Author: पहिलोक्लिक

काठमाडौँ: सरकारले नेपाल विशेष सेवा (आठौँ संशोधन) नियमावली, २०७५ स्वीकृत गरेको छ । सरकारका प्रवक्ता गोकुलप्रसाद बाँस्कोटाले यही पुस १९ र २३ गते प्रधानमन्त्री तथा मन्त्रिपरिषद्को कार्यालय सिंहदरबारमा बसेको मन्त्रिपरिषद्को बैठकले गरेका निर्णय आज सार्वजनिक गर्दै सकारले राष्ट्रिय जीवनका विभिन्न क्षेत्रमा रहेका महानुभावको मर्यादाक्रम स्वीकृत गर्ने निर्णय गरेको जानकारी दिए । २०७४ सालको स्थानीय तह निर्वाचनपछि सरकारले राष्ट्रपतिलगायत राष्ट्रिय जीवनका बिभिन्न क्षेत्रमा रहेका व्यक्तिहरुको मर्यादाक्रम हेरफेर गरेको थियो । त्यसमा गाउँपालिका अध्यक्षलगायत स्थानीय जनप्रतिनिधिलाई नेपाली सेनाका क्याप्टेनभन्दा पनि तल राखिएपछि विवाद भएको थियो । नयाँ सरकारी मर्यादाक्रममा जनप्रतिनिधिलाई कर्मचारीभन्दा माथि राखिएको छ । त्यस्तै नगरपालिकाका मेयरलाई सहसचिवभन्दा तल राखिएको थियो…

काठमाडौँ : काठमाडौँमा चिसो बढेसँगै सडक, मन्दिर, प्रतिक्षालयलगायत विभिन्न स्थानमा बेवारिसे मानिसको मृत्युका घटना बढे । प्रहरीको नियन्त्रण कक्षमा रहेको १०० नम्बरमा फोन गरी स्थानीयले बेवारिसे व्यक्ति सडकमा फेला प¥यो भनेर पटकपटक जानकारी दिन थाले । चिकित्सा सेवा नपाएर चिसोका कारण खुला आकाशमुनि बस्ने वृद्धवृद्धा बढी मृत्युको सिकार हुने गरेका घटना छन् । पटकपटक यस्ता जानकारी आउन थालेपछि प्रहरीले विभिन्न सङ्घ संस्थासँग सहकार्य गरेर उनीहरुलाई सडकबाट उठाउने अभियान थालेको प्रहरी परिसर काठमाडौँका प्रमुख वसन्त लामाले बताए । “चिसो र समयमै उपचार नपाएर कसैले पनि मृत्युवरण गर्न नपरोस् भन्ने हाम्रो उद्देश्य हो”, लामाले भने, “अशक्त वृद्धवृद्धालाई सडकबाट उठाएर विभिन्न आश्रममा आश्रय…

काठमाडौँ: सर्वोच्च अदालतले अयजराज सुमार्गीको मुक्तिश्री सिमेन्ट उद्योगमा आएको वैदेशिक लगानीबाट निकालेको रकम नेपाल इन्भेष्टमेन्ट बैंकको खातामा जम्मा गर्न आदेश जारी गरेको छ । प्रधानन्यायाधीश चोलेन्द्रशमशेर जवरा र न्यायाधीश डा आनन्दमोहन भट्टराईको संयुक्त इजलासले मङ्गलबार जारी गरी आज सार्वजनिक गरेको लिखित आदेशमा सुमार्गीलाई वैदेशिक लगानीबाट आएर निकालेको रकम पुनः सो खातामा जम्मा गर्न आदेश जारी गरेको हो । आदेशमा भनिएको छ, “कानूनबमोजिम रकम नेपाल भित्र्याइएकोे हो वा होइन भन्ने प्रश्न अनुत्तरित्त अवस्थामा हुँदा कानूनबमोजिम जे जस्तो कारवाही र प्रक्रिया अपनाउनुपर्ने हो अपनाइ सो रकम इन्भेष्टमेन्ट बैंकमा राख्नु, राख्न लगाउनु ।” नेपाल राष्ट्र बैंकको लिखित जवाफमा रकम पठाउने अजयराज सुमार्गी र…

सिन्धुली: बलात्कार, हत्या तथा बेपत्ताको आरोप लागेका ‘लिटिल बुद्ध’ भनिने रामबहादुर बम्जनको एक आश्रमबाट आज एक महात्मा गुरुलाई प्रहरीले नियन्त्रणमा लिएको छ । सिन्धुलीको कमलामाई नगरपालिका–८ स्थित पैरे धापसार भन्ने स्थानमा रहेको आश्रममा सिन्धुपाल्चोकबाट आएको प्रहरीले महात्मा गुरुलाई सोधपुछका लागि नियन्त्रणमा लिएको हो । आश्रमबाट महात्मा गुरु भनिने इन्द्रबहादुर स्याङ्तानलाई सोधपुछका लागि ल्याइएको जिल्ला प्रहरी कार्यालय सिन्धुलीका प्रहरी उपरीक्षक रामेश्वरप्रसाद यादवले जानकारी दिनुभयो । उहाँले हेटौँडा घर भएका स्याङ्तानलाई सिन्धुली आश्रमबाट सामान्य सोधपुछ गर्नुपर्ने भएकाले ल्याइएको बताउनुभयो । प्रहरीले सामान्य सोधपुछका लागि ल्याइएको बताए पनि अन्य जानकारी भने दिएको छैन । यसैबीच सिन्धुपाल्चोकबाट प्रहरी नायव उपरीक्षक विमलराज कँडेलको टोली पनि…

काठमाडौ: नेपाल आयल निगमले हवाई इन्धनको मूल्य १० रुपैयाँ प्रतिलिटर घटाएको छ । घटाएको मूल्य आन्तरिक उडानको लागि मात्रै हुनेछ । घटाएको मूल्य बिहीबार राति १२ बजेदेखि लागू हुने निगमका प्रवक्ता वीरेन्द्र गोइतले जानकारी दिए । उनका अनुसार अवको आन्तरिकतर्फ हवाई इन्धन मूल्य ९५ रुपैयाँ ५० पैसा हुनेछ । यसअघि १०४ रुपैयाँ ५० पैसा रहेको थियो । यसैबीच निगमका नवनियुक्त कार्यकारी निर्देशक सुरेन्द्रकुमार पौडेलले निगमको पुनर्संरचना गर्ने बताएका छन् । कार्यकारी निर्देशक पौडेलले निगममा हुने गरेका बिकृति, बिसंगतिको अन्त्य गर्दै निगमका हरेक गतिविधिलाई पारदर्शी बताउने प्रतिवद्धता जनाए । बिहीबार निगमको ४८ औं वार्षिकोत्सवको अवसर पारेर काठमाडौंमा आयोजित एक कार्यक्रममा बोल्दै…

काठमाडौँ: साताको अन्तिम कारोवारको दिनमै पूँजी बजारमा सामान्य सुधार आएको छ । नेपाल स्टक एक्सचेञ्जका अनुसार कारोवार मापक नेप्से परिसूचक बिहिबार एक दशमलब ४८ अंकले बढेर एक हजार १८० दशमलब ८४ अंकमा पुगेको छ । यस्तै ‘क’ वर्गका कम्पनीको कारोवार मापन गर्ने सेन्सेटिभ परिसूचक शुन्य दशमलव ३९ अंकले घटेर २५० दशमलब ६५ अंकमा पुगेको छ । आज कूल १६३ कम्पनीका १३ लाख ८७ हजार ५९२ कित्ता शेयर ३६ करोड ६३ लाख २४ हजार १६४ मूल्यमा खरीद बिक्री भएका छन् । आजको कारोवारमा सबै भन्दा बढी निर्जीवन बीमा समूहको परिसूचक २२ दशमलब १७ अंकले र जीवन बीमा ५ दशमलब ९६ अंकले…

काठमाडौँ: तपाइँले नयाँ आवास तथा घरका लागि नेपाल विद्युत् प्राधिकरणसँग नयाँ मिटरको लागि आवेदन दिनुभएको छ भने अब तपाईंले लामो समय कुर्नुपर्ने छैन । प्राधिकरणले आफ्ना ग्राहकलाई सहजरूपमा सेवा दिने लक्ष्यका साथ प्रक्रिया पुगेकालाई सात दिनभित्र नयाँ मिटर दिने व्यवस्था गर्न मातहतका सबै कार्यालयलाई निर्देशन दिएको छ । प्राधिकरणले ‘सिङ्गल फेज’को नयाँ मिटर सात दिनभित्रमा जडान गरिदिन र उपभोक्तालाई कुनै पनि प्रकारको दुःख नदिन निर्देशन दिएको छ । प्राधिकरणले प्रवाह गर्ने सेवालाई अझ प्रभावकारी बनाउन सिङ्गल फेजको मिटरका लागि निवेदन दिने ग्राहकको मिटर सात दिनभित्रमा जडान गरिदिने प्रतिबद्धतासमेत जनाएको छ । कहीँ कतै त्यस्तो व्यवस्था लागू नभएको पाइए कार्यकारी निर्देशक…

काठमाडौँ : सरकारले कृषि क्षेत्रमा जाने अनुदानमा पुनःमूल्याङ्कन गर्ने भएको छ । व्यक्तिगतरूपमा दिँदा अनुदानको दुरुपयोग भएकाले पुनःमूल्याङ्कन गरेर सहकारीमार्फत जाने तयारी सरकारले गरेको अर्थमन्त्री डा युवराज खतिवडाले जानकारी दिए । “राज्यबाट कृषिमा जाने अनुदानबारे हामी पुनःमूल्याङ्कन गर्दैछौँ, व्यक्तिले लगेको अनुदान दुरुपयोग भयो, हामीले स्वीकार्नै पर्छ, अनुदानको पैसा लियो, उद्यम शुरु ग¥यो तर उपभोक्ताले राहत पाए–पाएनन् भन्ने प्रश्न छ । त्यसैले सरकारले पुनरावलोकन गर्न लागेको हो”, आजदेखि काठमाडौँमा शुरु सहकारी उद्यम प्रवद्र्धन राष्ट्रिय कार्यशालामा मन्त्री खतिवडाले भने । सहकारी संस्थामार्फत कृषि अनुदान गयो भने दुरुपयोग नभई प्रयोग हुनसक्ने र राज्यको लगानीको प्रतिफल आउनसक्ने निष्कर्ष सरकारको छ । यसका लागि कृषि…

काठमाडौं: उद्योग वाणिज्य तथा आपुर्ती मन्त्री मात्रिका यादवले निगम भित्र रहेका विकृती र विसंगती लाई बन्द नगरिकन कसैको पनि कल्याण नहुने बताएका छन् । आफु मंत्री हुनुभन्दा अघि निगम विकृतिले धेरै ठाउमा प्वाललै प्वाल भएर तेल चुहीएको अवस्थामा रहेको र यसलाई टाल्ने प्रयास गरिएको भन्दै उनले अव सबैको सहयोगले अझै रहेकॉअ चुनौतीहरुलाई हल गर्न जरुरी रहेको छ, निमगको ४८ औं वार्षिक उत्सवमा बोल्दै मन्त्री यादवले भने। निगममा ढुवानीकर्ता, चालक, निगमभित्रैकै कर्मचारी र राजनीतिक क्षेत्रका कारण निगम धरासायी अवस्थामा भएकोले अव सबै क्षेत्रका व्यक्तिले निगमलाई व्यवस्थित गर्दै जनताप्रती उत्तरदायी भएर काम गर्नु पर्ने, उनले बताए। “निगमबाट पूर्व राजा ज्ञानेन्द्रदेखि पूर्व प्रम,…

काठमाडौँ: नेपाली सेनाका दुई सहायकरथी गोकुल भण्डारी र यम ढकालबीच आज सैनिक जंगी अड्डामा सैनिक प्रबक्ताको जिम्मेवारीको बुझबुझारथ कार्यक्रम सम्पन्न भएको छ। सैनिक जनसम्पर्क तथा सूचना निर्देशानालयका निर्देशक तथा सैनिक प्रबक्ताको जिम्मेवारी भण्डारीले सहायरथी ढकाललाई हस्तान्तरण गरेका हुन्। यो संगै अव नेपाली सेनाको औपचारिक प्रबक्ताको जिम्मेवारी निर्देशक ढकालले सम्हाल्ने छन्। यसभन्दा अघिका सैनिक प्रबक्ता भण्डारीले एक वर्ष उक्त पद सम्हालेका थिए। सर भण्डारीको भक्तपुरको खरिपाटीस्थित सैनिक तालिम केन्द्रमा सरुवा भएको छ जहान उनले केन्द्रको कमाण्डाण्टको भूमिकामा रहने छन्। यस्तै सर. ढकाल भने पूर्वीपृतना हेडक्वाटरबाट सरुवा भइ सैनिक प्रबक्ताको भूमिकामा आएका हुन्।