काठमाडौं: इजरायलमा गत हप्ता भएको प्यालेस्टिनी हमास समूहको आक्रमणमा परी ज्यान गुमाएका दशमध्ये पाँच नेपालीको शव दूतावासलाई प्राप्त भएको छ। नेपाली दूतावास तेल अबिबले शव प्राप्त भएको र चाँडै नेपाल पठाइने जनाएको छ।
दूतावासका अनुसार मृत्यु भएकामध्ये नारायण प्रसाद न्यौपाने, लोकेन्द्रसिंह धामी, गणेशकुमार नेपाली, दिपेश राज विष्ट र आशीष चौधरीको शव प्राप्त भएको छ।
अन्य शव प्राप्त हुने क्रममा रहेको दूतावासले विज्ञप्तिमा जनाएको छ। घटनामा घाइते भएका चारमध्ये दुईको अस्पतालबाट डिस्चार्ज भएको र एक जना नेपाल फर्किएको पनि विज्ञप्तिमा जनाइएको छ। घाइते दूतावासकै हेरचाहमा रहेको र दुई जना उपचाररत रहेका छन्।
सम्पर्कविहीन रहेका विपीन जोशीको खोजी कार्य जारी रहेको दूतावासले जनाएको छ।
Facebook Comments Box
