Author: पहिलोक्लिक

भक्तपुर: मध्यपुरथिमि नगरपालिकामा नेपाली काँग्रेसको तर्फबाट विजयी भएका जनप्रतिनिधि विभाजित भई छुट्टाछुट्टै पत्रकार सम्मेलन गरेका छन् । नगरपालिकाले हालै सार्वजनिक गरेको नीति, कार्यक्रम तथा बजेटको विषयलाई लिएर काँग्रेसबाट निर्वाचित जनप्रतिनिधि विभाजित भएपछि बहुमत पक्षले नीति, कार्यक्रम तथा बजेटको बचाऊ गरेको छ भने अर्को पक्षले विरोध गरेको छ । काँग्रेसबाट निर्वाचित बहुमत जनप्रतिनिधिले कौशलटारमा पत्रकार सम्मेलन गरी पार्टीको सिद्घान्त, मूल्य मान्यता र विधान अनुशरण गर्दै नगरको नीति, कार्यक्रम तथा बजेट निर्माण गरेको दाबी गरेका छन् । उपप्रमुख अञ्जनादेवी मधिकर्मीसहित वडा नं २ का अध्यक्ष एवं नगरपालिकाका प्रवक्ता राम थापामगर, वडा नं ३ का अध्यक्ष प्रेम कुटु, वडा नं ६ का अध्यक्ष…

काठमाडौँ: स्वेच्छिक अवकाश रोजेका ४६७ कर्मचारीले स्वेच्छिक अवकाशमा नजाने भन्दै निवेदन दर्ता गराएका छन् । सरकारले स्वेच्छिक अवकाश रोजेका कर्मचारीलाई निवेदन फिर्ता गर्न आग्रह गरेपछि अहिलेसम्म ४६७ जना कर्मचारीले निवेदन दर्ता गराएको संघीय मामिला तथा सामान्य प्रशासन मन्त्रालयका प्रवक्ता सुरेज अधिकारीले जानकारी दिए । सचिव डा सरोज पोखरेल र सन्तु कोइरालासहित छ सहसचिव, २२ उपसचिव, २५ शाखा अधिकृतले अवकाशका लागि दिएको निवेदन फिर्ता गरेका छन् । फिर्ताका लागि निवदेन दिनेमा सहसचिव चर्तुभुज ज्ञवाली, विष्णुसिंह विष्ट, विश्वप्रकाश सुवेदी, भरत ढुंगाना, मुक्तिसिंह ठकुरी र बलभद्र गिरी हुनुहुन्छ । प्रवक्ता अधिकारीले अवकाशको निवदेन फिर्ता गर्नका लागि समयसीमा नतोकिएकाले जहिलेसम्म पनि फिर्ता लिन सकिने…

काठमाडौँ: सर्बसाधारणका लागि जारी गरिएको थप सार्बजनिक निष्काशन ( एफपीओ) बिक्री नभएपछि नेपाल बैंकले मंगलबारबाट पुनः आफ्ना संस्थापक तथा सञ्चालकका लागि एफपीओ बिक्री खुला गरेको छ । यसअघि बिक्री खुला गरेको समयमा संस्थागत र सर्वसाधारण लगानीकर्ताले सबै कित्ता सेयरमा आवेदन नदिएपछि संस्थापक, सञ्चालक तथा तिनका परिवारले समेत भर्न पाउने गरी आजदेखि एफपीओ बिक्री खुला गरेको हो । यसमा साउन १७ गतेसम्म आवेदन दिन पाइनेछ । नेपाल बैंकमा सरकार संस्थापक सेयरधनी हो । सरकारकै हिस्सा घटाउन एफपीओ खुला गरिएको हो । यसर्थ, यसमा सरकारले फेरि लगानी गर्ने सम्भावना कम छ । यसबाहेक सञ्चालक समितिका पदाधिकारी, बैंक व्यवस्थापन, लेखापरीक्षक लगायतले पनि सेयर…

काठमाडौँ: सिटिजन्स बैंकले साउन १५ गतेदेखि चार लाख ६३ हजार ८२६ कित्ता थप सार्वजनिक निष्कासन ( एफपीओ) विक्री खुला गरेको छ । जारी सूचना अनुसार बैंकले अंकित मूल्य १०० रुपैयाँमा १०० रुपैयाँ प्रिमियम थप गरी प्रतिकित्ता २०० रुपैयाँका दरले एफपीओ बिक्री खुला गरेको हो । आवेदनको अन्तिम मिति साउन १८ गतेसम्म मात्रै राखिएको छ। तर आवश्यक एफपीओ विक्री हुन नसके बढीमा भदौ १४ गतेसम्म आवेदन खोल्ने बैंकले जनाएको छ । लगानीकर्ताले न्यूनतम ५० कित्तादेखि अधिकतम २३०० कित्ताका लागि आवेदन दिन सक्नेछन् । यो एफपीओमा सी–आस्वाको माध्यमबाट आवेदन दिनुपर्नेछ । एफपीओको बिक्री प्रबन्धक ग्लोबल आइएमई क्यापिटल हो । बैंकले संस्थापक र…

काठमाडौँ: गैरआवासीय नेपाली संघको ११ औं युरोपीय क्षेत्रीय बैठक तथा ९ औं युरोपीय महिला बैठक सम्पन्न भएको छ । बैठक यही जुलाई २९ र ३० मा लग्जेम्बर्गमा सम्पन्न भएको थियो । परराष्ट्रमन्त्री प्रदिप ज्ञवाली, पूर्व प्रधानमन्त्री डा. बाबुराम भट्टराई, लक्जेम्बर्ग सरकारका शिक्षा, युवा तथा बालबालिका मन्त्री कलाउडे मेइशले, संघीय संसदका माननीय सांसदद्वय रामकुमारी झाक्री र डा. सूर्य पाठक, पूर्व मन्त्री हिसिला यमी, बेल्जियम नेदरल्याण्ड र लग्जेम्बर्गका लागि नेपाली राजदुत महामहिम लोक बहारदुर थापा, गैरआवासीय नेपाली संघका अध्यक्ष भवन भट्ट, संरक्षक जीवा लामिछाने, संरक्षक रामप्रताप थापा, अन्तराष्ट्रिय समन्वय परिषदका पदाधिकारीहरु, एसिया, अमेरिका, मध्यपूर्व र युरोपका २८ देशबाट करिव चार सय प्रतिनिधिहरुको…

काठमाडौं: आर्किटेक्ट मिस नेपाल वल्र्ड २०१८ श्रृंखला खतिवडा गोर्खा इको प्यानलको ब्राण्ड एम्वेसडर भएकी छिन् । व्युटी विथ व्रेन भनेर चिनिने श्रृंखला नेपालकै पहिलो आर्किटेक्ट मिस नेपाल हुन् । पेशाले आर्किटेक्ट इन्जिनियर श्रृखलाले इन्जिनियरिंग अध्ययन संस्थान, पुल्चोक इन्जिनियरिंग क्याम्पसबाट स्नातक गरेकी हुन् । आफू मिस नेपाल वल्र्ड २०१८ भएता पनि आफनो इन्जिनियरिंग पेशा अनुरुपको प्रोडक्टमा ब्राण्ड एम्वेसडर हुन पाएको उनले खुशी व्यक्त गरेकी छिन् । स्थायी तथा अस्थायी संरचनाको निर्माणमा बाहिरी तथा भित्री पार्टेशन वालको रुपमा प्रयोग हुने गोर्खा इको प्यानलको प्रयोगबाट भूकम्पपश्चातको पुननिर्माण तीव्र हुने सम्भावना भएकोले पनि आफू गोर्खा इको प्यानलको ब्राण्ड एम्वेसडर बनेको उनले सुनाइन् । वर्तमान…

काठमाडौँ: संबैधानिक परिषदद्वारा प्रधान्यायाधिशमा सिफारिस गरिएका दिपकराज जोशीलाई संसदीय सुनुवाईबाट अस्वीकृत गर्दा कानुनी र राजनीतिक प्रश्न एकै साथ् उठ्ने भएको छ। जोशी मा संसदीय सुनुवाई समितिले अस्विकार गर्न सक्छ कि सक्दैन भन्नेमा संविधान मौन छ। तर संघिय संसदको संयुक्त सिमितिको कार्य संचालन नियमावलीले प्रस्टसंग अस्वीकृत गर्न सक्ने व्यवस्था गरेको छ । अर्कातर्फ दुई तिहाइको बहुमतबाट जोशीको नाम अस्वीकृत गर्दा न्यायालयभित्र कार्यकारिणीको छायाँ पर्ने भन्दै प्रमुख प्रतिपक्षसहित बिपक्षी राजनीतिक दलले विरोध गरेका छन् । संबिधानविद विपिन अधिकारी संसदीय समितिले जोशीको नाम अस्वीकृत गर्दा त्यसको वैधतामाथि ठुलो प्रश्न उठ्ने बताउँछन् । समितिले तत्काल नियमावलीको कार्यविधिअनुसार अस्वीकृत गर्न सक्ने विशेषाधिकार रहे पनि पछि…

काठमाडौँ: पूर्वराजा ज्ञानेन्द्र शाह थाइल्यान्ड जाने हुनुभएको छ । कान्छी नातिनी कृतिकाको उच्च शिक्षा अध्ययनका लागि कलेज भर्ना गराउन उहाँ थाइल्यान्ड जान लाग्नुभएको हो । उहाँ जेठी नातिनी पूर्णिका र कृतिकालाई लिएर भोलि १६ गते बुधबार थाइल्यान्ड जान लाग्नुभएको हो । उहाँको साथमा पूर्वरानी कोमल, निजी सचिव सागर तिमल्सिना, शाही अर्दली हस्तबहादुर मल्ल र शसस्त्रका निजी सुरक्षाकर्मी डीएसपी शिव राउत थाइल्यान्ड जान लाग्नुभएको हो । दुई वर्षअघि थाइल्यान्डमा उच्च शिक्षा अध्ययन गर्न पुग्नुभएकी जेठी नातिनी पूर्णिकासँगै कान्छी नातिनी कृतिकाले पढ्ने इच्छा गरेपछि कान्छी नातिनीलाई भर्ना गराउन ज्ञानेन्द्र परिवार थाइल्यान्ड जान लाग्नुभएको हो । अध्ययनको बन्दोबस्ती मिलाउन पूर्वयुवराज्ञी हिमानी निजी सचिव…

रसुवा: चिलिमे जलविद्युत् केन्द्रबाट उत्पादित विद्युत् राष्ट्रिय प्रसारणमा जोड्ने विद्युत् लाइनमा सांकेतिक बेलुन राख्न माग गरिएको छ । भार्खुको डिल र धुञ्चे तल अल्को ठाउँबाट सिधा विद्युत् तार भएकाले हेलिकोप्टर उडाई धुञ्चेमा बिरामी लिन जाँदा वा यात्रु पु¥याउन जाँदा उड्दै गरेको अवस्थामा प्रतिकूल मौसम आए पाइलटको एक मात्र सहारा नदी किनार हुने गरेको छ । नजिकमा नपुगी तार नदेखिने भएका कारण सम्भावित घटना न्यूनीकरणका लागि सांकेतिक चिह्नस्वरुप विद्युत् तारमा बेलुन राखिदिन माग गरिएको अल्टिच्युड एयरका पाइलट शोभित गौतमले बताए। कैलाश, सिम्रीक, डानेस्टिक फिस्टेल हेलिकोप्टर कम्पनीहरुले नेपाल विद्युत् प्राधिकरण समक्ष विद्युत् तारमा बेलुन राखिदिन आग्रह गरेका हुन् । नेपाल विद्युत् प्राधिकरण…

काठमाडौँ: वैदेशिक रोजगार विभागले तोकिएभन्दा बढी शुल्क लिएको भन्दै आज वसुन्धरास्थित अल स्किल्स इन्टरनेशनल ह्युमन रिसोर्स प्रालिमा छापा मारेको छ । सेवा शुल्कबापत रु १० हजार मात्र लिन पाउने व्यवस्था भए पनि उक्त मेनपावर कम्पनीले कुवेत जान लागेका ३५ जनासँग प्रतिव्यक्ति रु एक लाख ८० हजारसम्म रकम असुलेको भन्ने उजुरीका आधारमा विभागले छापा मारेको हो । विभागले उक्त मेनपावर कम्पनीको सम्पूर्ण कागजात नियन्त्रणमा लिएर कारबाही प्रक्रिया अगाडि बढाएको विभागका निर्देशक उद्धवप्रसाद रिजालले जानकारी दिए । उक्त मेनपावर कम्पनीबाट मंगलबार मात्रै ३५ जना नेपाली वैदेशिक रोजगारीका लागि कुवेत जाँदै थिए । विभागले मेनपावर कम्पनीमा छापा मारेपनि उनीहरु तोकिएको शुल्क बुझाएर रोजगारीका…