Author: पहिलोक्लिक

पहिलो क्लिक डटकम आम सरोकारका विषयलाई प्राथमिकता दिने नेपालको अनलाइन न्यूज पोर्टल हो ।

चितवन: नेकपा माओवादी केन्द्रका अध्यक्ष पुष्पकमल दाहाल प्रचण्डले आगामी निर्वाचन चितवनबाटै लड्ने बताएका छन् । आज भरतपुरमा भएको पत्रकार सम्मेलनमा अध्यक्ष प्रचण्डले आफ्ना लागि अबको निर्वाचन अन्तिम हुनसक्ने बताए । उनले भने, ‘सायद अबको निर्वाचन मेरो लागि अन्तिम हुन पनि सक्छ, पाँच वर्षको लागि, तर म चितवन छोड्दिनँ । चितवनका जनतालाई कुनै भ्रम र द्विविधा नहोस् म चितवन छोडेर अन्त जाँदिनँ ।’ अर्को प्रशंगमा उनले न्यायपालिका, व्यवस्थापिका र कार्यपालिकाले आफ्नो गरिमालाई कायम राख्नुपर्ने बताए । अध्यक्ष प्रचण्डले भने, ‘न्यायालयको स्वतन्त्रता र गरिमालाई कहीँ कतैबाट आँच आउन दिन हुँदैन । अहिले डिबेड चलिरहेको छ । एकदुई दिनमा निष्कर्षमा पुग्छ भन्ने मलाई…

Read More

काठमाडौँ: कोरोनाभाइरसबाट पछिल्लो २४ घण्टामा थप ११ जनाको मृत्यु भएको छ । यससँगै देशभर कोरोनाबाट ज्यान गुमाउनेको कुल संख्या ११ हजार ३७२ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार पछिल्लो २४ घण्टामा ६६६ जना संक्रमित थपिएका छन् भने ६२२ जना निको भएका छन् । यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ८ लाख १० हजार २९८ र एन्टिजेन विधिबाट भएको परीक्षणमा ९४ हजार २१५ जना पुगेको छ । संक्रमितमध्ये हालसम्म देशभर ७ लाख ८८ हजार ६३० जना निको भएका छन् । यस्तै हाल देशभर सक्रिय संक्रमित १० हजार २९६ जना रहेका छन् ।

Read More

काठमाडौँ: शेयर बजार मापक सूचक नेप्से बढ्ने क्रमले साताको तेस्रो कारोबार दिन मंगलबार पनि निरन्तरता पाएको छ । सोमबार ८७.६३ अंकले बढेको बजारलाई पच्छाउँदै मंगलबार पनि नेप्से ७८.८२ अंक अर्थात २.९५ प्रतिशतको उच्च बढोत्तरी भएको हो । लाभांश सिजनमा नै निरन्तर घटेर कार्तिक ४ गते बिहीबार २५५६.९५ बिन्दुसम्म नेप्से झरेपछि कारोबारीहरुको प्रवेशले बजारमा उच्च अंकको ‘बाउन्स ब्याक’ देखिएको हो । आइतबार २५.५१ अंकले बढेको नेप्सेमा सोमबार र मंगलबार मात्रै १६६.४५ अंकको बढोत्तरी देखिएको हो । मंगलबारको नेप्से वृद्धिसँगै कारोबार रकम पनि बढेको छ । अघिल्लो दिन सोमबारको तुलनामा २ अर्ब १ करोडले बढेर कुल ६ अर्ब ३१ करोड ८३ लाख…

Read More

मोरङ: सुदूरपश्चिम प्रदेशमा वडा सम्मेलन नभएको अभिव्यक्तिलाई लिएर एमाले अध्यक्ष केपी शर्मा ओलीले उपाध्यक्ष भीम रावलसँग जवाफ माग्ने बताएका छन्। विराटनगरमा प्रेस चौतारी मोरङले मंगलबार गरेको पत्रकार सम्मेलनका क्रममा ओलीले रावलसँग जवाफ माग गर्ने बताएका हुन्। उपाध्यक्ष रावलले केही दिनअघि सुदूरपश्चिमका कुनै जिल्लामा वडा अधिवेशन नभएको जिकिर गरेका थिए। ‘एक दुईजनाले के भन्छन् त्यसको कुनै मतलब भएन’, पत्रकारले सोधेको प्रश्नमा उनले भने, ‘उहाँ (भीम रावल)ले किन त्यस्तो भन्नुभयो? म सोध्छु, जवाफ माग्छु।’ फरक प्रसंगमा ओलीले अहिलेको संसद्ले पनि कुनै काम गर्न नसकेको जिकिर गरे। ‘हामी सरकारमा छँदा एकजना सांसद उभिँदैमा व्यवधान खडा भएकाले संसद स्थगित हुन्थ्यो,’ओलीले भने, ‘अहिले एमाले जस्तो…

Read More

काठमाडौं: विवादमा तानिएका सर्वोच्च अदालतका प्रधानन्यायाधीश चोलेन्द्रशम्शेर जबराले कोसैले सडकबाट माग्दैमा राजीनामा नदिने धारणा राखेका छन् । फुल कोर्ट बहिस्कार गर्नुका साथै इजलासमा नबसेका सर्वोच्च अदालतका न्यायाधीशहरुले मंगलबार प्रधानन्यायाधीश जबरालाई भेटेर मार्ग प्रशस्त गर्न आग्रह गरेका थिए । बैठकमा आफ्नो कुरा राख्दै जबराले भने सडकमा कसैले मागेको भरमा राजीनामा नदिने जवाफ दिएका हुन्। ‘विवादमा अरु पनि होलान, सबैले दिने हो भने सोच्न सकिन्छ, होइन भने सडकमा माग गर्दैमा राजीनामा दिन सकिन्नँ,’ जबराले अडान लिए। उनले आफू संवैधानिक प्रक्रियाबाट आएको र जाने प्रक्रिया पनि संवैधानिक नै भएको समेत बताएर सक्ने भए महाअधियोग लगाऊँ भन्ने संकेत गरेको स्रोतको दाबी छ । भेटपछि…

Read More

काठमाडौँ: दसौं राष्ट्रिय महाधिवेशनअन्तर्गत नेकपा एमालेले आज (मंगलबार) देशभर पालिका (गाउँ/नगर) अधिवेशन गर्दै छ। एमाले केन्द्रीय कार्यालयका सचिव शेरबहादुर तामाङका अनुसार आज एकसाथ देशभरका स्थानीय तहमा अधिवेशन गरिने भएको हो। अध्यक्ष केपी शर्मा ओलीले मंगलबार दिउँसो १ बजे माइतिघरस्थित पार्टी केन्द्रीय कार्यालयबाट पालिका अधिवेशनको भर्चुअल उद्घाटन गर्ने कार्यक्रम छ। यसअघि शनिबार एमालेले देशभर एकसाथ वडा अधिवेशन सम्पन्न गरेको छ। बेमौसमी वर्षाका कारण बाढी र पहिरोले गर्दा केही वडामा भने अधिवेशन गर्न बाँकी छ। तिनमा क्रमश: यही कात्तिक १५ गतेभित्र वडा अधिवेशन सम्पन्न गरिने कार्यालय सचिव तामाङले जानकारी दिएका छन्।

Read More

काठमाडौँ: मंगलबार बिहान काठमाडौं उपत्यकासहित देशका विभिन्न क्षेत्रमा बदली रहेको छ । दिउँसो देशका थोरै स्थानमा हल्का वर्षाको सम्भावना रहेको मौसम पूर्वानुमान महाशाखाले जानकारी दिएको छ । महाशाखाका अनुसार उच्च पहाडी तथा हिमाली भूभागका केही स्थानमा हल्का हिमपातको सम्भावना पनि छ । मौसमविद्हरूका अनुसार पश्चिमी न्यून चापीय प्रणालीका कारण वर्षा हुन थालेको हो । राति पहाडी भूभागमा आंशिकदेखि सामान्य बदली र तराईमा आंशिक बदली रहने छ । उच्च पहाडी तथा हिमाली भूभागका थोरै स्थानमा हिमपातको सम्भावना छ ।

Read More

काठमाडौं: कोभिड प्रभावितलाई १० हजार बाँड्ने कार्यविधि स्वीकृत भएको छ। अर्थमन्त्रालयको प्रस्तावमा मन्त्रिपरिषदले सोमबार कार्यविधि स्वीकृत गरेको हो। मन्त्रालयले यसअघि पठाएको प्रस्तावमा सुधार गर्नुपर्ने भन्दै फिर्ता पठाएको थियो। थप परिमार्जन सहित पठाइको प्रस्ताव मन्त्रिपरिषदले पारित गरेको हो। यो कार्यक्रमको लागि सरकारले ५ अर्ब रुपैयाँ विनियोजन गरेको छ। प्रतिस्थापन विधेयकमा असोज १५ गते नै प्रभावित परिवारलाई रकम बाँड्ने भनिएपनि कार्यविधि तयार नहुँदा रोकिएको थियो। यो कार्यक्रमा विशेषगरी कोभिड महामारीबाट रोजगारी गुमाएका कुनै पनि सामाजिक सुरक्षाले नसमेटेका घरपरिवार समेटिने छन्।

Read More

काठमाडौँ: एएफसी यू–२३ एसिया कप छनोट प्रतियोगिताअन्तर्गत पहिलो खेलमा नेपाल इरानसँग हारेको छ। ताजकिस्तानस्थित सेन्ट्रल रिपब्लिकन स्टेडियममा साेमबार भएको प्रतिस्पर्धामा नेपाललाई बलियो इरानले ४–० गोलअन्तरले जितेको हो। पहिलो हाफसम्म खेल गोलरहित बराबरी रहे पनि दोस्रो हाफमा कमजोर प्रदर्शन गरेपछि नेपाल इरानसँग हारेको हो। दोस्रो हाफदेखि नेपालले एकोहोरो गोल खाएको हो। फिफा वरीयतामा एसियाको शीर्ष स्थानमा रहेको इरानले ४७, ७७, ७९औं र थपिएको ३ मिनेटमा नेपालविरुद्ध लगातार गोल हानेको हो। इरानका हुसेनले २, मेहदी र यासिनले १/१ गोल गरेका हुन्। समूह बीअन्तर्गत नेपाललाई हराउँदै इरानले विजय सुरुवात गरेको हो। जितसँगै इरानले ३ अंक प्राप्त गरेको छ। नेपाल भने अंकविहीन भएको…

Read More

लमजुङ, ८ कात्तिक (रासस) : पहाडी जिल्ला लमजुङमा भूकम्पको धक्का महसुस भएको छ । जिल्लास्थित मस्र्याङ्दी गाउँपालिका–३ खुदी आससास केन्द्रविन्दु बनाएर आज राति ८ बजेर ३०  मिनेट जाँदा ४ दशमलव १ रेक्टर स्केलको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ । भूकम्पले जिल्लावासीलाई त्रसित बनाएको छ । भूकम्प जानासाथ  स्थानीयवासी घरबाट सडक गल्लीमा निस्केका थिए । मानवीय क्षतिबारे जानकारी भने केही नआएको जिल्ला प्रहरी निरीक्षक जगदीश रेग्मीले बताउनुभयो । उहाँले भन्नुभयो, “हालसम्म मानवीय क्षति भएको खबर प्राप्त नभए पनि भूकम्प जाँदा त्रसितका कारण सर्वसाधरणहरू घरबाहिर निश्केका थिए ।” –––

Read More