घण्टा नबित्दै ६ प्रतिशतले बढेपछि कारोबार बन्द भएको हो। नेप्सेमा आज तीनपटक सकारात्मक सर्किट ब्रेक भएको थियो । यस दिन जम्मा ९ मिनेट मात्रै शेयर कारोबार भएको छ। नेप्से पहिलो १ घण्टामा ४ प्रतिशत बढे २० मिनेटको लागि कारोबार बन्द हुन्छ भने २ घण्टामा ५ प्रतिशत बढे ४० मिनेटको लागि र ६ प्रतिशतले बढे दिनभरका लागि कारोबार बन्द हुन्छ। मौद्रिक नीतिको पहिलो त्रैमासिक…
काठमाडौँ: मधेश प्रदेश सरकारको टोलीले आइतबार बिहान प्रधानमन्त्री पुष्पकमल दाहाल ‘प्रचण्ड’सँग भेटवार्ता गरेको छ। त्यसक्रममा उनीहरुले संविधानमा व्यवस्था भएबमोजिमका कानुनहरु यथाशिघ्र छिटो निर्माण गर्न संघीय सरकारको ध्यानाकर्षण गराएको छ। मधेश प्रदेशका मुख्यमन्त्री सरोज कुमार यादव नेतृत्वमा प्रधानमन्त्रीको सरकारी निवास बालुवाटार पुगेर उनीहरुले संविधानमा व्यवस्था भएबमोजिमका संघीय कानुनहरू छिटो निर्माण गर्न प्रधानमन्त्रीको ध्यानाकर्षण गराएका हुन्। यसअघि मधेश सरकारले एक महिनाभित्र निजामती सेवा ऐन र प्रदेश प्रहरी समायोजन गरिसक्न सङ्घीय सरकारलाई अल्टिमेटम दिएको थियो। अल्टिमेटम अवधि पूरा भएपछि मधेश सरकारको टोलीले प्रधानमन्त्रीलाई भेटेर माग पूरा नभए संघर्षमा जाने चेतावनी दिएको छ। जवाफमा प्रधानमन्त्रीले आफू र आफ्नो पार्टी माओवादी केन्द्र नै सङ्घीयताको जन्मदाता…
