काठमाडौँ: नेपाल प्रहरीले कतार प्रहरीसँग सुरक्षामा समन्वयका लागि समझदारी गरेको छ ।
प्रहरी महानिरीक्षक सर्वेन्द्र खनाल र कतार पब्लिक सेक्युरिटीका महानिर्देशक साद बिन जसिम अल खुलाइफीले समझदारीपत्रमा बुधबार हस्ताक्षर गरेका छन् ।
समझदारी अन्तर्गत आतंकवाद र आतंककारी क्रियाकलापमा वित्तिय लगानी, अन्तरदेशीय अपराध, लागूऔषधको अवैध कारोबार, अवैध हातहतियार तथा विष्फोटक पदार्थको ओसारपसार, विद्युतीय अपराध, मानव बेचबिखन, वित्तिय अपराध नियन्त्रणमा समन्वय हुने छ ।
सम्माननीय राष्ट्रपति विद्यादेवी भण्डारीज्यूको ४ दिने कतार भ्रमणमा प्रतिनिधि मण्डलको सदस्यको रुपमा सहभागी भई प्रहरी महानिरीक्षक सर्वेन्द्र खनालले सो समझदारीमा हस्ताक्षर गरेका हुन्।
भ्रमणको क्रममा नेपाल र कतारबीच सुरक्षा समन्वय सम्बन्धी सम्झौतापत्रमा हस्ताक्षर भएको थियो ।
प्रहरी महानिरीक्षक खनाल उक्त प्रतिनिधि मण्डलको सदस्यको रुपमा कात्तिक १२ गते त्यसतर्फ प्रस्थान गरेका थिए।
