Author: पहिलोक्लिक

काठमाडौँ: त्रिभुवन अन्तर्राष्ट्रिय विमानस्थललाई ‘बुटिक विमान स्थल’ मा रुपान्तरण गर्ने लक्षका साथ अघिबढेको सरकारलाई थप सहयोग हुनेगरी अध्यागमन विभागले अव छिट्टै ‘मेसिन रिडेवल भिसा’ जारी गर्ने भएको छ। अध्यागमन विभागका महानिर्देशक तथा सहसचिव इश्वर राज पौडेलका अनुसार यसै आर्थिक वर्षको ७ देखि ८ महिनाभित्र ‘मेसिन रिडेवल भिसा’ अर्थात मेसिनले मात्रै पढ्न सक्ने भिसा जारी गर्नेछौं । अध्यागमनमा आयोजित पहिलो पत्रकार सम्मेलनमा बोल्दै पौडेलले भने, “बिमानस्थल भनेको सबै देशी-विदेशीले अनुभव गर्ने पहिलो गन्तब्य भएको र यसको समयसापेक्ष आधुनिक प्रविधिसहित स्तरउन्नति हुन जरुरी छ यसका लागि हामीले सरकारको अझ भनौं गृह मन्त्रालयको गृह प्रसाशन सुधार कार्ययोजनालाई सहयोग हुनेगरी काम गरीरहेका छौं।” हाल…

भीमदत्तनगर: : बलात्कारपछि हत्या गरिएकी कञ्चनपुरको भीमदत्तनगरपालिका–२ की निर्मला पन्तकी आमा दुर्गादेवीको आज रगत नमूना सङ्कलन गरिएको छ । निर्मलाको शरीरबाट सङ्कलन गरिएको ‘भेजाइनल स्वाव’ यकिन गर्न दुर्गादेवीले जिल्ला प्रहरी कार्यालयमा रगत नमूना सङ्कलनका लागि निवेदन दिनुभएको थियो। प्रहरीले महाकाली अञ्चल अस्पतालको प्रयोगशालामा उहाँको नमूना रगत सङ्कलन गरेको प्रहरीले जनाएको छ । “घटनाको थप अनुसन्धानमा सहयोग पुगोस् भनेर मैले आफूखुशी रगत दिएकी हुँ,” दुर्गादेवीले भन्नुभयो, “आवश्यक परीक्षणका लागि आग्रह गर्दछु ।” निर्मलाका बुबा यज्ञराज पन्तले भने परीक्षणका लागि रगत नमूना सङ्कलन गर्न मान्नुभएको छैन् । दुर्गादेवीले श्रीमान् यज्ञराजले रगत दिन अस्वीकार गरेको जानकारी दिनुभयो । प्रहरी उपरीक्षक कुबेर कडायतले सङ्कलन…

काठमाडौं: आफूसँग भएको सहमतिअनुसार चिकित्सा शिक्षा विधेयक संसदबाट पारित गर्नुपर्ने माग गर्दै डा. गोविन्द केसी आमरण अनसनमा बसेका छन् । इलाममा बुधबार पत्रकार सम्मेलन गरी उनले माफियामुखी बुँदाहरु समेटेर संसदको शिक्षा तथा स्वास्थ्य समितिले विधेयक संसदमा पठाएकाले बुधबार ५ बजेदेखि १६ औं अनसन सुरु गरेको बताएका छन् । केसी इलामको शहरी विकास तथा भवन निर्माण विभाग डिभिजन कार्यालयको पुरानो कार्यालय फूलगाहीमा अनसन बसेका छन् । केसीले ६ बुँदे माग राख्दै सत्याग्रह सुरु गरेका हुन् । उनले १५ औं सत्याग्रहका क्रममा २०७५ साउन १० गते सरकारसँग भएको सम्झौताअनुसार अक्षरश संशोधन गरेर चिकित्सा शिक्षा विधेयक संसदबाट पारित गर्न माग गरेका छन् ।…

काठमाडौँ: प्रतिनिधिसभाको बैठकले ‘जीवनाशक विषादी व्यवस्थापन विधेयक, माथि विचार गरियोस्’ भन्ने प्रस्ताव सर्वसम्मतले स्वीकृत गरेको छ । कृषि तथा पशुपक्षी विकासमन्त्री चक्रपाणि खनालले प्रतिनिधिसभाको आजको बैठकमा सो प्रस्ताव प्रस्तुत गर्नुभएको थियो । मन्त्री खनालले सांसदका जिज्ञासाको जवाफ दिँदै विधेयकमा विषादी व्यवस्थापनका लागि एकद्वार प्रणालीको व्यवस्था गरिएको बताए। प्रस्तावमाथि नवराज सिलवाल, सञ्जयकुमार गौतम, नारायणप्रसाद खतिवडाले जिज्ञासा राख्नुका साथै थप गर्नुपर्ने व्यवस्थाका बारेमा सुझाव दिएका थिए। बैठकमा कृषि, सहकारी तथा प्राकृतिक स्रोत समितिका सभापति पूर्णकुमारी सुवेदीले ‘सङ्कटापन्न वन्यजन्तु तथा वनस्पतिको अन्तर्राष्ट्रिय व्यापार नियन्त्रण (पहिलो संशोधन) विधेयक, २०७५ विधेयकसम्बन्धी समितिको प्रतिवेदन, २०७५’ पेश गरेका थिए। ‘नेपालको संविधान अनुकूल बनाउन केही नेपाल ऐनलाई संशोधन…

काठमाडौं : अख्तियार दुरुपयोग अनुसन्धान आयोगले सहसचिव चन्द्रमान श्रेष्ठ विरुद्ध भ्रष्टाचारको मुद्दा दर्ता गरेको छ। श्रेष्ठले सार्वजनिक पदमा रहँदा अवैध सम्पत्ती आर्जन गरेको भन्दै अख्तियारले विशेष अदालतमा मुद्दा दर्ता गरेको हो । अख्तियारले आज भ्रष्टाचार निवारण ऐन, २०१७ को दफा १५ एवं प्रचलित भ्रष्टाचार निवारण ऐन, २०५९ को दफा २० को उपदफा (१) बमोजिमको मुद्दा दर्ता गरेको हो । हाल वातावरण मन्त्रालयमा सहसचिवका रुपमा कार्यरत श्रेष्ठले पदमा रहँदा १ करोड ३४ लाख ५ सय ३६ रुपैया ७६ पैसा अवैध आर्जन गरेको अख्तियारको ठहर छ। यातायात व्यवस्था विभागमा पूर्वमहानिर्देशक समेत रहेका श्रेष्ठ विरुद्ध १ करोड ३४ लाख रुपैयाँ भ्रष्टाचारको आरोप छ।…

काठमाडौँ : परराष्ट्रमन्त्री प्रदीपकुमार ज्ञवाली ‘रायसिना संवादको चौथो संस्करण’मा भाग लिन भोलि बिहीबार नयाँ दिल्ली जाँदै छन् । मन्त्री ज्ञवालीले उक्त संस्करणलाई सम्बोधन गर्ने कार्यक्रम रहेको परराष्ट्र मन्त्रालयले जनाएको छ । अब्जर्भर रिसर्च फाउण्डेशनद्वारा भारतीय विदेश मन्त्रालयको सहकार्यमा हुने सो कार्यक्रमम यस वर्षको विषय ‘अ वल्र्ड रिअर्डरः न्यू जिओमेट्रिक्स, फ्ल्युड पार्टनरसिप, अनसर्टेन आउटकम्स’ छ । भ्रमणका अवधिमा मन्त्री ज्ञवालीले भारत सरकारका उच्च अधिकारीसँग समेत भेटघाट गर्नेछन । मन्त्री ज्ञवाली पर्सि शुक्रबार स्वदेश फर्किने कार्यक्रम छ ।

काठमाडौँ : आजको शेयर बजार सामान्य अंकले बढ्दै लगानीकर्ताहरूलाई केहि राहत दिलाएको छ । बुधबार नेप्से २.२९ अंकले बढेर ११७९.३६ बिन्दुमा पुगेको छ । हिजो धितोपत्र बोर्डले कमजोर रेटिङ्ग भएका कम्पनीहरूले आइपिओ निष्काशन गर्न नपाउने व्यवस्था गरेपछि शेयर बजार उकालो लागेको हो । झिनो अंकले बढेको बजारमा ३४ करोड भन्दा बढीको काराेबार भएको छ । तर कारोबारमा भने खासै सुधार देखिएन । आज १६६ कम्पनीका १५ लाख १३ हजार ९२१ कित्ता शेयर किनबेच भयो । आज कारोबार भएका १० उपसूचक मध्ये फाइनान्स र अन्य समूहको सुचक ऋणात्मक देखियो । बाँकी ८ सुचक सकारात्मक छन् । बुधबार छिमेक लघुवित्तको संस्थापक शेयर…

काठमाडौँ: राष्ट्रिय चिकित्सा शिक्षा विधेयक, २०७५ लाई प्रतिनिधिसभा, शिक्षा तथा स्वास्थ्य समितिको आजको बैठकले बहुमतबाट पारित गरेको छ । समितिका उपस्थित १८ सदस्यमध्ये १४ जना सदस्य विधेयकको पक्षमा र बाँकी चार जना विपक्षमा रहेका थिए । प्रमुख प्रतिपक्षी दल नेपाली काङ्ग्रेसका सदस्यले विधेयकको विपक्षमा आफ्नो मत राख्नुभएको थियो । सङ्घीय संसद्, प्रतिनिधिसभा नियमावली २०७५ को १८१ धाराअनुसार समितिको बैठकले बहुमतका आधारमा विधेयक पारित गरेको थियो । समितिका सदस्य भैरवबहादुर सिंहको संयोजकत्वमा गठित उपसमितिले तयार पारेको सो विधेयकका सम्बन्धमा व्यवस्था गर्न बनेको विधेयकको प्रतिवेदनलाई समितिका सभापति जयपुरी घर्तीले बैठकमा निर्णयार्थ प्रस्तुत गर्नुभएको थियो । यसअघि समितिको बैठकमा शिक्षा तथा विज्ञान प्रविधिमन्त्री…

डिप्रोक्स लघुवित्त (DDBL) को २० प्रतिशत लाभांश सुरक्षित गरि लाभ उठाउने आज अन्तिम दिन हो । लघुवित्तले भोलि शेयरधनी दर्ता किताव बन्द गर्ने भएकोले आज सम्म कायम शेयरधनीले मात्र लाभांश पाउने छन् । लघुवित्तको साधारण सभा माघ ११ गते हुदैछ । लघुवित्तको साधारण सभाले १० प्रतिशत बोनस शेयर र १० प्रतिशत नगद लाभांश गरी कुल २० प्रतिशत लभांश वितरण गर्ने प्रस्ताब साधारण सभाबाट पारित गर्नेछ । आज लघुवित्तको प्रतिशेयर ६५३ रूपैयाँको हाराहारीमा कारोबार भईरहेको छ । लघुवित्तको हाल चुक्ता पुँजी ७० करोड ३१ लाख रूपैयाँ छ । बोनस वितरण पश्चात लघुवित्तको चुक्ता पुँजी ७७ करोड ३४ लाख १० हजार रूपैयाँ…

भक्तपुर : सूर्यबिनायक नगरपालिका–५ सल्लाघारी चोकस्थित भएको मोटरसाइकल दुर्घटनामा एक जनाको मृत्यु भएको छ सिर्जनानगरबाट दुवाकोटतर्फ जाँदै गरेको बा ९४ प ७१७४ नं को मोटरसाइकल अनियन्त्रित भई दुर्घटना हुँदा चालक भक्तपुरको चाँगुनारायण नगरपालिका–४ बस्ने २९ वर्षीय शहीद तामाङको मृत्यु भएको महानगरीय प्रहरी परिसर भक्तपुरका प्रहरी नायब उपरीक्षक रेवतीरमण पोखरेलले जानकारी दिए दुर्घटनामा मोटरसाइकलमा सवार दुईजना घाइते भएको र तामाङको उपचारको क्रममा इवामुरा अस्पताल सल्लाघारीमा मृत्यु भएको र अर्का घाइते चाँगुनारायण नपा ४ बस्ने २७ वर्षीय सेरवबहादुर तामाङको सोही अस्पतालमा उपचार भइरहेको उनले बताए ।