Close Menu

    Subscribe to Updates

    Get the latest creative news from FooBar about art, design and business.

    What's Hot

    ‘कान खोलेर सुने हुन्छ, एमाले फेरि सरकारमा आउँछ’ : केपी ओली

    November 18, 2026

    मोदीसँग भेट्नुअघि प्रधानमन्त्री बालेन्द्रलाई भारतीय राजदूतको यस्तो सन्देश, भ्रमणको तयारी पूरा ।

    November 18, 2026

    आईजीपीबाट हटाइएका दानबहादुर कार्कीको मुद्दा सर्वोच्चमा, सरकारको निर्णय उल्टिएला ?

    November 18, 2026
    Facebook X (Twitter) Instagram
    Trending
    • ‘कान खोलेर सुने हुन्छ, एमाले फेरि सरकारमा आउँछ’ : केपी ओली
    • मोदीसँग भेट्नुअघि प्रधानमन्त्री बालेन्द्रलाई भारतीय राजदूतको यस्तो सन्देश, भ्रमणको तयारी पूरा ।
    • आईजीपीबाट हटाइएका दानबहादुर कार्कीको मुद्दा सर्वोच्चमा, सरकारको निर्णय उल्टिएला ?
    • यो कार्कीमाथिको कारवाही होइन जिम्मेवारी हेरफेर मात्रै हो: मन्त्री पोखरेल
    • अन्तत: कार्कीलाई हटाएर केसी प्रहरीको महानिरीक्षक नियुक्त
    • पहिलो पटक ‘कुकुर तिहार’ रिल प्रतियोगिता
    • राष्ट्रिय गौरवका सिँचाइ आयोजनाबाट नयाँ खेतमा पानी
    • बैंककमा ऊर्जामन्त्री श्रेष्ठको सम्बोधन: ‘हाम्रा हिमाल जोगाउन विश्वले सहकार्य गरोस्’
    Facebook X (Twitter) Instagram
    Pahilo Click
    Saturday, November 21
    • होमपेज
    • राजनीति
    • समाज
    • प्रदेश
    • विचार / अन्तर्वार्ता
    • अर्थ/बाणिज्य
    • पहिलो विशेष
    • जीवनशैली
    • मनोरञ्जन
    • खेलकुद
    Pahilo Click
    Home » कांग्रेसको ७७ वटै जिल्लामा सरकारविरुद्ध प्रदर्शन र भाषण, उठायो तीन आरोप

    कांग्रेसको ७७ वटै जिल्लामा सरकारविरुद्ध प्रदर्शन र भाषण, उठायो तीन आरोप

    पहिलोक्लिकपहिलोक्लिकDecember 14, 2020No Comments

    Notice: Trying to access array offset on value of type bool in /home/pahiloclick/public_html/wp-content/themes/smart-mag/partials/single/featured.php on line 78
    Share
    Facebook Twitter LinkedIn Pinterest Email Copy Link

    काठमाडौँ:
    नेपाली कांग्रेसले सोमबार ७७ वटै जिल्लामा सरकारविरुद्ध प्रदर्शन गरेको छ।

    बिभिन्न जिल्लाका सभामा सम्बोधनका लागि खटिएका नेताले केपी शर्मा ओलीको सरकारमा भएका भ्रष्टाचार, कोरोना नियन्त्रणमा सरकारको असफलता, नेकपाको आन्तरिक द्वन्द्व र त्यसका कारण राजतन्त्रको पक्षमा सडकमा भएको प्रदर्शन लगायतका विषयमा आफ्ना भाषणहरु केन्द्रित गरेका थिए।

    कांग्रेसका सभापति शेरबहादुर देउवा, वरिष्ठ नेता रामचन्द्र पौडेलदेखि सांसद गगन थापासम्मले यिनै विषयहरुमा विशेष जोड दिएका थिए।

    कांग्रेसको सरकारविरोधी प्रदर्शनमा नेकपा अध्यक्ष प्रचण्डको प्रतिवेदनको चर्चा अर्को उल्लेखनीय पक्ष थियो।

    प्रधानमन्त्री ओलीकै संरक्षणमा भ्रष्टाचार भइरहेको र सरकारको असफलताका कारण राजावादीहरु व्यवस्थाविरुद्ध नै सडक प्रदर्शनमा उठेको भन्दै कांग्रेस नेताहरुले ओलीप्रति नै बढि आक्रोश व्यक्त गरेका थिए।

    ओलीकै कारण राजतन्त्रको पक्षमा नारा लाग्यो
    मकवानपुरको हेटौैंडामा आयोजित सभालाई सम्बोधन गर्दै सभापति देउवाले ओली सरकारबाट आजित भएका जनता ‘राजा आऊ देश बचाऊ’ जस्ता नारा लगाउन थालेको भन्दै भाषणको बढि समय ओलीको आलोचनामा खर्चेका थिए।

    कोरोना महामारीका बेला कम्युनिष्ट सरकारले केही नगरेपछि मानिसहरु विकल्पको रुपमा ‘राजा आऊ देश बचाऊ’ भन्न थालेको उनको भनाइ छ।

    ‘यी तत्वलाई राजा आऊ भन्ने हिम्मत आउँदैनथ्यो, ओली सरकारबाट जनता आजित भएको हुँदा त्यसो भन्ने आँट गरेका हुन्,’ देउवाले भने।

    कांग्रेसका वरिष्ठ नेता रामचन्द्र पौडेलले पनि सडकमा गणतन्त्र विरुद्धको नारा लाग्नुमा प्रधानमन्त्री ओली नेतृत्वको सरकार जिम्मेवार रहेको अरोप लगाए।

    काठमाडौंको प्रदर्शनलाई सम्बोधन गर्दै उनले भने, ‘अहिले सडकमा राजतन्त्रको पक्षमा नारा लागेको छ, यसप्रति जिम्मेवार सरकार नै हो, सरकारकै कारण यस्ता नारा लागेका छन्’, पौडेलले भने, ‘राजा ल्याउन खोज्नेहरुले कस्तो किसिमको राजा ल्याउन खोजेको ? कोतपर्व, भण्डारखाल पर्व मच्चाउने कि, सत्र साल ल्याउने कि माओवादी जन्माएर प्रजातन्त्रको हत्या गर्ने राजा?’

    कैलालीको धनगढीमा भएको विरोध प्रदर्शनमा सम्बोधन गरेका गगन थापाले विगतमा जनताका अधिकार खोस्ने राजाले कसरी जनतालाई बचाउन सक्छन् भन्दै प्रश्न गरे।

    ‘हिजो पञ्चायतकालमा हाम्रा मुर्ती बेचेर खाने पन्चेहरुले अहिले राजा ल्याउनको लागि गरेको प्रदर्शनलाई सही मान्न नहुने बताए। हिजो पञ्चायतकालमा मन्दिरको मुर्ती चोर्नेहरुले हाम्रो धर्म र संस्कृति जोगाउँछन्?’ उनले प्रश्न गरे।

    प्रचण्डको प्रतिवेदनको चर्चा
    बिभिन्न ठाउँमा भएका विरोध सभामा बोल्ने अधिकांश केन्द्रीय नेताले प्रधानमन्त्री ओली भ्रष्टाचारमा लिप्त रहेको आरोप लगाए।

    उनीहरुले नेकपाका कार्यकारी अध्यक्ष पुष्पकमल दाहाल प्रचण्डले नेकपाकै सचिवालयमा पेस गरेको राजनीतिक प्रतिवेदनलाई आधार बनाएर बोलेका थिए।

    कांग्रेसका वरिष्ठ नेता पौडेलले सरकारले भ्रष्टाचार गरेको ओलीकै पार्टीका नेताहरुले प्रतिवेदनमै उल्लेख गरेको बताए।

    ‘नेकपाका बहुमत सचिवालय सदस्यले भनेको मात्र होइन लिखित प्रतिवेदनमै छ,’ पौडेलले भने।

    उनले एम्नेष्टिको प्रतिवेदनले पनि अहिलेको सरकारको पालामा भ्रष्टाचार बढेको देखाएको बताए।

    नेकपाका कार्यकारी अध्यक्ष प्रचण्डले सचिवालयमा कात्तिक २८ गते पेस गरेको १९ पृष्ठको राजनीतिक प्रस्तावमा आफ्नै अध्यक्ष एवं प्रधानमन्त्री केपी ओली नेतृत्वको सरकारलाई भ्रष्टाचारमा संलग्न रहेको आरोप लगाएका थिए।

    सो प्रतिवेदनलाई आजको विरोध प्रदर्शनमा नपाली कांग्रेसले राम्रो एजेण्डाका रुपमा प्रचार ग¥यो।

    महामारीका बेला झन् बढि भ्रष्टाचार
    सभापति देउवाले जनता कोरोनाका कारण खान समेत नपाएका बेला सरकारले महामारीलाई नै भ्रष्टाचार गर्ने मौकाको रुपमा प्रयोग गरेको बताए।

    उनले कांग्रेसले सरकारलाई कोरोना महामारी नियन्त्रणका लागि निःशर्त सहयोग गरेको तर सरकारले भने यस्तो महामारीमा पनि घुस खाने, भ्रष्टाचार गर्ने काम गरेको उनको दाबी थियो।

    ‘हामीले कोरोना नियन्त्रणका लागि आफ्नो आधा तलब, दसैं भत्ता दियौं, तर कम्युनिष्टहरुले यहि बेलामा घुस खाने, भ्रष्टाचार गर्ने काम गरे,’ उनले भने।

    सांसद गगन थापाले पनि प्रधानमन्त्रीप्रति तीव्र आक्रोश व्यक्त गरे।

    ‘संसदमा दुईतिहाइ बहुमत रहेको, ४ सय भन्दा बढी स्थानीय तहमा सरकार बनाएको र ७ प्रदेशमध्ये ६ वटा प्रदेश जितेको नेकपाको नालायक सरकार मुर्दावाद,’ उनले सभामै आक्रोश पोखे।

    उनले यो सरकारका मानिसहरुले बाहिर भ्रष्टाचार गर्दिन भन्ने तर बाइडबडी जहाज खरिद, सेक्युरिटी प्रेस खरिद आदिमा ठूला भ्रष्टाचार गरेको बताए।

    ‘बालुवाटार जग्गा समेत खर्लप्प खान्छ। त्यतिमात्र होइन बजेट भाषणअघि अहिलेसम्म नभएको व्यापारीलाई बोलाएर राजस्वको दर तलमाथि गर्छु भनेर पोस्ने काम गर्छ,’ थापाको दाबी थियो।

    नेता थापाले यिनै एजेण्डा लिएर अब निर्वाचनमा गएर यसको हिसावकिताब खोज्ने पनि बताए।

    ‘गणतन्त्रविरुद्ध सडक प्रदर्शन गर्ने होइन,’ थापाले राजतन्त्रका पक्षमा उत्रेकाहरुलाई सम्बोधन गर्दै भने, ‘अब निर्वाचनमा गएर यसको हिसावकिता खोज्ने हो।’

    कांग्रेसका उपसभापति विमलेन्द्र निधि भक्तपुरमा, डा. रामशरण महत चितवन, महामन्त्री शशांक कोइराला मोरङ, डा. प्रकाशशरण महत झापा, विश्वप्रकाश शर्मा हेटौंडा, गुरु घिमिरे खोटाङ, प्रदीप पौडेल कञ्चनपुरमा सम्बोधन गर्न पुगेका थिए।

    Facebook Comments Box

    सरकारविरुद्ध प्रदर्शन र भाषण
    Share. Facebook Twitter Pinterest LinkedIn Tumblr Email Copy Link
    पहिलोक्लिक
    • Website
    • Facebook
    • X (Twitter)

    पहिलो क्लिक डटकम आम सरोकारका विषयलाई प्राथमिकता दिने नेपालको अनलाइन न्यूज पोर्टल हो ।

    Related Posts

    ‘कान खोलेर सुने हुन्छ, एमाले फेरि सरकारमा आउँछ’ : केपी ओली

    November 18, 2026

    मोदीसँग भेट्नुअघि प्रधानमन्त्री बालेन्द्रलाई भारतीय राजदूतको यस्तो सन्देश, भ्रमणको तयारी पूरा ।

    November 18, 2026

    आईजीपीबाट हटाइएका दानबहादुर कार्कीको मुद्दा सर्वोच्चमा, सरकारको निर्णय उल्टिएला ?

    November 18, 2026

    यो कार्कीमाथिको कारवाही होइन जिम्मेवारी हेरफेर मात्रै हो: मन्त्री पोखरेल

    November 4, 2026

    अन्तत: कार्कीलाई हटाएर केसी प्रहरीको महानिरीक्षक नियुक्त

    November 4, 2026

    पहिलो पटक ‘कुकुर तिहार’ रिल प्रतियोगिता

    November 4, 2026
    Add A Comment

    Leave A Reply Cancel Reply

    About Us
    About Us

    पहिलो क्लिक डटकम जनसरोकारका विषयलाई प्राथमिकता दिने नेपालको अनलाइन न्यूज पोर्टल हो । सत्यता, निष्पक्षता र विश्वसनीयता हाम्रो सिद्धान्त हो । पहिलो क्लिकले समाचार पोर्टल मात्र होइन, आवाजविहीनहरुको आवाज पनि हो ।

    Facebook X (Twitter)
    Pahilo Click Studio
    https://www.youtube.com/watch?v=RVOSL5cqB1w
    Contact

    01-4410872
    pahiloclick@gmail.com
    New Plaza, Putalisadak, Kathmmandu
    सूचना विभाग दर्ता नं: २०१७/२०७७/७८

    © 2026 GOSA Designs. Designed by GOSA.
    • राजनीति
    • प्रदेश
    • विश्व
    • समाज
    • सिफारिस

    Type above and press Enter to search. Press Esc to cancel.