Author: पहिलोक्लिक

काठमाडौं: नेपाल क्लियरिङ हाउसले संचालनमा ल्याएको कनेक्ट आइपिएस इपेमेन्ट प्रणालीमा कृषि विकास बैंक आवद्ध भएको छ। अब बैंकका ग्राहकहरुले आफ्नो बैंक खाताबाट विभिन्न अनलाईन भूक्तानी गर्न पाउने विज्ञप्तिमा उल्लेख छ। यो प्रणालीमा बैंकका ग्राहकले खातालाई लिंक गरेर भूक्तानी लगायतका सेवा पाउने कम्पनीले जनाएको छ। यो प्रणालीमार्फत राजस्व भूक्तानी,लोकसेवा आयोगको भुक्तानी, कम्पनी रजिष्ट्रार कार्यालयको भुक्तानी,नागरिक लगानी कोषको भुक्तानी, रकम ट्रान्सफर, क्रेडिट कार्ड बिल भुक्तानी, मोबाईल वालेटमा फण्ड लोड, सेयर ब्रोकरलाई भुक्तानीे लगायतमा अन्य विभिन्न सेवा प्रदायकहरुलाई भुक्तानी गर्न सकिनेछ। यो प्रणालीमा अहिलेसम्म ५७ वटा बैंक तथा वित्तिय संस्थाले सम्झौंता गरेर ५१ वटाले सेवा दिइरहेका छन्।

काठमाडौँ: निर्माणाधीन काठमाडौँ–निजगढ द्रुतमार्गमा समेत पेट्रोलियम पाइपलाइन बिछ्याउने बारेमा अध्ययन अगाडि बढाइएको छ । अमलेखगञ्जसम्म आइपुगेको पाइपलाइनलाई निर्माणाधीन द्रुतमार्ग हुँदै काठमाडौँसम्म ल्याउने सम्भावनाको अध्ययन सुरु भएको हो । त्यसको अध्ययनका लागि उद्योग, वाणिज्य तथा आपूर्ति मन्त्रालयले प्रक्रिया अगाडि बढाइसकेको छ । मन्त्रालयका सचिव केदारबहादुर अधिकारीले स्थलगत सम्भाव्यता अध्ययन गर्ने मागसहित रक्षा मन्त्रालयमा पत्र पठाइसकिएको जानकारी दिनुभयो । दुई हप्ताअघि पठाइएको पत्रको अहिलेसम्म कुनै जवाफ भने आइनसकेको उहाँको भनाइ छ । रक्षा मन्त्रालयको सकरात्मक जवाफ आउने वित्तिकै दु्रतमार्गमा सम्भाव्यता अध्ययनका लागि प्रक्रिया अगाडि बढाइने उनले बताए । यो समाचार आजको गोरखापत्र दैनिकमा छ ।

काठमाडौं : पूर्वराजा वीरेन्द्र र उनको परिवारका नामको २१ हजार पाँच सय ६३ रोपनी जग्गा नेपाल ट्रस्टमा आएको छ । ती जग्गा सदुपयोग हुन नसक्दा बेवारिसे बनेको छ । काठमाडौंको चार हजार चार सय ३८ रोपनी ९ आना र धादिङको १५ हजार १०१ रोपनी ११ आना २ पैसा १ दाम ट्रस्टको नाममा आएको हो । यसैगरी भक्तपुर, ललितपुर, नुवाकोट, धनकुटा, मकवानपुर, काभ्रे, सुर्खेत, कास्की, चितवन, सिन्धुपाल्चोकमा पूर्वराजा वीरेन्द्र, तत्कालीन रानी ऐश्वर्य, युवराज दीपेन्द्र र अधिराजकुमार निराजनका नाममा रहेका जग्गाको स्वामित्व ट्रस्टको नाममा ल्याइएको छ । ट्रस्टमा ल्याएको जग्गा व्यवस्थापन हुन भने सकेको छैन । ट्रस्टमा आएको जग्गामध्ये कोही लिजमा दिइएको…

काठमडौं : संस्कृति, पर्यटन तथा नागरिक उड्डयनमन्त्री योगेश भट्टराईले नेपाल भ्रमण वर्ष २०२० को तयारी भव्य हुने बताएका छन्। उनले २० हजार व्यवसायी टुँडिखेलमा उतारेर भ्रमण वर्षको शपथ खान तयार रहेको बताए। ‘भ्रमण वर्ष सफल बनाउन निजी क्षेत्रको साथ र सहयोग आवश्यक छ’, शुक्रबार राजानीमा अयोजित नेपाल भ्रमण वर्ष २०२० को लागि आवश्यक सुझाव कार्यक्रममा मन्त्री भट्टराईले भने, ‘राज्य र निजी क्षेत्रको सहकार्यमा पूर्वाधार निर्माण गर्ने र पर्यटन वर्षलाई सफल पार्न सकिन्छ।’ यसका लागि सरकारी निकायले गर्नुपर्ने कामको वर्गीकरण गरेर जान सरकार तयार रहेको उनले जानकारी दिए। भ्रमण वर्ष सफल पार्न निजी क्षेत्रसँग छलफल गर्न र अवाश्यक साथ र सहयोगको…

काठमाडौँ: नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले गणतान्त्रिक परिवर्तका सबै शक्तिहरु मिलेर मुलुकलाई समृद्ध बनाउनुको विकल्प नभएको बताउनुभएको छ । शमी साहित्य प्रतिष्ठानद्वारा आज काठमाडौँमा आयोजित कवि दीनानाथ शर्माको निबन्ध सङ्ग्रह ‘झरीको सौन्दर्य’ र शमी साहित्यिक मासिक पत्रिकाको विमोचन कार्यक्रमा अध्यक्ष दाहालले परिवर्तनका सहयात्रीहरु मिलेर देशलाई शान्तिपूर्ण रुपान्तरण गर्नुपर्नेमा जोड दिनुभयो । उहाँँले भन्नुभयो, “यो परिवर्तनलाई संस्थागत गर्नु बाहेक अर्काे विकल्प छैन, अँध्यारो कुनामा बसेर झटारो हानेर विकल्प आउछ कि भन्नुको कुनै अर्थ छैन ।” अध्यक्ष दाहालले विद्रोहको नेतृत्व र जिम्मेवारी लिँदै मुलुकलाई शान्तिपूर्ण रुपान्तरण गर्नमा महत्वपूर्ण भूमिका खेलेको जिकिर गर्नुभयो । हाल पार्टी एकता जस्तो ऐतिहासिक प्रक्रियासमेत…

लहान: धान रोपाइँका समयमा अत्यधिक माग हुने रासायनिक मलको कालोबजारी गरिरहेको आरोपमा प्रहरीले सिरहाबाट दुई जना व्यापारीलाई आज पक्राउ गरेको छ । युरिया र डिएपिलगायतका रासायनिक मल कालोबजारी गरिरहेको सूचनाका आधारमा प्रहरीले सिरहा नगरपालिका–१२ सारस्वरस्थित रोहित खाद्य भण्डार तथा जनरल स्टोरका सञ्चालक सन्तोषप्रसाद गुप्ता र अनिल खाद्य एवं जनरल स्टोरका सञ्चालक स्थानीयवासी भागिरथ साहलाई पक्राउ गरेको हो । इजाजतपत्रबिना मलको डिपो सञ्चालन गरी नेपालमापर्ने मूल्य भन्दा बढी मूल्य लिई मलखाद बिक्री वितरण गरी कालोबजारी गरिरहेको सूचनाका आधारमा प्रहरी टोलीले दुवै जनालाई पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक अपिलराज बोहराले जानकारी दिनुभयो । सो क्रममा गुप्ताको पसलबाट युरिया…

काठमाडौँ: सरकारले धुलो दूधको आयात प्रतिबन्ध नहटाउने स्पष्ट पारेको छ । कृषि तथा पशुपक्षी विकास मन्त्रालयमा आज निजी डेरी उद्योगीसँग भएको छलफलमा कृषिमन्त्री चक्रपाणि खनालले धुलो दूध आयात खुला गरिनु किसान र उपभोक्ताको हितमा नरहेको उल्लेख गर्दै आयातमा लगाइएको प्रतिबन्ध नहटाइने स्पष्ट पारे । बाहिर प्रचार गरिए जस्तो दूधको अभाव नभएको उल्लेख गर्दै उनले केही समयलाई दूध अपुग भए आन्तरिक रुपमै व्यवस्थापन गर्न ध्यान केन्द्रित गरिने बताए । उनले भने, “गाउँमा दूध पर्याप्त छ । त्यसलाई शहरसम्म ल्याइपु¥याउने विधि खोजौँ । बरु सूचना जारी गरौँ । गाडी नपुगेका ठाउँमा गाडी लैजाऔँ ।” छलफलमा निजी डेरी उद्योगीले पाउडर दूध आयातमा लगाइएको…

काठमाडौं: आपूर्ति व्यवस्थापनलाई सहज बनाउँदै उपभोक्ता अधिकार स्थापित गराउन सङ्घीय सरकारले प्रदेश र स्थानीय सरकारसँग सहकार्य थालेको छ। अन्य समयको तुलनामा चाडपर्वमा उपभोक्तामाथि विभिन्न नाममा ठगी हुने गरेका विगतको उदाहरणबाट पाठ सिक्दै उद्योग, वाणिज्य तथा आपूर्तिमन्त्रालयले आज आपूर्ति व्यवस्थापनलाई प्रभावकारी बनाउन सातै प्रदेशका वाणिज्य तथा आपूर्तिसँग सम्बन्धितमन्त्री, महानगरपालिका तथा उपमहानगरपालिकाका प्रमुखसँग छलफल गरेको हो। कार्यक्रममा उद्योग, वाणिज्य तथा आपूर्तिमन्त्री मात्रिका यादवले आपूर्ति व्यवस्थापनलाई सहज बनाउन तीनै तहको सरकारको समन्वयात्मक भूमिकाको खाँचो औँल्याए। प्रदेश र स्थानीय सरकारलाई विश्वासमा लिएर आपूर्ति व्यवस्थापनमा सङ्घीय सरकारले नयाँ कामको शुरुवात गरेको उल्लेख गर्दै उनले तीनवटै सरकारको साझा प्रयासबाट मात्र आपूर्ति व्यवस्थापन सहज हुने बताए। “चाडपर्वमा…

काठमाडौं: स्वदेशी उद्योगीनै सक्षम भइसकेको भन्दै सिमेन्टमा विदेशी लगानीमा रोक लगाउन माग गरेका छन्। नेपाल सिमेन्ट उत्पादक संघले शुक्रबार उद्योगमन्त्री मातृका यादबसहित सरोकारवालासँग गरेको छलफलमा विदेशी लगानी तत्कालै रोक्नुपर्ने माग गरे। संघका अध्यक्ष ध्रुब थापाले स्वदेशी लगानीकर्तानै सिमेन्ट उद्योगमा लगानी गर्न सक्षम रहेको र माग भन्दा बढी उत्पादन भइसकेकोले विदेशी लगानी रोक्नुपर्ने बताए। उनका अनुसार अहिले वार्षिक १ करोड टन सिमेन्टको माग छ। तर अहिले भएका उद्योगको क्षमतानै १ करोड ५० लाख टन छ। चिनियाँ लगानीको होङसी शिवम सिमेन्ट आएपछि स्वदेशी उद्योगीले विदेशी लगानी आवश्यक नरहेको भन्दै लविङ गर्दै आएका छन्। अहिले मुलुकभित्र झण्डै ६० उद्योग छन्।केही ठूला लगानीमा अरु…

काठमाडौँ: धादिङमा भएको यात्रुबस दुर्घटनामा मृतकको संख्या पाँच पुगेको छ । धादिङको बेनिघाट रोराङ गाउँपालिका–३ सलाङघाटस्थित त्रिशुली नदीमा आज बिहान भएको दुर्घटनामा मृतकको संख्या पाँच पुगेको हो । मृत्यु हुनेमा सर्लाहीका ३५ वर्षीय अजय दास, सर्लाहीकै २५ वर्षीय विजय कुर्मी छन् । अर्का एक जना मृतकको भने सनाखत हुन सकेको छैन । उनीहरु तीनै जनाको घटनास्थलमा मृत्यु भएको हो । यस्तै चितवनको जुगेडीमा एक जनाको शव फेला परेको छ भने मुग्लिनमा पनि अर्का एक जनाको शव फेला परेको प्रहरीले जनाएको छ । उनीहरुको पनि सनाखत हुन सकेको छैन । धादिङका प्रमुख जिल्ला अधिकारी भागिरथ पाण्डेयका अनुसार बसबाट १६ जनाको जीवित…