Author: पहिलोक्लिक

काठमाडौँ: श्रीलंकाको चर्च र होटलहरुमा भएको श्रृङ्खलावद्ध बिस्फोटमा परी कम्तीमा २०७ जनाको मृत्यु भएको छ । ५०० भन्दा बढी घाइते भएका छन् । ईसाई धर्मावलम्बीहरुले ‘इस्टर सन्डे’ पर्व मनाइरहेका बेला चर्च तथा होटलमा बिस्फोट भएको थियो । यसपालिको वैशाख ८ गते (आइतबार) क्रिश्चियन धर्मालम्वीको विशेष दिन हो। इस्टर सन्डे भनिन यो दिनलाई उनीहरू धुमधामसँग मनाउँछन्। श्रीलंकाको क्रिश्चियन धर्मालम्वीहरू पनि बिहान सबेरै आइतबारको प्रार्थना गर्न चर्चमा गएका थिए। तर उनीहरूले भव्य रूपमा इस्टर सन्डे मनाउन पाएनन्। स्थानीय समयअनुसार बिहान पौने ९ बजे राजधानी कोलोम्बो र आसपासका तीन चर्चमा एकैसाथ बिस्फोट भए। विदेशी पर्यटक बस्ने राजधानीका पाँचतारे होटलमा बम…

काठमाडौँ: लामो कसरतपछि नेपाल कम्युनिस्ट पार्टी (नेकपा) सचिवालय बैठकले ७७ जिल्ला कमिटी अध्यक्ष र सचिवको टुंगो लगाएको छ। आइतबार साँझ प्रधानमन्त्री निवास बालुवाटारमा बसेको बैठकले ७७ जिल्लाकै जिल्ला कमिटी अध्यक्ष र सचिवको टुंगो लगाएको पार्टी प्रवक्ता नारायणकाजी श्रेष्ठले जानकारी दिए। ‘लामो समयदेखि सांगठनिक एकीकरणको प्रक्रिया टुंगिन नसकेकोमा आजको बैठकले ७७ जिल्लाको जिल्ला कमिटीहरूको अध्यक्ष र सचिवको बारेमा टुंगो लगाएको छ। त्यो भोलि सार्वजनिक गरिने छ,’ उनले भने, ‘र छिट्टै केही दिन भित्रैमा पोलिटब्यूरोको गठन गरी सबै केन्द्रीय समितिका सदस्यहरूको कार्यविभाजन हुनेछ।’ यस्तै आजको बैठकले २००६ सालमा स्थापना भएको कम्युनिष्ट पार्टी स्थापना दिवसको अवसरमा भोलि प्रज्ञा भवनमा विशेष…

बाग्लुङ: जिल्लाको काठेखोला गाउँपालिका–५ बिहुँमा आइतबार साँझ जन्ती बोकेको बस दुर्घटना हुँदा १ जनाको मृत्यु भएको छ । ५ जना घाइते भएका छन् । ताराखोला गाउँपालिका १ माझखर्कबाट जन्ती लिएर काठेखोला गाउँपालिका–८ लेखानी जाँदै गरेको ध १ ख ४६८ नम्बरको बस बिहुँको भ्युटावरनजिकै सडकबाट खस्दा काठेखोला ८ का ६४ बर्षका गंगाबहादुर बिकको मृत्यु भएको प्रहरीले जनाएको छ । दुर्घटनापछि घाइतेलाई उपचारका लागि धौलागिरी अञ्चल अस्पताल ल्याइएको थियो । बस सडक भन्दा १० मिटर तल खसेको थियो ।

काठमाडौँ: सरकारले आयोजना गरेको लगानी सम्मेलनबाट ७७ परियोजनामध्ये ३१ परियोजनामा लगानी प्रतिबद्धता आएको छ। कूल २५ खर्ब रुपैयाँ बराबरको लगानी प्रस्ताव आएको छ। २६ वटा परियोजना ‘शोकेश’ मा भएका र आह्वान नभएका थप पाँच गरी कूल ३१ परियोजनामा आवेदन परेको हो। पत्रकार सम्मेलन आयोजना गर्दै लगानी बोर्डका प्रमुख कार्यकारी अधिकृत महाप्रसाद अधिकारीले उत्साहजनक रुपमा प्रस्ताव आएको बताउँदै प्राप्त भएका प्रस्तावलाई मसिनोसँग अध्ययन गरेर आवश्यक निर्णय लिइने बताए। सम्मेलनका क्रममा सरकारीस्तरबाट ५० र निजी क्षेत्रले २५ आयोजनालाई ‘शोकेश’ मा राखेका थिए। शोकेशमा राखिएका आयोजनामध्ये धेरैले भौतिक पूर्वाधार, ऊर्जा, शहरी पूर्वाधारमा चासो व्यक्त गरेका छन्। बोर्डका अनुसार कृषि…

काठमाडौं: खानेपानी मन्त्री बिना मगरले काठमाडौंको बाग्मती गुह्यश्वरी स्थित फोहोर पानी प्रशोधन केन्द्र आयोजनाको आकश्मिक निरीक्षण गर्नु भएको छ । खानेपानी मन्त्रालय अन्तर्गतको आयोजना कार्यान्वयन निर्देशनालय (पिआइडी) ले गुह्यश्वरीमा निर्माण गरिरहेको फोहोर पानी प्रशोधन केन्द्रको कार्य प्रगतिको अवलोकन गर्न मन्त्री मगरले निरीक्षण गर्नु भएको हो । दैनिक ३ करोड २४ लाख लिटर फोहोर पानीको प्रशोधन गरि शुद्धीकरण गर्ने उदेश्यले यो आयोजना अघि बढाइएको हो । खानेपानी मन्त्री मगरले काठमाडौं उपत्यकामा बनिरहेको यस किसिमको प्रशोधन केन्द्रले उपत्यकाको ढलको समस्या धेरै हल हुने बताउनुभयो । उहाँले आयोजनाको काम निर्धारित समयमा सम्पन्न गर्न निर्देशन समेत दिनु भएको छ । …

काठमाडौँ: नेकपा अध्यक्ष पुष्पकमल दाहाल ‘प्रचण्ड’ ले पार्टी एकता प्रक्रिया टुंगोमा पुगेको औपचारिक घोषणा सोमबार हुने बताए । उनले पार्टी एकता प्रक्रिया टुंगोमा पुग्दैन कि भनेर आशंका नगर्न समेत आग्रह गरेका छन् । उनका अनुसार आज साँझ ६ बजेका लागि सचिवालय बैठक डाकिएको छ। त्यसअघि साँझ ५ बजे दुई अध्यक्ष बसेर छलफल गर्ने दाहालले बताए। नेकपा स्थापनाको ७० औं दिवसको अवसरमा आइतबार राष्ट्रिय सभा गृहमा आयोजित कार्यक्रममा प्रचण्डले दुई जना कमरेडलाई दिनभर तयारी बैठक गर्न निर्देशन दिइएको बताए। यसअघि आजै बिहान प्रधानमन्त्री तथा नेकपा अध्यक्ष केपी शर्मा ओली, दाहाल,बरिष्ठ नेता माधवकुमार नेपाल र महासचिव विष्णु पौडेलबीच बालुवाटारमा छलफल भएको थियो।…

काठमाडौं: श्रीलंकामा भएका श्रृंखलावद्ध बम विष्फोटमा कम्तीमा २० जनाको मृत्यु भएको छ । २ सय जनाभन्दा बढी घाइते भएका छन् । इसाई धर्मावलम्बीहरुले इस्टर पर्व मनाइरहेका बेला चर्च र होटलहरुमा श्रृंखलावद्ध विस्फोट भएको थियो । कम्तीमा ६ स्थानमा विष्फोट भएको अधिकारीहरुले जनाएका छन् । राजधानी कोलम्बोका तीनवटा चर्च र तीन वटा होटलमा आक्रमण भएको थियो । कोलम्बोको सेन्ट एन्थोनी, कतुवपितिया र बाटिकालोआ चर्चमा विष्फोट भएको छ । सांग्रिला, सिनामोन ग्राण्ड र किंग्सबरी होटलमा पनि विष्फोट भएको समाचार एजेन्सीहरुले उल्लेख गरेका छन् । घटनाको थप विवरण आउन बाँकी छ ।

एजेन्सी: तामिल, तेलेगु र मलायलम भाषाको प्रख्यात नायिका तथा नर्तकी साई पल्लवीले हालै आफुलाई आएको दुई करोड भारुको सौन्दर्य क्रिमको व्यापारिक बिज्ञापन खेल्न अस्विकार गरेकी छिन् । यो खबर दी इन्डियन एक्सप्रेसले लेखेको छ । हालै मात्रै मलायलम भाषाको एक हिट फिल्म दिएकी ‘अथिरन’मा उनको प्रमुख भूमिका छ। उनलाई हालै मात्र आएको एक फेयरनेस क्रिम ब्रान्डको सम्झौता गर्न इन्कार गरेको खबर पछि त झन् उनको फिल्मभन्दा यतिबेला उनले गरेको सो निर्णयबाट उनीइ थप चर्चामा छिन्। उनले केही समय अघि पनि मारी-२ नामक अर्को हिट फिल्म दिएकी थिईन्। उनी भारतको तामिल नाडू राज्य जन्मिएकी हुन्। उनको पूरा नाम साई…

काठमाडौं: इन्डियन प्रिमियर लिग (आईपीएल) क्रिकेटमा दिल्ली क्यापिटल्सले किंग्स इलाभेन पन्जाबविरुद्ध ५ विकेटको जित निकालेको छ। टस हारेर ब्याटिङ गरेको पन्जाबले निर्धारित २० ओभरमा ७ विकेटको क्षतिमा १६३ रन बनाएको थियो । जवाफमा दिल्लीले १९.४ ओभरमा ५ विकेटको क्षतिमा १६६ रन बनाउँदै जित हासिल गर्यो । यो जितसँगै दिल्लीले १० खेलबाट १२ अंक बनाएको छ र तालिकाको तेस्रो स्थानमा छ । १० खेलबाट १० अंक बनाएको पन्जाब चौथो स्थानमा छ । दिल्लीको तर्फबाट कप्तान श्रेयस अय्यरले सर्वाधिक ५८ रन बनाए । उनी म्यान अफ द म्याच बने । अय्यरले ४५ बलमा जारी सिजनमा दोस्रो अर्धशतक बनाए ।…

काठमाडौं: अवकाशप्राप्त प्रधानध्यापक खोटाङ, रावाबेँसी गाउँपालिका, ४ डुम्रेधारापानीका विष्णुप्रसाद अधिकारीको नाम सामान्य गरिबको सूचीमा समावेश छ । मोरङ बसाइ सरिसकेका रावाबेँसीकै राजन अधिकारी मध्यम गरिब तथा ज्यामिरेका वडा सचिव दानबहादुर मगर सोलुखुम्बु हुलाकमा कार्यरत गोविन्दप्रसाद रिजाल, देउराली मावि डुम्रेधारापानीका शिक्षक एकवल्लभ रिजालको नाम पनि अति गरिबको सूचीमा समावेश छ। यस्तै, ऐसेलुखर्क गाउँपालिका, ५ दुबेकोलका मकरध्वज गुरुङ, छविलाल निरौलालगायतको नाम गरिब परिवारको सूचीमा राखिए पनि अन्य गरिबको तुलनामा अस्वाभाविक लाग्छन् । यो समाचार नागरिक दैनिकमा दमन राईले लेखेका छन् ।