Subscribe to Updates
Get the latest creative news from FooBar about art, design and business.
- ‘कान खोलेर सुने हुन्छ, एमाले फेरि सरकारमा आउँछ’ : केपी ओली
- मोदीसँग भेट्नुअघि प्रधानमन्त्री बालेन्द्रलाई भारतीय राजदूतको यस्तो सन्देश, भ्रमणको तयारी पूरा ।
- आईजीपीबाट हटाइएका दानबहादुर कार्कीको मुद्दा सर्वोच्चमा, सरकारको निर्णय उल्टिएला ?
- यो कार्कीमाथिको कारवाही होइन जिम्मेवारी हेरफेर मात्रै हो: मन्त्री पोखरेल
- अन्तत: कार्कीलाई हटाएर केसी प्रहरीको महानिरीक्षक नियुक्त
- पहिलो पटक ‘कुकुर तिहार’ रिल प्रतियोगिता
- राष्ट्रिय गौरवका सिँचाइ आयोजनाबाट नयाँ खेतमा पानी
- बैंककमा ऊर्जामन्त्री श्रेष्ठको सम्बोधन: ‘हाम्रा हिमाल जोगाउन विश्वले सहकार्य गरोस्’
Author: पहिलोक्लिक
पहिलो क्लिक डटकम आम सरोकारका विषयलाई प्राथमिकता दिने नेपालको अनलाइन न्यूज पोर्टल हो ।
काठमाडौं: प्रधानमन्त्री पुष्पकमल दाहाल प्रचण्ड अस्पताल भर्ना भएका छन्। छातीमा समस्या देखा परेपछि प्रधानमन्त्री प्रचण्ड आज थापाथलीमा रहेको नर्भिक अस्पताल भर्ना भएका हुन्। अहिले उनलाई वार्डमा भर्ना गरेर जाँचको तयारी भइरहेको छ। प्रधानमन्त्रीको उपचारमा डा. यादव भट्टसहितको टोली खटिएको छ।
काठमाडौं: अरुण तेस्रो जलविद्युत आयोजनाको काम डेढ महिनादेखि ठप्प भएपछि यो विषय मन्त्रिपरिषद्मा जाने भएको छ। लगानी बोर्डले आयोजनामा देखिएको समस्या समाधानका लागि मन्त्रिपरिषद्लाई सिफारिस गर्ने निर्णय गरेको छ। बोर्डका अध्यक्ष प्रधानमन्त्री पुष्पकमल दाहाल ‘प्रचण्ड’ हुन्। उनको अध्यक्षतामा मंगलबार बसेको बोर्डको ५६ औं बैठकले आयोजनाको प्रवेश मार्ग (छ्याङकुटी-दिदिङग) को समस्या समाधान गर्न सिफारिस गर्ने निर्णय गरेको हो। ९०० मेगावाटको यो आयोजना भारतीय कम्पनी सतलज जलविद्युत निगमले निर्माण गरिरहेकामा मुआब्जा नपाएको भन्दै स्थानीयले डेढ महिनादेखि काम अवरुद्ध पारेका छन्। स्थानीयले प्रवेश मार्गको २४ किलोमिटर सडकको मुआब्जा नपाएको भन्दै आयोजनाको काममा अवरोध गरेका हुन्। उनीहरुका अनुसार छ्याङकुटीबाट पुखुवासम्म ४ सय ५४ रोपनी…
काठमाडौँ: प्रधानमन्त्री पुष्पकमल दाहाल ‘प्रचण्ड’ ले बदलिएको परिस्थितिअनुरूप आफूलाई रूपान्तरित र परिमार्जन गरेर मात्र हरेक संस्था, नेतृत्व र व्यक्तिले आफ्नो नेतृत्व क्षमता राम्रोसँग प्रमाणित गर्न सक्छ भन्ने एउटा जीवन्त उदाहरण नेपाल प्रहरी भएको बताएका छन् । हरेक क्रान्तिपछिको बदलिएको राजनीतिक परिवेशमा नेपाल प्रहरीले परिवर्तनलाई अँगाल्न सक्ने क्षमता प्रदर्शन गरेको प्रत्यक्ष हेर्न र अनुभूत गर्न पाउँदा आफूले गौरवको महशुस गरेको प्रधानमन्त्री प्रचण्डले बताएका हुन् । ६८ औँ प्रहरी दिवसको उपलक्ष्यमा आयोजित कार्यक्रमलाई सम्बोधन गर्दै उनले नेपाल प्रहरीको छविमाथि प्रश्न उठ्ने कुनै पनि प्रकारका अवान्छित गतिविधि र गलत क्रियाकलाप नियन्त्रण गर्न प्रहरी नेतृत्व पूर्णतः सक्षम रहने विश्वास व्यक्त गरे । ‘नेपालको संविधान…
काठमाडौँ: रेमिट्यान्स (विप्रेषण) आप्रवाह २२.१ प्रतिशतले वृद्धि भएको छ। गत वर्षको तुलनामा चालू आर्थिक वर्ष धेरै रेमिट्यान्स भित्रिएको नेपाल राष्ट्र बैंकले जनाएको छ। साउन र भदौ महिनामा २ खर्ब २८ अर्ब ३७ करोड भित्रिएको हो। अमेरिकी डलरमा विप्रेषण आप्रवाह १७.७ प्रतिशतले वृद्धि भई १ अर्ब ७३ करोड पुगेको छ। अघिल्लो वर्ष यस्तो आप्रवाह ११.३ प्रतिशतले बढेको थियो। दुई महिनामा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या २८.३ प्रतिशतले कमी आई ७४,४५५ कायम भएको छ। त्यसैगरी, वैदेशिक रोजगारीका लागि पुनः श्रम स्वीकृति लिने नेपालीको संख्या दुई महिना अवधिमा १८.३ प्रतिशतले कमी आई ३२००४ कायम भएको छ…
काठमाडौँ: चालु आर्थिक वर्षको भदौ महिनामा महंगी आकाशिएको छ । साउनको तुलनामा भदौ महिनामा मूल्यवृद्धि दर ०.६७ प्रतिशत विन्दुले बढेको हो ।भदौ महिनामा वार्षिक बिन्दुगत उपभोक्ता मुद्रास्फीति ८.१९ प्रतिशत रहेको छ । अघिल्लो वर्षको सोही महिनामा यस्तो मुद्रास्फीति ८.६४ प्रतिशत रहेको थियो । यस महिनामा खाद्य तथा पेय पदार्थको मुद्रास्फीति दर बढेर ९.७४ प्रतिशत र गैर–खाद्य तथा सेवा समूहको मुद्रास्फीति दर बढेर ६.९९ प्रतिशत पुग्दा उपभोक्ता मूल्यवृद्धि दर बढेको हो । अर्थमन्त्री प्रकाश शरण महतले संसदमा बजेट पेश गर्दा चालु आवको मूल्यवृद्धि दर ६.५० प्रतिशत कायम गर्ने लक्ष्य सार्वजनिक गरेका थिए । तथापि बजेट भाषणको ठिक विपरित मुद्रास्फीति दर बढ्दै…
रौतहट: रौतहटको मौलापुर नगरपालिकाकी प्रमुख रिनाकुमारी साहले पार्टी छोडेको भन्दै नेकपा एमालेको सिफारिसमा मंगलवार निर्वाचन आयोगले मेयर पदबाट हटाएको छ। तर साहले आफू नेकपा एमाले पार्टीमै रहेको जिकिर गरेकी छिन् । उनले एमालेको टिकटबाट चुनाव जितेकाले आफू अहिलेसम्म पनि एमालेमै रहेकाे बताएकी हुन् । साहका श्रीमान् तथा पूर्व मन्त्री प्रभु साहले भने एमाले पार्टीको टिकट नै छोडेर स्वतन्त्र रूपमा प्रतिनिधिसभाको निर्वाचनमा विजयी भएपछि आफ्नै नेतृत्वमा आमजनता पार्टी दर्ता गराएको छन् । ‘उहाँले के गर्दै हुनुहुन्छ, त्यसको जवाफ मैले कसरी दिने ?,’ साहले प्रश्न गरिन् । प्रभु साह अहिले संगठन विस्तारको क्रममा देश दौडाहामा रहेको तर आफू आमजनता पार्टीको कुनै औपचारिक…
काठमाडौँ: खाद्य व्यवस्था तथा व्यापार कम्पनीले दसैंका लागि मंगलबारदेखि खसी–बोका र च्याङ्ग्रा बिक्री सुरू गरेको छ। कम्पनीले जिउँदो खसी-बोका प्रतिकिलो ६ सय ७० रुपैयाँमा बेच्न थालेको हो। त्यस्तै च्यांग्रा प्रतिकिलो एक हजार दुई सय ५० रुपैयाँमा बिक्री गरिरहेको छ। कम्पनीको थापाथलीस्थित बागमती प्रादेशिक कार्यालयबाट बिहान ८ बजेदेखि खसी-बोका तथा च्याङ्ग्रा बिक्री सुरू गरिएको सूचना अधिकारी शर्मिला न्यौपानेले जानकारी दिइन्। कम्पनीले मकवानपुर, दाङ र कैलालीबाट खसी-बोका तथा रसुवाबाट च्यांङ्ग्रा ल्याएको छ। ती चौपाया सोमबार मात्रै काठमाडौं ल्याइएको हो। कम्पनीले उपभोक्ता मूल्यमा हुन सक्ने असन्तुलन रोक्न सानो संख्यामा भए पनि खसी-बोका तथा च्याङ्ग्रा बिक्री गर्दै आएको छ। यस वर्षको दसैंमा दुई हजार…
काठमाडौँ: गैरआवासीय नेपाली नागरिकता वितरणको आज शुभारम्भ हुने भएको छ । प्रधानमन्त्री पुष्पकमल दाहाल प्रचण्डले बालुवाटारमा नागरिकता वितरणको शुभारम्भ गर्दै पहिलो गैरआवासीय नागरिकता एनआरएनए अध्यक्ष कुल आचार्यलाई प्रदान गर्ने कार्यक्रम तय भएको छ । आचार्यले सामाजिक सञ्जालमार्फत पहिलो गैरआवासीय नागरिकता आफूलाई प्रदान गर्न लागेकोमा आभार व्यक्त गरेका छन् । उनले लेखेका छन्- “एकपटकको नेपाली, सधैंको नेपाली” भन्ने भावनालाई मूल मन्त्र मानेर दुई दशकदेखि संघर्ष गर्दै आएको प्रतिफलस्वरूप नेपालको संविधानमा गैरआवासीय नेपाली नागरिकताको प्रावधान स्थापित गर्न सफल भएका थियौं । यो हामी सम्पूर्ण गैरआवसीय नेपाली समुदायका लागि गौरव, हर्ष र सफलताको क्षण हो । संविधानको यही प्रावधानअनुसार अहिले बिहान ७ः०० बजे…
काठमाडौँ: बडा दसैँ एवं नवरात्रको तेस्रो दिन आज दसैँघर वा पूजा कोठामा नौ दुर्गामध्येकी तेस्रो चन्द्रघण्टा देवीको विधिपूर्वक पूजा आराधना गरिँदैछ । नवदुर्गामध्येकी तेस्रो देवी चन्द्रघण्टाले हातमा चन्द्रमाको आधार भएको घण्ट लिने भएकाले नै यिनको नाम चन्द्रघण्टा रहन गएको भन्ने विभिन्न पौराणिक एवं धर्मशास्त्रीय ग्रन्थमा उल्लेख गरिएको छ । यस्ती देवीको पूजा आराधनाले शक्ति प्राप्त हुने भएकाले नवरात्रका अवसरमा विशेष पूजा आराधना गर्ने गरिएको नेपाल संस्कृत विश्वविद्यालयका पूर्व सहप्राध्यापक श्रीराम सापकोटाले जानकारी दिए । मार्कण्डेय पुराणमा ‘चन्द्र : घण्टायां यस्या : सा’ अर्थात् चन्द्रमा जसको घण्टामा रहेको छ उनको नाम चन्द्रघण्टा हो भनी उल्लेख गरिएको छ । चन्द्रघण्टा देवीले शिरमा…
काठमाडौं: नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रका समस्या समाधान गर्न तत्काल उच्चस्तरीय संयन्त्र गठन गर्न सरकारसमक्ष आग्रह गरेका छन् । नेपाल आर्थिक पत्रकार समाज (सेजन) सँगको भेटमा अध्यक्ष ढकालले अहिले अर्थतन्त्र असहज अवस्थामा रहेको बताए । ‘अहिले अर्थतन्त्र निकै असहज अवस्थामा जान लागेको छ’, उनले भने, ‘महासंघले केही दिन अघि आयोजना गरेको कार्यक्रममा प्रधानमन्त्री पुष्पकमल दाहाल प्रचण्डले महासंघले गरेको प्रस्ताव अनुसार नै उच्चस्तरिय संयन्त्र गठन गर्ने भन्नु भएको थियो । त्यो संयन्त्र चाँडो भन्दा चाँडो गठन गर्न सरकारसमक्ष माग गर्दछौं ।’ प्रधानमन्त्रीको अध्यक्षतामा बन्ने उच्चस्तरीय संयन्त्रले मेजर रिफर्मका लागि काम गर्ने ढकालको दाबी छ । कोरोना महामारीहुँदै…
