Author: पहिलोक्लिक

काठमाडौं: निर्माण व्यवसायीहरुलाई ‘अननोन मोबाईल नम्बर’ बाट ज्यान मार्ने धम्की आउँदा पनि सरकारले चासो नदिएको नेपाल निर्माण व्यवसायी महासंघले गुनासो गरेको छ । नेपाल निर्माण व्यवसायी महासंघले मंगलबार काठमाडौंमा पत्रकार सम्मेलन गरी महासंघका अध्यक्ष, महासचिवलगायतका २५ जनाभन्दा बढि निर्माण व्यवसायीहरुलाई ‘अननोन मोबाईल नम्बर’ ज्यान मार्ने धम्की आएको जानकारी प्रधानमन्त्री, गृहमन्त्री र सुरक्षा निकायका अधिकारीहरुलाई जानकारी गराउँदा पनि चासो नदिएको भन्दै गुनासो गरेको हो । महासंघका अध्यक्ष रवि सिंहले दिनहुँ जसो आफूहरुमाथि पैसा नदिए महासंघका पूर्व अध्यक्ष सरदकुमार गौचनको झै गोली हानेर हत्या गरिदिने धम्की आउने गरेको बताए । महासंघका अनुसार अध्यक्ष सिंह, महासचिव रोशन दाहाल, पूर्व अध्यक्ष…

काठमाडौँ: नेपाल वायुसेवा निगमले चैत मसान्तको किस्ता पनि तिर्न नसकेपछि नागरिक लगानी कोष तथा संचय कोषले हिसाव हेरेका छन्। निगमले दुवै कोषलाई चैत मसान्तको ४०–४० करोड रुपैयाँ किस्ता बुझाउनुपर्छ। सम्झौताअनुसार किस्ताको अवधि सकिएको १५ दिनभित्र रकम बुझाउनुपर्ने छ। ‘दिइएको अन्तिम अवधिअनुसार पनि बैशाख १५ सम्म किस्ता बुझाउनुपर्ने हो, तर बुझाएको छैन’ नागरिक लगानी कोषका प्रवक्ता उद्धव सिलवालले भने। दुवै कोषको प्रतिनिधी टोलीले निगमको हिसावकिताव पनि हेरेको उनले जानकारी दिए। उनका अनुसार कोषलाई निगमले पुस मसान्तकै करिब २० करोड रुपैयाँ बुझाउन बाँकी छ। जुन रकम अर्थ मन्त्रालयले बुझाइदिने भनिए पनि प्राप्त नभएको कोषले जनाएको छ। ‘मन्त्रालयबाट प्रक्रियामै…

काठमाडौँ: नेपाल आयल निगमले मापदण्ड संशोधन गरेर पेट्रोल पम्पको लाइसेन्स खुला गरेको छ । पेट्रोल पम्प संचालन सम्वन्धी विक्रेता विनियमावली संशोधन गरेर नयाँ पम्पका लागि लाइसेन्स खुला गरिएको हो । विक्रेतामा नियुक्त हुन चाहने फर्म/कम्पनी/संगठित संस्थाले निगमको विक्रेता विनियमावली २०७५ को परिच्छेद- २ विनियम (४) बमोजिम दुई महिना (६० दिन) भित्र आवेदन दिन सकिन्छ । सोही विनियमावलीको विनियम ५ बमोजिम निगमको पेट्रोलियम पदार्थ विक्रेता विनियमावली २०७५ को अनुसुची १ बमोजिमको ढाँचामा निगमको कार्यालयहरुमा सम्पर्क गर्न सकिने उल्लेख गरिएको छ । निगमका अनुसार साधरण विक्रेता र पेट्रोल विक्रेता वीचको विक्री स्थलको दुरी कम्तीमा ३ सय मिटरको दुरीमा हुनुपर्नेछ।…

डोल्पा : हुरीले आर्दश माध्यामिक विद्यालयको छाना उडाएको छ। बाल विकास केन्द्रको कक्षा १ देखि १० सम्मको ११ कोठाको जस्तापाता हावाले उडाएपछि पढाइ प्रभावित भएको छ । दिउँसो २ बजेपछि आएको हुरीले बालवालिका पढिरहेकै बेलो छाना उडाएको हो। हुरीले छाना उडाउँदा विद्यार्थीको भागाभाग भएको थियो। हुरीले छाना उडाए पनि बालवालिका सुरक्षित छन्। कुनै मानवीय क्षति नभएको प्रधानाध्यापक पूर्णबहादुर डाँगीले जानकारी दिए। उनका अनुसार करिब ५ सय ७१ विद्यार्थी रहेको विद्यालयमा घाम लागे मात्रै पढाउन सकिने अवस्था छ। छाना उडाएपछि विद्यालयको १५ लाख भन्दा धेरै क्षति भएको अनुमान गरिएको छ। हावाहुरीले १० गते विद्यामन्दिर माध्यामिक विद्यालयको छाना पनि…

भक्तपुर : नेपाल विद्युत प्राधिकरण भक्तपुर वितरण केन्द्रले विद्युत चुहावट नियन्त्रणमा उल्लेखनीय उपलब्धि हासिल गरेको छ। जसअनुसार विद्युत चुहावट अहिलेसम्मकै न्यून विन्दुमा झरेको हो। केन्द्रका अनुसार गएको आर्थिक वर्षमा १८.५८ प्रतिशत रहेको विद्युत चुहावट चालू आर्थिक वर्षको चैत महिनामा अहिलेसम्मकै न्यून ८.४६ प्रतिशतमा झरेको हो। केन्द्रका प्रमुख प्रज्ज्वलमान श्रेष्ठले चालू आर्थिक वर्षको चैत महिनाको विद्युत चुहावट ८.४६ प्रतिशत अहिलेसम्मकै न्यून चुहावट भएको दावी गरे। ‘गएको फागुन महिनासम्मै ११.८८ प्रतिशत रहेको चुहावट चैतमा आउँदा ८.४६ प्रतिशतमा झार्न सफल भएका हौं’, उनले भने। गत वर्षको चैत महिनामै विद्युत चुहावट १५.२९ प्रतिशत रहेको थियो। आर्थिक वर्ष २०७२/७३ मा ३७.०३…

सुर्खेतः तीन सातामा १० जनाको ज्यान जानेगरी हुम्लाको ताँजाकोटमा फैलिएको मौसमी फ्लु विस्तारै नियन्त्रणमा आउन थालेको छ। संक्रमण सुरु भएको तीन सातापछि चिकित्सकहरु पुगे पनि उपचारमा विशेष ध्यान दिँदा दुई दिनमै फ्लू नियन्त्रणमा आउन थालेको चिकित्सकले बताएका छन्। आइतबार पुगेका चिकित्सकहरुले शिविर संचालन गरेर बिरामीहरुको जाँच सुरु गरेका थिए। शनिबारसम्म नौ जनाको मृत्यु भएकोमा पुनः आइतबार राती थप एक जनाको मृत्यु भएको थियो। पहिल्यैदेखि शिरियस भएका बिरामीको ज्यान गए पनि अब गम्भीर प्रकृतिका बिरामीहरु नभएको उपचारमा संलग्न चिकित्सकले जानकारी दिएका छन्। सोमबार बिहान आठ बजेदेखि संचालन गरिएको शिविरमा आउने अधिकांशमा सामान्य रुघाखोकी, ज्वरो र झाडापखालाको संक्रण देखिएको चिकित्सक…

काठमाडाैं: समाज कल्याण परिषदले भृकुटीमण्डपमा सञ्चालित फनपार्क र टुकुचामा सञ्चालित तरकारी बजारको भाडा सम्झौता रद्द गरेको छ । परिषदका सूचना अधिकृत दुर्गाप्रसाद भट्टराईले भृकुटीमण्डपको फनपार्क र टुकुचाको तरकारी बजारको भाडा सम्झौता खारेज गरिएको बताए । भृकुटीमण्डपस्थित ८३ रोपनी जग्गामा पूर्वश्रमराज्यमन्त्री टेकबहादुर गुरुङले फनपार्क र ल्यामापुचःले मनोरञ्जन स्टल सञ्चालन गर्दै आएका थिए । टुकुचाको ८.५ रोपनी जग्गामा हरितकृषि सहकारीले तरकारी बजार सञ्चालन गर्दै आएको थियो । ‘भृकुटीमण्डपमा दुईवटा कम्पनीले छुट्टाछुट्टै तवरले मनोरञ्जनका स्टल सञ्चालन गर्दै आएका थिए । त्यस्तै, टुकुचामा तरकारी बजार सञ्चालन हुँदै आएको थियो,’ सूचना अधिकृत भट्टराईले भने, ‘अब उल्लेखित दुवै ठाउँमा परिषदकाे अर्को आदेशविना फनपार्क…

काठमाडौं:लगानीयोग्य रकम (तरलता)को अभाव हुँदाहुँदै पनि बैंकहरुले नाफा बढाएका छन्। तरलताको असर बैंकको नाफामा खासै नपरेको उनीहरुको तेस्रो त्रैमासिक वित्तीय विवरणले देखाएको छ। बैंकहरुले चालु आर्थिक वर्षको चैत मसान्तसम्मको वित्तीय विवरण धमाधम सार्वजनिक गरिरहेका छन्। उनीहरुले सार्वजनिक गरेको वित्तीय विवरणमा नाफा बढेको देखिएको छ। सोमबारसम्म सात वाणिज्य बैंकले चालु वर्षको तेस्रो त्रैमाससम्मको वित्तीय विवरण सार्वजनिक गरिसकेका छन। तीमध्ये नेपाल बैंकको नाफामात्र घटेको छ। अन्य बाँकी ६ बैंकको नाफा बढेको छ। चैत मसान्तसम्म एभरेस्ट बैंकले दुई अर्ब २१ करोड रुपैयाँ नाफा कमाएको छ। पोहोरभन्दा यस वर्षको नौ महिनामा यसले ३४ करोड रुपैयाँले नाफा बढाएको छ। गत वर्ष एभरेस्ट बैंकले सो अवधिमा…

काठमाडौं : सरकारले चिनी आयातमा लगाएको परिमाणात्मक प्रतिबन्द तीन महिना थप गरेकोे छ। उद्योग, वाणिज्य तथा आपूर्ति मन्त्रालयको प्रस्तावमा मन्त्रिपरिषद् कार्यालयले चिनी आयातमा लगाइएको प्रतिबन्धलाई निरन्तरता दिएको हो। यसअघि मन्त्रिपरिषद् बैठकले गत भदौ ३१ गते एक वर्षमा ९४ हजार ९ सय मेट्रिक टन मात्रै आयात गर्न पाउने कोटा निर्धारण गरेको थियो। यो अवधि चैतमा सकिएपछि सरकारले पुनः वैशाखदेखि असारमसान्त लागू हुने गरी राजपत्रमा सूचना प्रकाशन गरी प्रतिबन्द लगाएको उद्योग, वाणिज्य तथा आपूर्ति मन्त्रालयकी सह प्रबक्ता उर्मिला केसीले जानकारी दिइन्। गत चैत २५ गते नेपाल उद्योग परिसंघको वार्षिकोत्सवमा चिनी व्यापारीले झुक्याएर आफूमार्फत आयातमा अंकुश लगाउन लगाएको प्रधानमन्त्री केपी ओलीले…

काठमाडौं : अख्तियार दुरूपयोग अनुसन्धान आयोगले खुलामञ्च अतिक्रमणबारे अनुसन्धान थालेको छ। उजुरी परेपछि अतिक्रमण सम्बन्धमा छानबिन थालिएको अख्तियारका प्रवक्ता एवं सहसचिव प्रदीपकुमार कोइरालाले जानकारी दिए। ‘उजुरी पनि आएको छ, छानबिन सुरु गरेका छौं,’ उनले भने, ‘सञ्चारमाध्यममा आएका विषयमा अनुसन्धान गर्छौं।’ अख्तियार स्रोतका अनुसार काठमाडौं महानगरपालिकाका सम्झौता गर्ने कर्मचारी र ठेकेदार कम्पनीमाथि अनुसन्धान भइरहेको छ। तत्कालीन प्रमुख कार्यकारी अधिकृत रुद्रसिंह तामाङ, प्रशासकिय अधिकृत ज्ञानेन्द्रबहादुर कार्कीलगायत कर्मचारी अख्तियारको अनुसन्धान घेरामा छन्। निर्माण कम्पनी जलेश्वर स्वच्छन्द बिकोई बिल्डर्स प्रालिका सञ्चालक मनोज भेटवालमाथि अख्तियारले अनुसन्धान थालेको छ। २०७३ जेठ २० मा काठमाडौं महानगरपालिका र जलेश्वर स्वच्छन्द बिकोई बिल्डर्सबीच ३ वर्ष खुलामञ्च…