Author: पहिलोक्लिक

काठमाडौँः ग्याँस रिफाइनरी प्लान्टको सम्भाव्यता अध्ययन गर्न १३ वटा कम्पनीले आवेदन दिएका छन । नेपाल आयल निगमले अघि बढाएको झापा र जनकपुरको ग्यास प्लान्टको सम्भाव्यता अध्ययन इरान, भारत, चीन र पाकिस्तान लगायतका १३ वटा कम्पनीले प्रस्ताव पेस गरेको निगमका नायब कार्यकारी अधिकृत सुशिल भट्टराईले जानकारी दिएका छन् । निगमले आह्वान गरेको टेण्डरपछि ती कम्पनीले प्रस्ताव पेस गरेका हुन् । झापाको चारआलीमा बन्ने ग्यास प्लान्ट सम्भाव्यता अध्ययन गर्न ७ कम्पनी र जनकपुरका लागि ६ वटा कम्पनीले प्रस्ताव पेश गरेको उनले बताए । उक्त प्रस्तावहरुको मुल्यांकन गरी केही हप्ताभित्र निगमले कम्पनी छनौट गर्ने र यही आर्थिक वर्षभित्र ग्याँस प्लाण्टको निर्माण कार्य…

सर्लाही: गोडैता नगरपालिका वडा १० स्थित सिसौटिया झगरु टोलमा हुन लागेको विवाह रोकिएको छ । टोलका तेजनारायण महतोले आफ्नी १७ वर्षीया छोरीलाई विवाह गर्न लागेको सूचना प्रहरीमा पुगेपछि विवाह रोकिएको हो । प्रहरी प्रवक्ता एवं प्रहरी नायब उपरीक्षक प्रतीतसिंह राठौरले बालविवाह हुन लागेको सूचनाका आधारमा विवाह रोकिएको जानकारी दिए । राष्ट्रिय रोजगार प्रवद्र्धन केन्द्र र सेभ द चिल्ड्रेनको सहयोगमा यहाँ सञ्चालित किशोरी तथा किशोर समूह कार्यक्रमको पहलमा बालविवाह रोक्ने काम हुँदैआएको छ । नगरपालिका भित्र २४ किशोरी, १२ किशोर र १२ वटा अभिभावक समूह गठन भई बालविवाह, लैङ्गिकहिंसा, बालश्रम रोकथामका लगायतका क्षेत्रमा क्रियाशील रहेका छन् । विगत दुई…

भक्तपुर: शिक्षा मन्त्रालयले भक्तपुरको चाँगुनारायणस्थित नेपाल इञ्जिनीयरिङ कलेज सञ्चालनको जिम्मेवारी चाँगुनारायण नगरपालिकालाई दिएको छ । शिक्षामन्त्री गिरिराजमणि पोखरेलको नेतृत्वमा सोमबार मन्त्रालयमा बसेको बैठकले कलेज सञ्चालनको जिम्मेवारी नगरपालिकालाई दिने निर्णय गरेको हो । बैठकले नगरपालिकाका प्रमुख सोमप्रसाद मिश्रको अध्यक्षतामा नौ सदस्यीय सञ्चालक समितिसमेत गठन गरेको छ । समितिका सदस्यमा सहायक प्रमुख जिल्ला अधिकारी, पोखरा विश्वविद्यालयका इञ्जिनीयर, कलेजका प्रिन्सिपललगायत रहेका छन् । सञ्चालक समितिको विवादका कारण कलेज सञ्चालनमा नकारात्मक असर पर्दै कलेजको आर्थिक, प्रशासनिक तथा पठनपाठनमा समेत बाधा पर्न गएकाले पछि अदालतबाट प्राप्त फैसलाबमोजिम हुनेगरी तत्काललाई नगरपालिकाले सञ्चालन गर्ने निर्णय गरिएको मन्त्रालयका उपसचिव लक्ष्मीकुमार खड्काले जानकारी दिए । …

सुरुङ्गा: पूर्व–पश्चिम राजमार्गअन्तर्गत झापाको कनकाई नगरपालिका–४ कोटिहोम नजिकै आज भएको सवारी दुर्घटनामा परी एक जनाको मृत्यु भएको छ । मृत्यु हुनेमा मोरङको अमरदह नगरपालिका–२ का २३ वर्षीय किसन साह रहेका छन् । सडक छेउमा रोकीराखिएको ना५ख ७६६ नं को ट्रकमा पश्चिमबाट पूर्वतर्फ आउँदै गरेको को ३९ प ७५४ नं को मोटरसाइकल ठोक्किएर पुनःपश्चिम जाँदै गरेको मे १ च ४२८१ नं को कारसँग ठक्कर खाँदा मोटरसाइकल चालक साहको मृत्यु भएको प्रहरीले जनाएको छ ।

काठमाडौं : सामान्य रुपमा मौसम परिवर्तनले होस् या तातो चिसो खानेकुरा नमिलेर होस् प्राय मान्छे रुघा खोकीको सिकार हुने गरेका छन् । हरेक मौसममा रुघाखोकीले हरेक उमेर समूहका मानिसहरुलाई सताउने गर्दछ तर पनि धेरै जसोलाई यसले जाडो महिनामा सताउने गर्छ । रुघा लाग्नुको प्रमुख कारण भनेको ‘rhino virus ‘ नै हो । अरु दुई सयभन्दा बढी प्रकारका भाइरसबाट पनि यो रोग लग्न सक्छ । रुघाखोकी लाई प्राय सामान्य रोगमा नै गनिने गर्दछ तर सामान्य भन्दै हेल्चक्राई भने पक्कै गर्न हुन्न । लक्षणहरु : घाटी खस्खसाउने, दुख्ने, शरीर गल्ने, नाखबाट पातलो सिंगान बग्ने, खोकी लाग्ने, ज्वरो…

काठमाडौं : १३ औँ सागको पुरुष फुटबलको फाइनलको टिकट किन्ने दर्शक प्रहरीबाट कुटिएका छन्। आज मंगलबार १३ औँ सागको पुरुष फुटबलको फाइलन हेर्नका लागि टिकट लिन पुगेका दर्शक रंगशालाबाहिरै प्रहरीबाट कुटिएका हुन्। नेपाल र भुटानबीच हुने पुरुष फुटबलको फाइनल हेर्न बिहानैदेखि दर्शकहरु दशरथ रंगशाला बाहिर पुगेका थिए। टिकटका लागि उनीहरु बिहानै रंगशाला पुगेका हुन्। यसअघि नै आयोजकले टिकट सकिएको बताएको थियो। टिकट लिन जानेको भीड बढ्दै गएपछि प्रहरीले उनीहरुलाई हट्न पटक पटक आग्रह गरेको र नहटेपछि लाठी प्रहार गरेको एक प्रत्यक्षदर्शीले बताए। प्रहरीले केही व्यक्तिलाई घेरा हालेर लात्तीले समेत कुटेको थियो। प्रहरीबाट भएको दमनको फोटो खिचिरहेका नागरिक दैनिकका…

बैतडी: पाटन नगरपालिकाले वडा कार्यालय भवन निर्माणमा प्राथमिकता दिएको छ । भवन नभएका र पुराना जीर्ण भवन भएका वडा कार्यालयका भवन निर्माणमा प्राथमिकता दिएको नगरप्रमुख केशवबहादुर चन्दले जानकारी दिए । दश वडा रहेको नगरपालिकाका तीन वटा वडाका नयाँ भवन निर्माण सम्पन्न भएको र चालू आवमा थप तीन वडाका भवन निर्माण गर्न बजेट विनियोजन भएको छ । नगरप्रवक्ता लोकबहादुर भण्डारीका अनुसार रु ४०÷४० लाखको लागतमा वडा कार्यालयका भवन निर्माण सम्पन्न भएका हुन् । उनले भने, “वडा नं ३, ७ र ९ का वडा कार्यालय भवन निर्माण भएर सेवा सञ्चालनमा आइसकेका छन् ।” वडा कार्यालयको भवन निर्माण भएपछि दैनिक कामकाज…

काठमाडौँ : काठमाडौँ महानगरपालिकाले माग्ने पेशामा लागेका व्यक्तिलाई कडा कारबाहीको चेतावनी दिएको छ । महानरपलिकाले आजदेखि तीन दिनभित्र माग्ने वा असहायमार्फत माग्न लगाउने व्यक्तिलाई यस्ता गतिविधि रोक्न चेतावनी सहितको सार्वजनिक अपिल जारी गरेको छ । मुलुकी अपराध संहितामा सडक, गल्ली, उद्यान, सवारी बिसौनीस्थल, सरकारी कार्यालय, कार्यालयको परिसर र सार्वजनिक सवारीसाधनमा भिक्षा माग्न वा माग्न लगाउन नहुने उल्लेख छ । भिक्षा माग्नेलाई अधिकतम दुई महिना कैद र रु दुई हजारसम्म जरिवाना तथा माग्न लगाउनेलाई तीन वर्ष कैद र रु ३० हजारसम्म जरिवाना हुने संहितामा रहेको छ । कामनपा प्रमुख विद्यासुन्दर शाक्य भन्छन, “माग्ने पेशा गर्न नपाइने कानूनलाई…

चिप्लेढुङ्गा: गण्डकी प्रदेशका प्रदेशसभा सदस्य महिलाले समान पदमा पनि विभेदको सामना गर्नुपरेको अनुभव सुनाएका छन् । मिडिया हाउस र युएनडिपीको सहयोगमा पोखरामा भएको लैङ्गिक सवालमा संसदीय निगरानी कार्यक्रममा प्रदेशसभा सदस्यले मिश्रित र प्रत्यक्ष प्रणालीबाट निर्वाचित प्रदेशसभा सदस्यलाई विभेदको दृष्टिकोणले हेरिने गरेको अनुभव सुनाएका हुन् । प्रदेशसभा सदस्य धनमाया लामाले भनिन, “हामी एउटै रङको कोट लगाउँछौँ, एउटै लोगो छ तर पनि प्रत्यक्ष र समानुपातिक भन्दै विभेद गरिन्छ, यसले हाम्रो आत्मसम्मान चोट पुगेको छ, प्रत्यक्षमा अधिकांश पुरुष निर्वाचित हुनुहुन्छ, स्वभाविक पनि हो प्रत्यक्षमा पुरुषले नै टिकट पाउनुभएको छ । राजनीतिमा निरन्तर योगदानसहित समानुपातिकबाट सभा सदस्य बने पनि दयामायाबाट मात्रै अवसर पाएजस्तो…

पोखरा:  पोखरा महापालिका–२३ चापाकोटमा यही मङ्सिर २५ देखि २९ गतेसम्म हुने ‘चापाकोट देउराली सामुदायिक घरवास सांस्कृृतिक महोत्सव’को तयारी अन्तिम चरणमा पुगेको छ । पर्यटकीय दृष्टिले महत्वपूर्ण ठाउँ भए पनि ओझेल परेका कारण चापाकोटको प्रचारप्रसार गर्ने उद्देश्यले महोत्सव आयोजना गर्न लागिएको र सम्पूर्ण तयारी अन्तिम चरणमा पुगेको चापाकोट पर्यटन प्रवद्र्धन समितिका अध्यक्ष भीमप्रसाद पराजुलीले जानकारी दिए । पोखराबाट १३ किलोमिटर पश्चिमतर्फ रहेको उक्त ठाउँमा चापाकोट पर्यटन प्रवद्र्धन समिति, चापाकोट देउराली सामुदायिक घरवास र पोखरा महानगरपालिका वडा नं २३ ले संयुक्तरूपमा महोत्सव गर्न लागेका हुन् । महोत्सवमा स्थानीय संस्कृति, राष्ट्रिय कलाकारको लोकदोहोरी तथा हास्य कलाकारको प्रस्तुतिका साथै नौमतीबाजा, भजन चुड्का…